CM રૂપાણી પહોંચ્યા જસદણ, કાર્યક્રમમાં 50 લોકોની પોલીસે કરી અટકાયત

રાજકોટ: મુખ્યમંત્રી વિજય રુપાણી આજે રાજકોટના જસદણના આટકોટની મુલાકાતે છે. અહીં તેઓ અત્યાધુનિક મલ્ટીસ્પેશિયલીટી હોસ્પિટલનું ઉદ્ઘાટન કરશે. આ પછી જસદણ યાર્ડમાં સીએમનો અભિવાદન સમારંભ પણ છે. આ અભિવાદન સમારોહમાં કથાકાર મોરારી બાપુ પણ ઉપસ્થિત રહ્યા હતા. સીએમના કાર્યક્રમને લઇને મોટી સંખ્યામાં ભાજપના આગેવાનો ઉપસ્થિત રહેશે. જો કે તેમના આગમન સાથે જ પોલીસે કાર્યક્રમમાં ઉપસ્થિત 50 લોકોની અટકાયત કરી હતી. પાટીદારોના ગઢમાં સીએમના કાર્યક્રમને લઇને ચુસ્ત પોલીસ બંદોબસ્ત ગોઠવવામાં આવ્યું છે. પાસના કાર્યકરો વિરોધ કરે તેવી શક્યતા હોવાથી પાસના કાર્યકરો પર પોલીસની બાજ નજર છે.કાર્યક્રમમાં ખોડલધામ ટ્રસ્ટનાં પ્રમુખ નરેશભાઈ પટેલ, રામકૃષ્ણ એક્સપોર્ટ સુરતના ગોવિંદભાઈ ધોળકીયા, અંજની ગ્રૂપ સુરતના લવજીભાઈ ડાલીયા(બાદશાહ) સહિતના સેવાભાવી આગેવાનો ઉપસ્થિત રહ્યા છે. જાહેર સભામાં 20થી 25 હજાર લોકો ઉમટી પડ્યા છે.