ગુજરાતમાં હવામાન પલટાયું: મેઘરાજાની તોફાની એન્ટ્રી! ગુજરાતના આ 3 જિલ્લાઓમાં કરા સાથે ધોધમાર વરસાદ

હવામાન વિભાગની આગાહી સાચી પડી, પોશીના અને હડાદ પંથકમાં કરા-વાવાઝોડા સાથે વરસાદથી ગરમીમાં રાહત, પણ પાકને નુકસાનની ભીતિ.

banaskantha sabarkantha heavy rain hail storm weather update gujarat

Source : ai

Show Quick Read

Key points generated by AI, verified by newsroom

• ગુજરાતમાં હવામાન બદલાતા કમોસમી વરસાદ, કરા પડ્યા.
• ઉત્તર ગુજરાતમાં પવન, કરા સાથે ધોધમાર વરસાદ વરસ્યો.
• આ વરસાદથી ખેડૂતોના ઊભા પાકને નુકસાનની ભીતિ.
• અમરેલી અને ડાંગમાં પણ વરસાદ-પવનથી વાતાવરણ બદલાયું.

Banaskantha rain update today: હવામાન વિભાગની આગાહી વચ્ચે ગુજરાતના વાતાવરણમાં અચાનક મોટો પલટો જોવા મળ્યો છે. ઉત્તર ગુજરાતના સાબરકાંઠા અને બનાસકાંઠાથી લઈને સૌરાષ્ટ્રના અમરેલી અને દક્ષિણ ગુજરાતના ડાંગ જિલ્લામાં ક્યાંક ભારે પવન તો ક્યાંક કરા સાથે વરસાદ વરસ્યો છે. આ કમોસમી વરસાદને કારણે લોકોને આકરા ઉકળાટ અને ગરમીમાંથી તો મોટી આંશિક રાહત મળી છે, પરંતુ ઉનાળુ પાક લેતા ખેડૂતોના જીવ તાળવે ચોંટી ગયા છે.

ઉત્તર ગુજરાતની વાત કરીએ તો, સાબરકાંઠા જિલ્લાના સરહદી વિસ્તારોમાં વરસાદે ધમાકેદાર એન્ટ્રી કરી છે. ગુજરાત-રાજસ્થાન બોર્ડરને અડીને આવેલા પોશીના પંથકમાં પવન અને કરા સાથે ધોધમાર વરસાદ તૂટી પડ્યો હતો. પોશીના ઉપરાંત દેલવાડા, આંબા મહુડા, ગણેર અને છોછર સહિતના ગ્રામ્ય વિસ્તારોમાં પણ કરા સાથે વરસાદ વરસ્યો છે. ભારે વરસાદના કારણે રોડ-રસ્તાઓ પર વરસાદી પાણી વહેતા થઈ ગયા હતા. આ સાથે જ વિજયનગર અને તેની આસપાસના વિસ્તારોમાં પણ ધોધમાર વરસાદ પડતાં નાગરિકોને ગરમીથી છુટકારો મળ્યો છે.

બીજી તરફ બનાસકાંઠા જિલ્લાના હડાદ પંથકમાં પણ ભારે ઉકળાટની વચ્ચે વાતાવરણમાં અચાનક ફેરફાર જોવા મળ્યો હતો. અહીંના ગ્રામ્ય વિસ્તારો જેવા કે મંડાલી, સાઢોસી, બામણોજ અને આમલોઈમાં ગાજવીજ અને ભારે પવન સાથે કરા પડ્યા હતા. ભારે વરસાદના કારણે અહીં પણ રસ્તાઓ પાણી-પાણી થઈ ગયા હતા અને વાતાવરણમાં એકદમ ઠંડક પ્રસરી ગઈ હતી. જોકે, કરા અને વાવાઝોડા સાથે વરસેલા આ વરસાદના કારણે ઉનાળુ બાજરી, મકાઈ અને મગફળી પકવતા ખેડૂતોની ચિંતા વધી ગઈ છે, કારણ કે ઊભા પાકને મોટું નુકસાન થવાની પૂરી ભીતિ છે.

આ પણ વાંચોઃ આગામી 3 કલાકમાં અમદાવાદ સહિત 11 જિલ્લામાં વરસાદ ધબધબાટી બોલાવશે, હવામાન વિભાગની આગાહી

માત્ર ઉત્તર ગુજરાત જ નહીં, પરંતુ સૌરાષ્ટ્ર અને દક્ષિણ ગુજરાતમાં પણ હવામાનમાં ફેરફાર નોંધાયો છે. અમરેલી જિલ્લાના બાબરા તાલુકામાં અને ખાસ કરીને ઘુઘરાળા સહિતના આસપાસના ગામોમાં વરસાદ ખાબક્યો છે. જ્યારે ડાંગ જિલ્લાના વાતાવરણમાં પણ પલટો આવ્યો છે અને ત્યાં ભારે પવન ફૂંકાવાની શરૂઆત થઈ ગઈ છે. એકંદરે, આ અચાનક આવેલા વરસાદથી લોકોએ ગરમીમાંથી હાશકારો અનુભવ્યો છે.

આ પણ વાંચોઃ અમદાવાદ સહિત ગુજરાતમાં વાવાઝોડા સાથે વરસાદની આફત, હવામાન વિભાગની નવી આગાહી