Gujarat: રાજ્યમાં બે દિવસ બાદ ઠંડી ભૂક્કા કાઢશે, જાણો હવામાન વિભાગે શું કરી આગાહી ?

હવામાન વિભાગના જણાવ્યા અનુસાર રાજ્યમાં મંગળવારે અને બુધવાર તાપમાનમાં કોઈ ખાસ ફેરફાર નહીં થાય. પરંતુ બે દિવસ બાદ ઠંડીમાં વધારો થશે.

ગુજરાત ઠંડી

ગાંધીનગર: હવામાન વિભાગના જણાવ્યા અનુસાર રાજ્યમાં મંગળવારે અને બુધવાર તાપમાનમાં કોઈ ખાસ ફેરફાર નહીં થાય. પરંતુ બે દિવસ બાદ ઠંડીમાં વધારો થશે. ઉત્તરાયણ પહેલા ઠંડીનો ચમકારો ફરી એક વખત જોવા મળશે. 13 જાન્યુઆરીથી ઠંડીમાં વધારો થશે. 13 જાન્યુઆરીથી ત્રણ દિવસ તાપમાન ઘટતા ઠંડીનું જોર વધશે. અમદાવાદ અને ગાંધીનગરનું તાપમાન 10 થી 11 ડિગ્રી રહી શકે છે. ઉત્તરાયણના દિવસે દિવસે પવનની ગતી 10 km પ્રતિ કલાક રહેવાની શક્યતા છે. જ્યારે કેટલાક સ્થળો ઉપર પવનની ગતિ 20 km પ્રતિ કલાક રહેવાની શક્યતા છે. નલિયામાં પણ શીત લહેરની શક્યતા બની શકે છે.

લઘુતમ તાપમાનમાં ફેરફાર થવાની સંભાવના નહિવત

ગુજરાતમાં ઠંડીમાં થઇ રહેલા ઘટાડાનો ક્રમ સતત બીજા દિવસે જારી રહ્યો છે. ગત રાત્રિએ રાજ્યભરમાં સરેરાશ લઘુતમ તાપમાન 12 ડિગ્રીથી વધારે નોંધાયું હતું. હવામાન વિભાગની આગાહી અનુસાર આગામી 3 દિવસ લઘુતમ તાપમાનમાં ફેરફાર થવાની સંભાવના નહિવત્ છે. જોકે, ત્યારબાદના બે દિવસમાં લઘુતમ તાપમાન 2-3 ડિગ્રી ઘટતાં ઠંડીમાં સાધારણ વધારો થઇ શકે છે. ગત રાત્રિએ 12.5 ડિગ્રી સાથે નલિયામાં સૌથી નીચું તાપમાન નોંધાયું હતું. નલિયાના સરેરાશ લઘુતમ તાપમાનમાં ચાર દિવસમાં 10 ડિગ્રી જેટલો વધારો નોંધાયો છે.

અમદાવાદમાં 16.7  ડિગ્રી સાથે સરેરાશ લઘુતમ તાપમાનમાં સામાન્ય કરતાં ચાર ડિગ્રીનો વધારો નોંધાયો હતો. આગામી 3 દિવસ અમદાવાદમાં સરેરાશ લઘુતમ તાપમાન 16 ડિગ્રીની આસપાસ જ રહે તેવી સંભાવના છે. આજે દિવસ દરમિયાન અમદાવાદનું સરેરાશ મહત્તમ તાપમાન સામાન્યથી ૩ ડિગ્રી વધીને 30.6 ડિગ્રી નોંધાયું હતું. રાજકોટમાં 17.2 ડિગ્રી સાથે સરેરાશ લઘુતમ તાપમાનમાં સામાન્ય કરતાં ચાર ડિગ્રીનો વધારો નોંધાયો હતો.

ગુજરાત સરકાર કરાર આધારિત અને આઉટ સોર્સિંગ પ્રથા કરી શકે છે નાબૂદ 

યુવાનો માટે સૌથી સારા સમાચાર આવ્યા છે.  ગુજરાત સરકાર કરાર આધારિત અને આઉટ સોર્સિંગ પ્રથા નાબૂદ કરી શકે છે.  સરકારના આગામી બજેટમાં આ અંગેની જોગવાઈ કરી શકે છે.  કરાર આધારિત અને આઉટ સોર્સિંગ પ્રથાના બદલે હવે કાયમી નિમણૂંક થશે.  હાલમાં 11 માસના કરાર આધારિત અલગ- અલગ સરકારી વિભાગોમાં 7 લાખ લોકો કામ કરે છે. જો કરાર આધારિત કે આઉટસોર્સિંગ પ્રથા નાબૂદ કરે તો રાજ્યના સાત લાખ યુવાનોને સીધી સરકારી નોકરી મળી શકે છે.