આવતીકાલનું હવામાન: રવિવારે 13 રાજ્યોમાં પવન સાથે વરસાદ ભુક્કા બોસલાવશે, જુઓ હવામાન વિભાગનો રિપોર્ટ

આકરી ગરમી બાદ દિલ્હીમાં મેઘમહેરની આગાહી; ઉત્તરાખંડ અને હિમાચલ જઈ રહેલા પ્રવાસીઓને હવામાન વિભાગે આપી ખાસ ચેતવણી.

tomorrow weather forecast july 19 delhi rain up bihar imd alert

Source : તસવીર સોશિયલ મીડિયા

Show Quick Read

Key points generated by AI, verified by newsroom

• આવતીકાલે ૧૩ રાજ્યોમાં ગાજવીજ સાથે ભારે વરસાદની આગાહી.
• દિલ્હી, ઉત્તર પ્રદેશ, બિહારમાં ભારે વરસાદ ગરમીથી રાહત લાવશે.
• ઝારખંડ, પહાડી રાજ્યોમાં પ્રવાસીઓને વિશેષ સાવચેતી રાખવા સૂચના.
• રાજસ્થાન અને મધ્યપ્રદેશમાં પણ ગાજવીજ સાથે મેઘમહેર થશે.

Tomorrow weather report: છેલ્લા કેટલાક દિવસોથી દિલ્હી-એનસીઆર સહિત દેશના ઘણા રાજ્યોમાં ચોમાસા વચ્ચે પણ ગરમીનો પ્રકોપ જોવા મળી રહ્યો છે. વધતા તાપમાન અને બફારાથી લોકો પરેશાન છે. પરંતુ, હવામાન વિભાગ (IMD) ની લેટેસ્ટ આગાહી મુજબ, આવતીકાલે રવિવાર, 19 જુલાઈના રોજ હવામાનમાં મોટો પલટો આવવાની સંભાવના છે. દિલ્હી, ઉત્તર પ્રદેશ અને બિહાર સહિત દેશના 13 રાજ્યોમાં ગાજવીજ અને તોફાની પવન સાથે ભારે વરસાદની ચેતવણી જારી કરવામાં આવી છે. આ સાથે જ પહાડી વિસ્તારોમાં જઈ રહેલા પ્રવાસીઓને પણ ખાસ સાવચેત રહેવાની સલાહ આપવામાં આવી છે. ચાલો જાણીએ આવતીકાલે દેશભરમાં કેવું રહેશે હવામાન.

દિલ્હીમાં ગરમીથી મળશે રાહત, ભારે વરસાદનું એલર્ટ

દિલ્હી-એનસીઆરમાં ફરી એકવાર આકરી ગરમી પોતાનું રૌદ્ર સ્વરૂપ બતાવી રહી છે. પરંતુ, રવિવારે દિલ્હીવાસીઓને આ ગરમીથી મોટી રાહત મળી શકે છે. હવામાન વિભાગે આવતીકાલે રાજધાની માટે ભારે વરસાદનું એલર્ટ જારી કર્યું છે. આગાહી મુજબ, દ્વારકાથી લઈને કનોટ પ્લેસ (CP) સુધીના મોટાભાગના વિસ્તારોમાં ધોધમાર વરસાદ વરસી શકે છે, જેનાથી તાપમાનમાં ઘટાડો નોંધાશે.

ઉત્તર પ્રદેશ અને બિહારમાં ગાજવીજ સાથે વરસાદની ચેતવણી

ઉત્તર પ્રદેશ (UP): દિલ્હીની જેમ યુપીમાં પણ આવતીકાલે મેઘરાજા મન મૂકીને વરસી શકે છે. મેરઠ, આગ્રા, કાનપુર, સહારનપુર, મુઝફ્ફરનગર, અયોધ્યા, ગોરખપુર, વારાણસી અને પ્રયાગરાજ સહિતના અનેક જિલ્લાઓમાં ભારે વરસાદ અને તેજ પવન ફૂંકાવાની ચેતવણી આપવામાં આવી છે. કેટલીક જગ્યાએ વૃક્ષો પડવાની પણ આશંકા વ્યક્ત કરાઈ છે.

બિહાર અને ઝારખંડ: બિહારના પટના, ગયા, મુઝફ્ફરપુર, દરભંગા અને ભાગલપુર સહિતના વિસ્તારોમાં આવતીકાલે તોફાન સાથે વરસાદની આગાહી છે. જ્યારે ઝારખંડમાં પણ ધનબાદ, બોકારો, જમશેદપુર અને હજારીબાગ જેવા વિસ્તારોમાં અત્યંત ભારે વરસાદને કારણે 'વરસાદી રવિવાર' બની રહે તેવી પૂરી શક્યતા છે.

આ પણ વાંચોઃ અંબાલાલ પટેલની નવી અને મોટી આગાહીઃ આ તારીખથી રાજ્યમાં વરસાદનો બીજો રાઉન્ડ શરૂ થશે

પહાડી રાજ્યોમાં પ્રવાસીઓ માટે ખાસ સૂચના

જો તમે આ વીકએન્ડમાં પહાડો પર ફરવાનું આયોજન કરી રહ્યા છો, તો થોડી સાવચેતી રાખજો.

ઉત્તરાખંડ: હરિદ્વાર, નૈનિતાલ, ચમોલી અને રુદ્રપ્રયાગમાં ભારે વરસાદ અને તોફાની પવનોની આગાહી છે.

હિમાચલ પ્રદેશ: શિમલા, મંડી, કુલ્લુ અને સોલન જેવા લોકપ્રિય હિલ સ્ટેશનો પર ભારે વરસાદનું એલર્ટ હોવાથી પ્રવાસીઓને સતર્ક રહેવા જણાવાયું છે.

જમ્મુ-કાશ્મીર: જમ્મુ, અનંતનાગ, બારામુલ્લા અને કુપવાડા જેવા વિસ્તારોમાં પણ ગાજવીજ સાથે ભારે વરસાદની પ્રબળ સંભાવના છે.

આ પણ વાંચોઃ ગુજરાતમાં વરસાદનું નવું એલર્ટ: આગામી 3 કલાકમાં 6 જિલ્લામાં તૂટી પડશે વરસાદ, ઓરેન્જ એલર્ટ જાહેર

રાજસ્થાન અને મધ્યપ્રદેશમાં પણ મેઘમહેર

પશ્ચિમ અને મધ્ય ભારતમાં પણ વરસાદનો માહોલ જામશે. રાજસ્થાનના જયપુર, અજમેર, બિકાનેર અને જેસલમેર સહિતના ભાગોમાં વાવાઝોડા સાથે ભારે વરસાદની આગાહી છે. જ્યારે મધ્યપ્રદેશમાં ભોપાલ, ઈન્દોર, ઉજ્જૈન અને સાગર સહિતના વિસ્તારોમાં પણ આવતીકાલે મેઘરાજા ધમાકેદાર બેટિંગ કરી શકે છે.