GPSC નો મોટો નિર્ણય: રાજ્યમાં ભારે વરસાદને કારણે 34 ભરતી પરીક્ષાઓ રદ, જાણો નવી તારીખ

રાજ્યભરમાં પૂર અને જળબંબાકારની સ્થિતિ વચ્ચે ઉમેદવારોની રજૂઆતને પગલે લેવાયો મોટો નિર્ણય; નવી તારીખો વેબસાઈટ પર જાહેર કરાશે.

create Horizontal creative and designer youtube thumbnail using given text, don't write any other text, text is - GPSC નો મોટો નિર્ણય રાજ્યમાં ભારે વરસાદને કારણે 34 ભરતી પરીક્ષાઓ રદ

Show Quick Read

Key points generated by AI, verified by newsroom

• ભારે વરસાદને કારણે GPSCની ૩૪ પરીક્ષાઓ મુલતવી રખાઈ છે.
• ૨૬ જુલાઈની વર્ગ-૧, વર્ગ-૨ પરીક્ષાઓ હવે પછી યોજાશે.
• ૪૮,૦૦૦ થી વધુ ઉમેદવારોને મુસાફરીની મુશ્કેલીથી રાહત અપાઈ.
• નવી તારીખો GPSCની વેબસાઈટ પર ટૂંકમાં જાહેર થશે.

GPSC Exam Postponed: ગુજરાતમાં છેલ્લા કેટલાક દિવસોથી ચાલી રહેલા ભારે વરસાદ અને ઠેર-ઠેર ભરાયેલા પાણીના કારણે સામાન્ય જનજીવન ખોરવાયું છે. આવી કપરી પરિસ્થિતિમાં સરકારી નોકરીની તૈયારી કરી રહેલા યુવાનો માટે એક મોટા સમાચાર આવ્યા છે. ગુજરાત જાહેર સેવા આયોગ (GPSC) દ્વારા આગામી 26 જુલાઈના રોજ લેવાનારી વર્ગ-1 અને વર્ગ-2 ની 34 જેટલી પ્રારંભિક ભરતી પરીક્ષાઓને હાલ પૂરતી મુલતવી રાખવાનો મહત્વપૂર્ણ નિર્ણય લેવામાં આવ્યો છે. વરસાદના કારણે મુસાફરીમાં પડતી ભારે મુશ્કેલીઓને ધ્યાનમાં રાખીને ઉમેદવારો દ્વારા કરાયેલી રજૂઆતો બાદ કમિશન દ્વારા આ રાહતરૂપ પગલું લેવામાં આવ્યું છે.

48,000 થી વધુ ઉમેદવારોને મોટી રાહત

અમદાવાદ, ખેડા, સુરત અને સમગ્ર સૌરાષ્ટ્ર સહિત રાજ્યના મોટાભાગના વિસ્તારોમાં મેઘરાજાએ જમાવટ કરી છે. પૂર અને વાહનવ્યવહાર ખોરવાવાના કારણે GPSC ની આ પરીક્ષાઓમાં નોંધાયેલા કુલ 48,620 ઉમેદવારો માટે પરીક્ષા કેન્દ્ર સુધી પહોંચવું અત્યંત મુશ્કેલ બની ગયું હતું. આ પરીક્ષાઓ સવારે 11 થી બપોરે 12 વાગ્યા સુધી યોજાવાની હતી, અને તેના એડમિટ કાર્ડ (કોલ લેટર) પણ અગાઉથી જ જારી કરી દેવામાં આવ્યા હતા. જોકે, ચાલુ ચોમાસાની સ્થિતિને પારખીને આયોગે પરીક્ષા મોકૂફ રાખતા ઉમેદવારોને હાશકારો થયો છે.

કયા-કયા વિભાગોની ભરતી પ્રક્રિયા પર પડી અસર?

