સરકારી નોકરીની મોટી તક! GPSC એ 23 સંવર્ગ માટે બહાર પાડી ભરતી; જાણો અરજીની છેલ્લી તારીખ કઈ છે?
GPSC Recruitment 2026: GPSC એ 279 જગ્યાઓ માટે ભરતી જાહેર કરી છે. 9 મહાનગરપાલિકાઓમાં પ્રથમવાર 'કાઉન્સિલિંગ' થી પોસ્ટિંગ અપાશે. અરજીની છેલ્લી તારીખ 16 ફેબ્રુઆરી અને પરીક્ષા 26 એપ્રિલે યોજાશે.
GPSC Recruitment 2026: ગાંધીનગર (Gandhinagar) થી સરકારી નોકરી (Government Job) ની તૈયારી કરતા ગુજરાતના યુવાનો માટે એક મોટા અને રાહતના સમાચાર આવ્યા છે. ગુજરાત જાહેર સેવા આયોગ (GPSC) દ્વારા વર્ષ 2026 માટેની મહત્વની ભરતી પ્રક્રિયા (Recruitment Drive) જાહેર કરવામાં આવી છે. આયોગે રાજ્યના અલગ-અલગ 5 વિભાગો અને ખાસ કરીને નવી રચાયેલી મહાનગરપાલિકાઓ માટે કુલ 23 સંવર્ગની 279 જગ્યાઓ ભરવા માટે સત્તાવાર જાહેરાત કરી છે.
આ ભરતી અભિયાન અંતર્ગત વર્ગ-1 અને વર્ગ-2 ના અધિકારીઓની પસંદગી કરવામાં આવશે. જેમાં નવી રચાયેલી 9 મહાનગરપાલિકાઓ (Municipal Corporations), ગુજરાત હાઉસિંગ બોર્ડ, પાણી પુરવઠા વિભાગ, સ્પોર્ટ્સ ઓથોરિટી ઓફ ગુજરાત અને રમતગમત વિભાગનો સમાવેશ થાય છે. આ વિભાગોમાં મુખ્યત્વે મેડિકલ ઓફિસર (Medical Officer), ટાઉન પ્લાનર, અધિક સિટી ઇજનેર અને તબીબી અધિકારી જેવી 13 અલગ-અલગ કેડર માટે ભરતી થશે.
GPSC ના ઇતિહાસમાં પ્રથમ વખત ઉમેદવારો માટે 'કાઉન્સિલિંગ' (Counseling) સિસ્ટમ દાખલ કરવામાં આવી છે. આ વખતે ભરતી પ્રક્રિયામાં પારદર્શિતા અને ઉમેદવારોની સુવિધા માટે આ ઐતિહાસિક ફેરફાર કરાયો છે. ખાસ કરીને 9 મહાનગરપાલિકાઓની 202 જગ્યાઓ માટે આ નવી પદ્ધતિ લાગુ પડશે, જે ઉમેદવારો માટે ફાયદાકારક સાબિત થશે.
આ સિસ્ટમ કેવી રીતે કામ કરશે તે સમજવું જરૂરી છે. પરીક્ષા અને ઇન્ટરવ્યુ બાદ જે મેરિટ લિસ્ટ તૈયાર થશે, તેના આધારે ઉમેદવારોને બોલાવવામાં આવશે. મેરિટમાં આગળ રહેલા ઉમેદવારો પોતાની પસંદગીની મનપામાં પોસ્ટિંગ મેળવવા માટે 'પ્રેફરન્સ' આપી શકશે. આનાથી ઉમેદવારોને ઘરની નજીક કે મનપસંદ શહેરમાં નોકરી મળવાની તક વધશે.
ઉમેદવારોએ આ ભરતી માટે 'વન ટાઈમ રજિસ્ટ્રેશન' (OTR) કરાવવું ફરજિયાત રહેશે. અરજી કરવાની છેલ્લી તારીખ 16 February, 2026 નક્કી કરવામાં આવી છે, ત્યાં સુધી ઓનલાઈન ફોર્મ ભરી શકાશે. રસ ધરાવતા ઉમેદવારોએ OJAS અથવા GPSC ની વેબસાઈટ પર જઈને સમયમર્યાદા પહેલા અરજી કરી દેવા અનુરોધ કરવામાં આવ્યો છે.
તમામ સંવર્ગ માટેની પ્રિલિમ પરીક્ષા 26 April, 2026 ના રોજ લેવામાં આવશે. પરીક્ષામાં બે પેપર રહેશે. જેમાં પેપર-1 સામાન્ય જ્ઞાન (General Knowledge) નું 100 માર્ક્સનું અને પેપર-2 સંબંધિત વિષય કે શૈક્ષણિક લાયકાતનું 200 માર્ક્સનું રહેશે. આમ, કુલ 300 માર્ક્સની લેખિત પરીક્ષા યોજાશે.
આ ભરતી પ્રક્રિયા રાજ્યના યુવાનો માટે અધિકારી બનવાની સુવર્ણ તક લઈને આવી છે. નવી કાઉન્સિલિંગ પદ્ધતિને કારણે પોસ્ટિંગમાં થતા વાદવિવાદોનો પણ અંત આવશે અને મેરિટ ધરાવતા ઉમેદવારોને યોગ્ય ન્યાય મળી શકશે.
ટોપ સ્ટોરી
ટ્રેન્ડિંગ સમાચાર
