અમેરિકામાં જંગલમાં લાગી પ્રચંડ આગ, અનેક ઘરો આગની ઝપેટમાં

અમેરિકાના જંગલમાં લાગેલી આગે એવી તબાહી મચાવી કે લોકોએ ઘર છોડીને ભાગવું પડ્યું હતું. વોશિંગટનમાં ભીષણ આગે 100થી વધુ ઘરોને રાખ કરી નાખ્યા હતા

અમેરિકાના જંગલમાં લાગેલી આગે એવી તબાહી મચાવી કે લોકોએ ઘર છોડીને ભાગવું પડ્યું હતું

Source : ફોટોઃ એબીપી અસ્મિતા

Show Quick Read

Key points generated by AI, verified by newsroom

• વોશિંગ્ટનમાં ભીષણ આગે 100થી વધુ ઘરો ખાખ કર્યા.
• ભારે પવનને કારણે આગ વધુ જીવલેણ, કાબૂ મુશ્કેલ બન્યો.
• કેનેડાના બ્રિટિશ કોલંબિયામાં પણ જંગલની આગે ભારે તબાહી.
• હજારો લોકોએ ઘર છોડી સુરક્ષિત સ્થળોએ સ્થળાંતર કરવું પડ્યું.

અમેરિકાના જંગલમાં લાગેલી આગે એવી તબાહી મચાવી કે લોકોએ ઘર છોડીને ભાગવું પડ્યું હતું. વોશિંગટનમાં ભીષણ આગે 100થી વધુ ઘરોને રાખ કરી નાખ્યા હતા. અંદાજે પાંચ હજાર જેટલા ઘરો ખાલી કરાવવામાં આવ્યા અને 600 થઈ વધુ ઈમારતો આગની ઝપેટમાં આવી ચુકી છે. ભારે પવનના કારણે આગ વધુ જીવલેણ બની રહી છે. આગ પર કાબૂ મેળવવો ફાયર વિભાગ માટે પણ મોટો પડકાર બની ચુક્યો છે. પ્રશાસને ઈમરજન્સી જાહેર કરી લોકોને સુરક્ષિત સ્થળે ખસેડી દીધા છે.

આગને કાબૂમાં લેવા માટે ફાયર ફાઈટર્સ દિવસ-રાત કામ કરી રહ્યા છે. વોશિંગ્ટનના ગવર્નર બોબ ફર્ગ્યુસન રાહત અને બચાવ કામગીરીની સમીક્ષા કરી રહ્યા છે. તેમણે સોશિયલ મીડિયા પ્લેટફોર્મ X પર લખ્યું કે તેમની સંવેદનાઓ આગથી પ્રભાવિત તમામ લોકો અને બચાવ કાર્યકરો સાથે છે જેઓ આગને બુઝાવવા માટે પોતાનો જીવ જોખમમાં મૂકી રહ્યા છે.

સ્પોકેન કાઉન્ટી ફાયર ડિસ્ટ્રિક્ટ 9ના જણાવ્યા અનુસાર, જોરદાર પવન આગને ઝડપથી ફેલાવી રહ્યો છે જેના કારણે પરિસ્થિતિ વધુ ખરાબ થઈ રહી છે. અધિકારીઓનું કહેવું છે કે જો હવામાનની સ્થિતિ ચાલુ રહેશે તો આગને કાબૂમાં લેવી વધુ પડકારજનક બની શકે છે. વોશિંગ્ટનના ગવર્નરે અસરગ્રસ્ત વિસ્તારોના રહેવાસીઓને સરકારી સૂચનાઓનું પાલન કરવા અને સ્થળાંતર કરવા વિનંતી કરી હતી. શરૂઆતમાં આ આગને યુક્લિડ ફાયર નામ આપવામાં આવ્યું હતું, પરંતુ બાદમાં તેનું નામ બદલીને ઓલ્ડ ટ્રેલ્સ ફાયર રાખવામાં આવ્યું.

કેનેડાના જંગલમાં આગે મચાવી ભારે તબાહી

કેનેડાના બ્રિટિશ કોલંબિયામાં જંગલમાં આગે ભારે તબાહી મચાવી હતી. ભારે પવનના કારણે આગે વિકરાળ સ્વરૂપ ધારણ કરતા અનેક ઘરો બળીને ખાખ થયા હતા. 115 કિલોમીટર પ્રતિ કલાકની ઝડપે ફૂંકાઈ રહેલા પવનના કારણે આગે રૌદ્વ સ્વરૂપ ધારણ કર્યું. જીવ બચાવવા માટે લોકો ઘર છોડીને ભાગવા મજબૂર બન્યા હતા. આ દ્રશ્યો બ્રિટિશ કોલંબિયાના ઓકાનાગન લેક વિસ્તારના છે. જ્યા રાતના અંધારામાં આગની જ્વાળાઓથી આસમાન  લાલ થઈ ગયું હતું. સવાર થઈ તો અનેક ઈમારતો રાખ થઈ ગઈ હતી. તો આગના કારણે હાઈવે પણ બંધ કરવાની ફરજ પડી હતી. ફસાયેલા લોકોને સુરક્ષિત સ્થળે મોકલવામાં આવ્યા હતા. 

ફાયર વિભાગના જણાવ્યા અનુસાર, શનિવાર રાત સુધીમાં, આગ 2,000 એકરથી વધુ વિસ્તારમાં ફેલાઈ ગઈ હતી.  વધતા જોખમને ધ્યાનમાં રાખીને અધિકારીઓએ ઘણા વિસ્તારોમાં લેવલ 2 અને લેવલ 3 સ્થળાંતર કરવાનો આદેશ જાહેર કર્યો છે. હજારો લોકોને તેમના ઘર છોડીને સુરક્ષિત સ્થળોએ જવા માટે કહેવામાં આવ્યું છે. આગનો સામનો કરવા માટે વોશિંગ્ટન નેશનલ ગાર્ડના સૈનિકોને પણ તૈનાત કરવામાં આવી રહ્યા છે. ફાયર વિભાગો અને અન્ય કટોકટી ટીમો આગને કાબુમાં લેવા માટે કામ કરવાનું ચાલુ રાખી રહી છે.

આ પણ વાંચો

plane crash: પેરૂમાં પ્લેન ક્રેશ, ટૂરિસ્ટ લઇ જતા વિમાનની દુર્ઘટના, બે પાયલટ સહિત 13નાં મોત