અંબાલાલ પટેલની આગાહી: ગુજરાતમાં આ તારીખથી આભ ફાટશે! આ વિસ્તારોમાં ભારે વરસાદની આશંકા

વડોદરામાં સિસ્ટમ મજબૂત બને તો 6 ઈંચ વરસાદની શક્યતા; જાણો કચ્છ અને સૌરાષ્ટ્રના કયા જિલ્લાઓમાં ખાબકશે મેઘરાજા.

ambalal patel rain forecast gujarat weather heavy rainfall alerts 2026

Source : ai

Show Quick Read

Key points generated by AI, verified by newsroom

• અંબાલાલ પટેલની આગાહી: ૨૪-૨૬ જુલાઈએ ગુજરાતમાં ભારે વરસાદ.
• ઉત્તર-મધ્ય ગુજરાતમાં જળબંબાકાર, ૩-૬ ઇંચ વરસાદની શક્યતા.
• સૌરાષ્ટ્ર-કચ્છમાં પણ સારો વરસાદ, ૪ ઇંચની સંભાવના.

Ambalal Patel rain forecast: ગુજરાતના ખેડૂતો અને સામાન્ય નાગરિકો માટે હવામાન નિષ્ણાત અંબાલાલ પટેલે ચોમાસા અંગે વધુ એક મોટી આગાહી કરી છે. આગામી 24 થી 26 જુલાઈ દરમિયાન ગુજરાતમાં મેઘરાજા મન મૂકીને વરસવાના છે. ખાસ કરીને ઉત્તર અને મધ્ય ગુજરાત પર મેઘરાજાની વિશેષ મહેરબાની જોવા મળશે, જ્યાં ભારેથી અતિભારે વરસાદ તૂટી પડવાની પૂરેપૂરી શક્યતા છે. આગાહી મુજબ આ સમયગાળા દરમિયાન રાજ્યના મોટાભાગના વિસ્તારો વરસાદથી બરાબરના તરબોળ થઈ જશે.

ઉત્તર અને મધ્ય ગુજરાતમાં થશે જળબંબાકારની સ્થિતિ

અંબાલાલ પટેલની આગાહી મુજબ, ઉત્તર અને મધ્ય ગુજરાતના વિસ્તારોમાં મેઘરાજા તોફાની બેટિંગ કરી શકે છે. ઉત્તર ગુજરાતના મહેસાણા, સાબરકાંઠા અને અરવલ્લી જિલ્લાના વિવિધ ભાગોમાં 3 ઈંચથી પણ વધુ વરસાદ ખાબકવાની આગાહી કરવામાં આવી છે. આ ઉપરાંત, મધ્ય ગુજરાતમાં અમદાવાદ, વડોદરા અને આણંદના વિસ્તારોમાં પણ ભારે વરસાદ પડી શકે છે. હવામાનની આગાહી મુજબ જો વરસાદી સિસ્ટમ વધુ મજબૂત બનશે તો એકલા વડોદરા અને તેની આસપાસના વિસ્તારોમાં 4 ઈંચથી લઈને 6 ઈંચ કે તેથી વધુ વરસાદ પણ તૂટી પડી શકે છે. આમ, ઉત્તર અને મધ્ય ગુજરાત સંપૂર્ણપણે વરસાદી માહોલથી ઘેરાયેલું રહેશે.

સૌરાષ્ટ્ર અને કચ્છમાં પણ જામશે વરસાદી માહોલ

માત્ર ઉત્તર અને મધ્ય ગુજરાત જ નહીં, પરંતુ સૌરાષ્ટ્ર અને કચ્છને પણ મેઘરાજા નિરાશ નહીં કરે. અંબાલાલ પટેલના જણાવ્યા અનુસાર, કચ્છના કેટલાક ભાગોમાં ભારે વરસાદી ઝાપટાં પડી શકે છે. ઉત્તર સૌરાષ્ટ્રના રાજકોટ, સુરેન્દ્રનગર અને મોરબી પંથકમાં હળવાથી લઈને ભારે વરસાદી ઝાપટાં પડવાની સંભાવના વ્યક્ત કરાઈ છે.

આ પણ વાંચોઃ અમદાવાદમાં મોડી રાત્રે ધોધમાર વરસાદ, દક્ષિણ ગુજરાતમાં એલર્ટ; રાજ્યમાં 32% વરસાદની ઘટ

બીજી તરફ, દક્ષિણ સૌરાષ્ટ્રમાં મેઘરાજાનું જોર થોડું વધારે રહેશે. ગીર સોમનાથ, અમરેલી અને ભાવનગરમાં સારો એવો વરસાદ ખાબકી શકે છે, અને અહીં વિસ્તારોમાં 4 ઈંચથી વધુ વરસાદ નોંધાઈ શકે તેવી સંભાવના છે. જ્યારે દરિયાકાંઠાના વિસ્તારો જેમ કે દેવભૂમિ દ્વારકા, પોરબંદર અને જામનગરમાં પણ આગામી 2 થી 3 દિવસમાં 4 ઈંચ સુધીનો વરસાદ વરસી જવાની આગાહી કરવામાં આવી છે.

આ પણ વાંચોઃ આવતીકાલનું હવામાન: રવિવારે 13 રાજ્યોમાં પવન સાથે વરસાદ ભુક્કા બોસલાવશે, જુઓ હવામાન વિભાગનો રિપોર્ટ