કોરોનાના કહેરની વચ્ચે લોકો આયુર્વેદ તરફ વળ્યા, ઘરમાં સ્વચ્છ ઓક્સિજન મળે તે માટે આ પ્લાન્ટની માગ વધી

સામાન્ય રીતે રૂમમાં રાખવાના પ્લાન્ટને કારણે ઘરમાં રહેલા કાર્બન ઉત્સર્જનોનો નાશ થાય છે. તેમજ રૂમની હવામાં ઓક્સિજનનું પ્રમાણ વધે છે.

પ્રતિકાત્મક તસવીર

કોરોના સંક્રમણના સમયમાં ઓક્સિજનની ગંભીર સ્થિતિ સર્જાઇ છે ત્યારે લોકોને હવે ઓક્સિજનની કિંમત સમજાવા લાગી છે. શહેરની આસપાસની નર્સરીઓમાં મોટા પ્રમાણમાં રૂમમાં રાખી શકાય અને ઓક્સિજ શુદ્ધ કરતાં કે વધારે માત્રામાં ઓક્સિજન આપતાં છોડની માગ વધી છે. ફેફસાંમાં સંક્રમણને કારણે ખરેખર તો મેડિકલ ઓક્સિજનની જરૂર પડે છે. પરંતુ હાલની સ્થિતિને ધ્યાને લઇ ઘરમાં પણ સ્વચ્છ ઓક્સિજન મળી રહે તે માટે લોકો રૂમમાં રાખી શકાય તેવા પ્લાન્ટ વસાવવા નર્સરીના આંટા મારી રહ્યા છે.

સામાન્ય રીતે રૂમમાં રાખવાના પ્લાન્ટને કારણે ઘરમાં રહેલા કાર્બન ઉત્સર્જનોનો નાશ થાય છે. તેમજ રૂમની હવામાં ઓક્સિજનનું પ્રમાણ વધે છે. ખાસ કરીને ઈન્ડોર પ્લાંટ એરિકા પામ, રબર પ્લાંટ, સ્નેક પ્લાંટ, મની પ્લાંટ, ઈન્ડોર જામિયા પ્લાંટની માગ વધી છે. સાથે લોકોમાં આયુર્વેદિક ઔષધિઓ વિશે પણ જાગૃત્તતા વધી છે. જેથી ગળો, તુલસી, ગિલોય, પથ્થર ચટી, તજ, લવિંગ, મધુનાશીની, બ્રાહ્મણી , લીલી ચા, અજમો, અરડૂસી, વર્ષા ડોંડી, ફૂદીનો જેવી ઔષધીઓની માગ વધી છે.

નોંધનીય છે કે, ગઈકાલે રાજ્યમાં કોરોના વાયરસના નવા 11,084 કેસ નોંધાયા હતા. જેની સામે 14,770 લોકોએ કોરોનાને મ્હાત આપી છે. ગઈકાલે કોરોના સંક્રમણના કારણે 121 લોકોના મોત થયા છે. આ સાથે જ કુલ મૃત્યુઆંક 8394 પર પહોચ્યો છે.

રાજ્યમાં ગઈકાલે 14770 લોકોએ કોરોનાને મ્હાત આપી છે. તેની સાથે અત્યાર સુધી 5,33,004 લોકો ડિસ્ચાર્જ થઈ ચૂક્યા છે. રાજ્યમાં એક્ટિવ કેસ (Active cases)ની સંખ્યામાં પણ ઘટાડો આવ્યો છે. રાજ્યમાં હાલ એક્ટિવ કેસનો આંકડો 1,39,614 પર પહોંચ્યો છે. જેમાંથી 786 લોકો વેન્ટિલેટર પર અને 1,38,828 લોકો સ્ટેબલ છે. રાજ્યમાં કોરોનાથી રિકવરી રેટ 78.27   ટકા છે. 

ક્યાં કેટલા મોત થયા ?