આ મોકૂફીની સીધી અસર સરકારી તંત્રના અનેક વિભાગો પર જોવા મળશે. જેમાં મુખ્યત્વે નીચેના વિભાગોની ભરતીઓ સામેલ છે:

પશુપાલન વિભાગ

આરોગ્ય અને પરિવાર કલ્યાણ

માર્ગ અને મકાન વિભાગ

ઉદ્યોગ અને ખાણકામ

મહિલા અને બાળ વિકાસ

ગુજરાત મેરીટાઇમ બોર્ડ (GMB)

ગુજરાત પાણી પુરવઠા અને ગટર વ્યવસ્થા બોર્ડ (GWSSB)

વિવિધ મ્યુનિસિપલ કોર્પોરેશનો

ઔદ્યોગિક સલામતી અને આરોગ્ય

ગુજરાત શિક્ષણ સેવા

આ પણ વાંચોઃ ગુજરાત સરકારનો મેગા ભરતી પ્લાન: 10 વર્ષમાં 2.10 લાખ જગ્યાઓ પર થશે સીધી ભરતી, જાણો વિગતો

કઈ પોસ્ટ માટે યોજાવાની હતી પરીક્ષા?

GPSC દ્વારા 34 અલગ-અલગ વર્ગ-1 અને વર્ગ-2 ની જગ્યાઓ માટે પરીક્ષા લેવાવાની હતી, જેનું લિસ્ટ નીચે મુજબ છે:

વર્ગ-2 ની મુલતવી રખાયેલી પરીક્ષાઓ:

પશુચિકિત્સા અધિકારી (Veterinary Officer)

નર્સિંગ અધિકારી

નર્સિંગ સુપરિન્ટેન્ડેન્ટ

મદદનીશ ઇજનેર (મિકેનિકલ અને સિવિલ)

ગ્રેજ્યુએટ એન્જિનિયર ટ્રેઇની

સિનિયર ડ્રગ ઇન્સ્પેક્ટર

એસ્ટેટ અધિકારી

કાનૂની અધિકારી

ઔદ્યોગિક આરોગ્ય અને સલામતી અધિકારી

વર્ગ-1 ની મુલતવી રખાયેલી પરીક્ષાઓ:

ડેપ્યુટી ડાયરેક્ટર ઓફ હોર્ટિકલ્ચર (બાગાયત નાયબ નિયામક)

ગુજરાત મેરીટાઇમ બોર્ડ - જનરલ મેનેજર અને ડેપ્યુટી જનરલ મેનેજર

પ્રિન્સિપાલ (ગુજરાત નર્સિંગ સર્વિસ)

ડેપ્યુટી ડાયરેક્ટર (ઔદ્યોગિક સલામતી અને આરોગ્ય)

સંયુક્ત કૃષિ નિયામક

ગુજરાત શિક્ષણ સેવા સહિતની અન્ય જગ્યાઓ

આ પણ વાંચોઃ સરકારી નોકરીની મોટી તક! GPSC એ 23 સંવર્ગ માટે બહાર પાડી ભરતી; જાણો અરજીની છેલ્લી તારીખ કઈ છે?

નવી તારીખો ક્યારે જાહેર થશે?

શુક્રવારે સત્તાવાર જાહેરનામું બહાર પાડીને GPSC એ સ્પષ્ટ કર્યું છે કે ભારે વરસાદ, જળબંબાકાર અને માર્ગ પરિવહનમાં થયેલા વિક્ષેપને કારણે આ પરીક્ષાઓ આગામી આદેશ ન આવે ત્યાં સુધી મુલતવી રહેશે. આવા સંજોગોમાં ઉમેદવારો પરીક્ષા કેન્દ્રો સુધી પહોંચી શકે તેમ ન હતા. પંચે ખાતરી આપી છે કે મુલતવી રખાયેલી આ તમામ પરીક્ષાઓની નવી તારીખો હવે પછીથી તેમની વેબસાઇટ પર અલગથી જાહેર કરવામાં આવશે.

તમામ સંબંધિત ઉમેદવારોને સલાહ આપવામાં આવે છે કે તેઓ સુધારેલા પરીક્ષાના સમયપત્રક અને અન્ય અપડેટ્સ માટે નિયમિતપણે GPSC ની સત્તાવાર વેબસાઇટની મુલાકાત લેતા રહે.