Dwarka: દ્વારકાના દરિયામાંથી ફરી પકડાયો નશાનો સામાન, 45 લાખની કિંમતનો ચરસ ભરેલુ બિનવારસી બૉક્સ મળ્યું

દેવભૂમિ દ્વારકા જિલ્લામાંથી ફરી એકવાર નશાના સામાન પકડાયો છે, જિલ્લાના રૂપેણ બંદરની નજીકથી બિનવારસી સ્થિતિમાં ચરસનો જથ્થો SOGએ જપ્ત કર્યો છે

(તસવીર- એબીપી અસ્મિતા ન્યૂઝ)

Dwarka News: ફરી એકવાર રાજ્યમાંથી મોટા પ્રમાણમાં નશીલા પદાર્થનો સામાનો પકડાયો છે, આ વખતે દેવભૂમિ દ્વારકા જિલ્લામાથી આ નશાના સામાન ઝડપાયો છે. જિલ્લાના રૂપેણ બંદર નજીકથી મોટા પ્રમાણમાં ચરસનો જથ્થો પકડાયો છે, એસઓજીની ટીમે પેટ્રૉલિંગ દરમિયાન 45 લાખના ચરસના જથ્થાને પકડ્યો હતો, જોકે, આ બિનવારસી હાલતમાં મળી આવ્યો હતો. હાલમાં એસઓજી ટીમે આ સમગ્ર મામલે તપાસ હાથ ધરી છે.

દેવભૂમિ દ્વારકા જિલ્લામાંથી ફરી એકવાર નશાના સામાન પકડાયો છે, જિલ્લાના રૂપેણ બંદરની નજીકથી બિનવારસી સ્થિતિમાં ચરસનો જથ્થો SOGએ જપ્ત કર્યો છે. આ પહેલા પણ દ્વારકા જિલ્લામાંથી મોટા પ્રમાણમાં ચરસનો જથ્થો પકડાયો હતો. આજે SOGના પેટ્રૉલિંગ દરમિયાન દેવભૂમિ દ્વારકાના રૂપેણ બંદરની આસપાસના દરિયાકાંઠેથી વધુ એક વખત ચરસનો મોટો જથ્થો પકડાયો હતો. સુરક્ષા એજન્સીઓએ દ્વારકા વરવાળા પાસે આવેલા દરિયાકાંઠેથી અંદાજે અડધા કરોડનો ચરસનો જથ્થો પકડી પાડ્યો છે. પેટ્રૉલિંગ દરમિયાન દ્વારકા SOGને એક પ્લાસ્ટિકનું પારદર્શક બૉક્સ મળ્યું હતુ, જેમાં 897 ગ્રામ ચરસ મળી આવ્યુ હતુ, જેની અંદાજિત કિંમત 44,85,000 છે, હાલમાં પોલીસે આ અંગે આગળ કાર્યવાહી હાથ ધરી છે.

આ પહેલા પણ વેરાવળ બોટમાંથી 350 કરોડનું ડ્રગ્સ  ઝડપાયું હતું 

ગીર સોમનાથ વેરાવળમાં થોડા દિવસ પહેલાં વેરાવળ બંદર પર એક બોટમાંથી  350 કરોડની કિંમતનું 50 કિલો ડ્રગ્સ ઝડપાયું હતું. જેમાં  જામનગરના બેડીના અલ્લારખા નામના શખ્સનું નામ ખુલ્યું હતું. પોલીસ તેની ધરપકડ કરી વેરાવળ લાવી હતી.    અગાઉ બોટના ટંડેલ સહિત 3 આરોપીની ધરપકડ કરાઈ હતી. આરોપીઓની પૂછપરછમાં ખુલ્યું કે, ડ્રગ્સની હેરાફેરી ઓમાનના દરિયામાં થઈ હતી અને ડ્રગ્સ મોકલનાર ઈરાનમાં છે.

આ કેસમાં ઈશાક નામના શખ્સનું નામ ખુલ્યું હતું.  જે હાલ આફ્રિકામાં છે. તપાસ દરમિયાન બહાર આવ્યું કે જામનગરના બેડીમાં રહેતો અલ્લારખા ઈશાકના સંપર્કમાં છે.  એટલું જ નહીં અલ્લારખા ડ્રગ્સ લાવવાથી લઈ સપ્લાય સુધીનું નેટવર્ક સંભાળતો હતો.

આ પહેલા પણ વેરાવળ બંદર પર 350 કરોડનું ડ્રગ્સ ઝડપાયું હતું

થોડા દિવસો પહેલા જ ગીર સોમનાથના વેરાવળ બંદર પરથી 350 કરોડનો ડ્રગ્સનો જથ્થો ઝડપાયો હતો. આ કેસમાં આરોપીઓની પૂછપરછ કરવામાં આવી હતી. આ પૂછપરછમાં મોટો ખુલાસો સામે આવ્યો હતો.  આરોપી ધર્મેન્દ્ર કશ્યપની પૂછપરછમાં મોટો ખુલાસો થયો હતો.  આ ડ્રગ્સનો જથ્થો ઓમાન બંદરેથી ચડાવવામાં આવ્યો હતો. યારબાબ નામના માફિયાએ ડ્રગ્સનો જથ્થો રવાના કર્યો હતો.  ગીર સોમનાથમાં ઝડપાયેલો ડ્રગ્સનો જથ્થો રાજકોટમાં ઘૂસાડવાનો હોવાનો ખુલાસો થયો છે. ઈરાનથી મૂર્તઝા નામના શખ્સે ડ્રગ્સ ઓમાન મોકલ્યું અને ત્યાંથી રાજકોટ મોકલવાનું હોવાનો ખુલાસો થયો હતો. 

ડ્રગ્સનો જથ્થો લેવા મોકલનાર અને અન્ય સ્થળે રવાના કરવાની સૂચના આપનાર જોડિયાનો ઇશાક હાલ દક્ષિણ આફ્રિકામાં હોવાનું જાણવા મળ્યું હતું. ઇશાક દક્ષિણ આફ્રિકામાં બેઠા-બેઠા લોકેશન મોકલી સૂચનાઓ આપતો હતો.