Gujarat Election Results: AAPમાંથી ભાજપમાં આવેલા રાજુ કરપડાની જીત, જાણો કેટલા મતે જીત્યા
રાજ્યમાં સ્થાનિક સ્વરાજ્યની ચૂંટણી 2026 ના પરિણામો સામે આવી રહ્યા છે. સમગ્ર ગુજરાતમાં મોટાભાગે ભારતીય જનતા પાર્ટીની શાનદાર જીત થઈ છે.
Gujarat Local Elections Results 2026: રાજ્યમાં સ્થાનિક સ્વરાજ્યની ચૂંટણી 2026 ના પરિણામો સામે આવી રહ્યા છે. સમગ્ર ગુજરાતમાં મોટાભાગે ભારતીય જનતા પાર્ટીની શાનદાર જીત થઈ છે. મતદારોએ ફરી એક વખત ભાજપ પર ભરોસો મૂક્યો છે. આમ આદમી પાર્ટીમાંથી ભાજપમાં આવેલા રાજુ કરપડાની જીત થઈ છે. સુરેંદ્રનગરની મૂળી-2 બેઠક પર રાજુ કરપડાની જીત થઈ છે. મૂળી-2 બેઠક પર રાજુ કરપડાની 2502 મતથી જીત થઈ છે.
2502 મતથી કરપડાની જીત થઈ હતી. સવારે તેમની હારના સમાચાર મીડિયામાં વહેતા થયા હતા. હવે અંતિમ પરિણામમાં રાજુ કરપડાએ 2500 થી વધુ મતના અંતરથી જીત નોંધાવી છે. AAP છોડીને ભાજપમાં જોડાયેલા રાજુ કરપડાની જીતથી સમર્થકોમાં હર્ષની લાગણી છવાઈ ગઈ છે.
ચૂંટણી પંચ મુજબ 260 તાલુકા પંચાયતમાં 1,347 બેઠક પર ભાજપનો વિજય થયો છે. જ્યારે 284 બેઠક પર કોંગ્રેસનો વિજય થયો છે. ચૂંટણી પંચ મુજબ 34 જિલ્લા પંચાયતની 316 બેઠક પર ભાજપનો વિજય થયો છે, જ્યારે 35 બેઠક પર કોંગ્રેસનો વિજય થયો છે.
અત્યાર સુધીના પરિણામોમાં 15 પૈકી 9 મનપામાં ભાજપનું શાસન આવ્યું છે. જેમાં વાપી, મોરબી, નવસારી, નડિયાદ, કરમસદ-આણંદ, મહેસાણા, ભાવનગર, રાજકોટ, પોરબંદર મહાનગરપાલિકામાં ભાજપનું શાસન નક્કી છે.
અત્યાર સુધીના ટ્રેન્ડ મુજબ ભાજપની જીત
બપોર સુધીના ટ્રેન્ડ અનુસાર રાજ્યમાં સ્થાનિક સ્વાજ્યની ચૂંટણીમાં ફરી એક વખત ભારતીય જનતા પાર્ટીની શાનદાર જીત થતી હોય તેવું જોવા મળી રહ્યું છે. ચારેય તરફ ભાજપનો ભગવો લહેરાયો છે. કૉંગ્રેસ અને આમ આદમી પાર્ટી અમુક બેઠકો પર આગળ છે પરંતુ સમગ્ર પરિસ્થિતી જોતા સર્વત્ર કેસરિયો લહેરાયો છે. મતદારોએ ફરીથી ભાજપ ઉપર ભરોસો મૂકયો છે. જિલ્લા પંચાયત અને તાલુકા પંચાયત, નગરપાલિકાઓ ભાજપ કબ્જે કરવામાં ફરી સફળ થયું છે. રાજયમાં ભાજપનો દબદબો યથાવત રહ્યો છે.
આ નગરપાલિકાઓમાં ભાજપનું શાસન
કેશોદ, તાલાલા, વિસનગર, ગોંડલ, ઈડર,સિદ્ધપુર, હિંમતનગર બાબરા નગરપાલિકાઓમાં ભાજપનું શાસન નિશ્વિત થઈ ગયું છે.
ગુજરાતમાં તાજેતરમાં 15 મહાપાલિકાઓ, 84 નગરપાલિકાઓ, 34 જીલ્લા પંચાયતો અને 260 તાલુકા પંચાયતોની યોજાયેલી ચુંટણી બાદ આજે સવારથી શરૂ થયેલ મતગણતરીમાં બપોરે 2 વાગ્યા સુધી સમગ્ર ગુજરાતમાં કેસરીયો જોવા મળી રહ્યો છે.
ટોપ સ્ટોરી
ટ્રેન્ડિંગ સમાચાર