ગઈકાલે અમદાવાદ કોર્પોરેશનમાં 18,  સુરત કોર્પોરેશન-7,  વડોદરા કોર્પોરેશન 7,  મહેસાણામાં 4,  રાજકોટ 7, વડોદરા 5, રાજકોટ કોર્પોરેશન 6,  જામનગર કોર્પોરેશમાં 8, સુરત 5, જૂનાગઢ 6, ભરુચ 2, પંચમહાલ 2, જામનગર 6, જૂનાગઢ કોર્પોરેશન 5,   ભાવનગર કોર્પોરેશમાં 4, ગીર સોમનાથમાં-3,  આણંદ-1,  દાહોદ -1, કચ્છ 4, ખેડા 1, ગાંધીનગર  0, ભાવનગર 0, બનાસકાંઠા 2, પાટણ 1, અમરેલી 1, મહીસાગર 2, ગાંધીનગર કોર્પોરેશન 1, નવસારી-0, સાબરકાંઠા 3, અરવલ્લી 2, વલસાડ 0,  દેવભૂમિ દ્વારકા-2, છોટા ઉદેપુર 2, નર્મદા 0, સુરેન્દ્રનગર 1, અમદાવાદ 1, તાપી 1, મોરબી 0, પોરબંદર 0, ડાંગ 0 અને બોટાદમાં 0 મોત સાથે કુલ 121 લોકોના મૃત્યુ થયા છે.

ક્યાં કેટલા કેસ નોંધાયા  ?

ગઈકાલે અમદાવાદ કોર્પોરેશનમાં 2883,  સુરત કોર્પોરેશન-839,  વડોદરા કોર્પોરેશન 790,  મહેસાણામાં 483,  રાજકોટ 395, વડોદરા 371, રાજકોટ કોર્પોરેશન 351,  જામનગર કોર્પોરેશમાં 348, સુરત 274, જૂનાગઢ 257, ભરુચ 248, પંચમહાલ 246, જામનગર 238, જૂનાગઢ કોર્પોરેશન 227,   ભાવનગર કોર્પોરેશમાં 224, ગીર સોમનાથમાં-211,  આણંદ-189,  દાહોદ -184, કચ્છ 179, ખેડા 161, ગાંધીનગર  158, ભાવનગર 151, બનાસકાંઠા 143, પાટણ 142, અમરેલી 141, મહીસાગર 140, ગાંધીનગર કોર્પોરેશન 112, નવસારી-110, સાબરકાંઠા 108, અરવલ્લી 106, વલસાડ 98,  દેવભૂમિ દ્વારકા-94, છોટા ઉદેપુર 84, નર્મદા 84, સુરેન્દ્રનગર 74, અમદાવાદ 72, તાપી 54, મોરબી 44, પોરબંદર 37, ડાંગ 20 અને બોટાદમાં 14 કેસ સાથે કુલ  11084 કોરોના પોઝિટિવ કેસ નોંધાયા છે.

કેટલા લોકોએ લીધી રસી

વેક્સિનેશન (vaccinations)કાર્યક્રમ અંતર્ગત અત્યાર સુધીમાં કુલ 1,03,27,556  લોકોને વેક્સિનનો પ્રથમ ડોઝ આપવામાં આવ્યો છે અને 32,14,079  લોકોને કોરોનાની રસીનો બીજો ડોઝ આપવામાં આવ્યો છે.  આમ કુલ- 1,35,41,635 લોકોને રસીકરણના ડોઝ આપવામાં આવ્યા છે. ગઈકાલે 18થી 44 વર્ષ સુધીના 13,537 વ્યક્તિઓને પ્રથમ ડોઝનું રસીકરણ કરવામાં આવ્યું તેમજ 60 વર્ષથી વધુ વયના અને 45થી 60 વર્ષના કુલ 24,886 વ્યક્તિઓનું પ્રથમ ડોઝ અને 91,215 વ્યક્તિઓને બીજા ડોઝનું રસીકરણ કરાયું.