KOBHAND: 1400 કરોડના કૌભાંડ મામલે કોર્ટની મોટી કાર્યવાહી, બે આરોપીઓને વૉન્ટેડ જાહેર કર્યા, જાણો

ભાવનગરમાંથી એક મોટા સમાચાર સામે આવ્યા છે. રાજ્યમાં સૌથી મોટી કૌભાંડ મામલે એટલે કે, 1468 કરોડના જીએસટી કૌભાંડ મામલે કોર્ટે મોટી કાર્યવાહી કરી છે.

તસવીર

GST KOBHAND: ભાવનગરમાંથી એક મોટા સમાચાર સામે આવ્યા છે. રાજ્યમાં સૌથી મોટી કૌભાંડ મામલે એટલે કે, 1468 કરોડના જીએસટી કૌભાંડ મામલે કોર્ટે મોટી કાર્યવાહી કરી છે. કોર્ટે આ મામલે બે આરોપીઓને વૉન્ટેડ જાહેર કર્યા છે. માહિતી પ્રમાણે, ભાવનગરના જી.એસ.ટીના 1468 કરોડનાં બૉગસ બિલિંગ કૌભાંડમાં આજે એક મોટી કાર્યવાહી કરી છે, અમદાવાદ સેશન કોર્ટે બે અલગ-અલગ બૉગસ બિલિંગ કૌભાંડ બે આરોપીઓને વૉન્ટેડ જાહેર કર્યા છે. આ આરોપીઓમાં ભાવનગરનો અલ્તાફ સાકરવાલા અને કશ્યપ પંડ્યા વૉન્ટેડ જાહેર થયા છે. અલ્તાફ સાકરવાલાએ 852 કરોડનું બૉગસ કૌભાંડ આચર્યું અને કશ્યપ પંડ્યાએ 616 કરોડની ગેરરીતી આચરી છે. આ ઉપરાંત આ કેસમાં સ્થાનિક અધિકારીઓની આરોપીને ઝડપી પાડવામાં ઢીલી નીતિ રાખવાની પણ ટીકા થઈ રહી છે. ઉલ્લેખનીય છે કે, છેલ્લા કેટલાક સમયથી જીએસટી કૌભાંડ મામલો ખુબ ચર્ચાએ ચઢ્યો હતો, જોકે હવે આ મામલે કોર્ટે કાર્યવાહી હાથ ધરી છે. 

ગુજરાતમાં GST કૌભાંડનો આંકડો 8 હજાર કરોડને પાર

GST Scam: રાજ્યભરમાં જીએસટી વિભાગની બોગસ પેઢી શોધી કાઢવા માટે વિશેષ ડ્રાઈવ યોજાઈ હતી. આ ડ્રાઈવમાં GST કૌભાંડનો આંકડો 8 હજાર કરોડને પાર પહોંચ્યો. GST કૌભાંડની તપાસમાં રાજ્યમાંથી 6200 કંપનીઓ પકડાઈ છે. વિભાગ દ્વારા આ તમામ પકડાયેલી 6200 જેટલી કંપનીઓ બંધ કરવામાં આવી છે. સાથે 8000 હજાર કરોડ રૂપિયા જેટલી ચેક્સ ચોરીની રકમ રિકવર કરવાની પ્રક્રિયા હાથ ધરવામાં આવી છે. GST કૌભાંડમાં 3 આરોપીઓની પોલીસે કરી ધરપકડ કરી છે. જે ત્રણ લોકોની ધરપકડ કરવામાં આવી છે તેમાં સુરતના મુરસિદઆલમ સૈયદ, ભાવનગરના ઉસ્માનગની ફટાણી અને અમદાવાદના મુકુલ યાદવ નામના વેપારીની ધરકપડક કરવામાં આવી છે. તમામ આરોપીઓ ભંગારના ધંધાની આડમાં જીએસટીનું કૌભાંડ આચરતા હતા. જીએસટીની અત્યાર સુધીની રજિસ્ટ્રેશન સિસ્ટમ ફેલ થતાં સેન્ટ્રલ બોર્ડ ઇનડિરેક્ટ ટેક્સીસ એન્ડ કસ્ટમ્સ એ સિસ્ટમ રિચેકિંગ કરવાના આદેશ આપ્યા છે. જેના કારણે એસજીએસટી અને સીજીએસટી રાજ્યના 11.50 લાખ વેપારી-કરદાતાના રજિસ્ટ્રેશન ચેક કરવા સ્થળ મુલાકાત લેશે, જેને પગલે રાજ્યના કરદાતાઓ અને વેપારીઓમાં અનેક પ્રશ્નોને લઈને ફફડાટ વ્યાપ્યો છે. રાજ્યભરના અંદાજે 11.50 લાખ વેપારીઓની પેઢીની તપાસ કરવામાં આવશે. બોગસ પેઢીઓ, ખોટાં રજિસ્ટ્રેશન શોધવા બે મહિના સુધી વિશેષ ડ્રાઇવ ચલાવવામાં આવશે. જીએસટીના આ અભિયાનને લઈને રાજ્યના રાજ્યના કરદાતાઓ અને વેપારીઓમાં ફફડાટ વ્યાપ્યો છે. જીએસટીની અત્યાર સુધીની રજિસ્ટ્રેશન સિસ્ટમ ફેલ થતાં સેન્ટ્રલ બોર્ડ ઇનડિરેક્ટ ટેક્સીસ એન્ડ કસ્ટમ્સ એ સિસ્ટમ રિચેકિંગ કરવાના આદેશ આપ્યા છે. જેના કારણે એસજીએસટી અને સીજીએસટી રાજ્યના 11.50 લાખ વેપારી-કરદાતાના રજિસ્ટ્રેશન ચેક કરવા સ્થળ મુલાકાત લેશે, જેને પગલે રાજ્યના કરદાતાઓ અને વેપારીઓમાં અનેક પ્રશ્નોને લઈને ફફડાટ વ્યાપ્યો છે.

 

Join Our Official Telegram Channel: 

https://t.me/abpasmitaofficial