Gujarat Cold: રાજ્યમાં આ તારીખથી પડશે હાડ થીજવતી ઠંડી, અંબાલાલ પટેલની લેટેસ્ટ આગાહી જાણી લો

Gujarat Cold: રાજ્યમાં આ તારીખથી પડશે હાડ થીજવતી ઠંડી, અંબાલાલ પટેલની લેટેસ્ટ આગાહી જાણી લો

અંબાલાલ પટેલ

ગાંધીનગર: રાજ્યમાં ઠંડીના ચમકારાને લઈ હવામાન નિષ્ણાંત અંબાલાલ પટેલે નિવેદન આપ્યું છે. તેમના જણાવ્યા મુજબ રાજ્યમાં હજુ પણ ઠંડી યથાવત રહેશે, ઉત્તર ગુજરાતમાં 9 ડીગ્રી ન્યૂનતમ તાપમાન રહી શકે છે. પંચમહાલ, સાબરકાંઠા, કચ્છના ભાગોમાં ન્યૂનતમ તાપમાન 10 ડીગ્રી રહે તેવી અનુમાન વ્યક્ત કર્યું છે. સુરતના ભાગોમાં પણ 9 ડીગ્રી ન્યૂનતમ તાપમાનની શક્યતા તેમણે વ્યક્ત કરી છે.

મહેસાણા, જૂનાગઢના ભાગોમાં 10થી 15 ડીગ્રી ન્યૂનતમ તાપમાનની શક્યતા વ્યક્ત કરવામાં આવી છે. રાજકોટના ભાગોમાં ન્યૂનતમ તાપમાન 15 ડિગ્રીથી નીચું રહેવાની શક્યતા છે.

અંબાલાલ પટેલના જણાવ્યા મુજબ 17 ડિસેમ્બરથી મહત્તમ તપામનમાં વધારો થઈ શકે છે. મહેસાણા, સાબરકાંઠાના ભાગોમાં 26થી 27 ડીગ્રી તાપમાન રહેવાની શક્યતા છે.

ન્યૂનતમ તાપમાન વધવાથી જામનગરના ભાગોમાં ઠંડી વધી શકે છે. ડિસેમ્બરના ત્રીજા સપ્તાહમાં બંગાળ ઉપસાગરમાં એક સિસ્ટમ બનાવની શકયતા છે. આ સિસ્ટમના કારણે ડિસેમ્બરના છેલ્લા સપ્તાહમાં મજબૂત પશ્ચિમી વિક્ષેપ આવવાની શક્યતા છે.

આ સિસ્ટમથી 23 ડિસેમ્બર બાદ કાતિલ ઠંડી પડવાની શક્યતા છે. બર્ફીલા પવનો ફૂંકાશે જેના કારણે કાતિલ ઠંડી પડશે. 16થી 22 દરમિયાન ગુજરાતના અનેક ભાગોમાં વાદળો આવવાની શક્યતા છે.

અંબાલાલ પટેલે આગાહી કરતા કહ્યું કે, દક્ષિણ ગુજરાતના ભાગોમાં સામાન્ય વરસાદ થઈ શકે છે. જાન્યુઆરી મહિનામાં રાજ્યમાં હાડ થીજવતી ઠંડી પડશે. 4 અને 5 જાન્યુઆરી દરમિયાન ઠંડા પવનો ફૂંકાશે. જાન્યુઆરી 6,7,8માં પશ્ચિમી વિક્ષેપ આવવાની શક્યતા છે.

રાજ્યમાં ઠંડીનું જોર સતત વધી રહ્યું છે. કચ્છમાં જોરદાર ઠંડી પડી રહી છે. નલિયામાં તાપમાનનો પાર સિંગલ ડિજિટમાં આવી ગયો છે.