આગામી 3 કલાક ગુજરાત માટે ભારે! 4 જિલ્લામાં રેડ 10માં ઓરેન્જ અને 19માં યલો એલર્ટ, જાણો ક્યાં પડશે ધોધમાર વરસાદ

હવામાન વિભાગની ચેતવણી: આગામી 3 કલાક દક્ષિણ ગુજરાતમાં ભારે ગાજવીજ સાથે વરસાદની શક્યતા, નીચાણવાળા વિસ્તારોમાં લોકોને સાવચેત રહેવા અપીલ.

gujarat heavy rain forecast next 3 hours red alert in 4 districts update

Source : ai

Show Quick Read

Key points generated by AI, verified by newsroom

• હવામાન વિભાગે દક્ષિણ ગુજરાતમાં ભારે વરસાદનું રેડ એલર્ટ આપ્યું.
• અમદાવાદ સહિત દસ જિલ્લાઓમાં મધ્યમ વરસાદનું ઓરેન્જ એલર્ટ.
• રાજ્યના ૧૯ જિલ્લાઓમાં હળવા વરસાદનું યલો એલર્ટ જાહેર.
• વરસાદ-ગાજવીજમાં સુરક્ષિત સ્થળે રહેવા લોકોને અપીલ કરાઈ.

Gujarat Rain Alert Next 3 Hours: અમદાવાદ હવામાન વિભાગ દ્વારા રાજ્યમાં વરસાદને લઈને નવું 'નાઉકાસ્ટ' (Nowcast) બુલેટિન જાહેર કરવામાં આવ્યું છે. આ બુલેટિન મુજબ આગામી 3 કલાક માટે દક્ષિણ ગુજરાતના કેટલાક જિલ્લાઓમાં ભારે ગાજવીજ અને તેજ પવન સાથે વરસાદ તૂટી પડવાની આગાહી કરવામાં આવી છે. સાંજળ 7 વાગ્યા સુધી વલસાડ, નવસારી, ડાંગ અને સુરતમાં વરસાદનું રેડ એલર્ટ અપાયું છે. જ્યારે અન્ય 10 જિલ્લાઓમાં મધ્યમ વરસાદ માટે ઓરેન્જ અને 19 જિલ્લાઓમાં હળવા વરસાદ માટે યલો એલર્ટ જાહેર કરાયું છે. સંભવિત ખતરાને જોતા તંત્ર દ્વારા લોકોને સાવચેત રહેવા, વીજળીથી બચવા અને સુરક્ષિત સ્થળે આશરો લેવા અપીલ કરવામાં આવી છે.

21 જુલાઈ 2026 ના રોજ સાંજે 4:00 વાગ્યે જારી કરાયેલ આ તાત્કાલિક હવામાન બુલેટિન મુજબ રાજ્યમાં વરસાદી માહોલની વિસ્તૃત માહિતી નીચે મુજબ છે:

1. દક્ષિણ ગુજરાતમાં ભારે વરસાદનું 'રેડ એલર્ટ'

હવામાન વિભાગની આગાહી અનુસાર, આગામી 3 કલાકમાં દક્ષિણ ગુજરાતમાં મેઘરાજા તોફાની બેટિંગ કરી શકે છે. વલસાડ, દમણ, દાદરા અને નગર હવેલી, નવસારી, ડાંગ અને સુરત જિલ્લામાં ભારે વરસાદનું 'રેડ એલર્ટ' આપવામાં આવ્યું છે. આ વિસ્તારોમાં 41 કિમી પ્રતિ કલાકની ઝડપે પવન ફૂંકાશે અને કલાકના 15 મિમીથી વધુ (>15 mm/hr) વરસાદ ખાબકવાની પ્રબળ શક્યતા છે. અહીં વાદળથી જમીન પર વીજળી પડવાની 30% થી 60% જેટલી સંભાવના વ્યક્ત કરવામાં આવી છે.

2. અમદાવાદ સહિત 10 જિલ્લાઓમાં 'ઓરેન્જ એલર્ટ'

મધ્ય ગુજરાત અને સૌરાષ્ટ્રના કેટલાક વિસ્તારોમાં પણ મધ્યમ વરસાદ જોવા મળશે. હવામાન વિભાગે તાપી, ભરૂચ, ભાવનગર, બોટાદ, વડોદરા, આણંદ, નર્મદા, અમરેલી, અમદાવાદ અને સુરેન્દ્રનગર સહિત 10 જિલ્લાઓમાં 'ઓરેન્જ એલર્ટ' જાહેર કર્યું છે. આ વિસ્તારોમાં હળવી ગાજવીજ અને પવન સાથે કલાકના 5 થી 15 મિમી સુધીનો વરસાદ પડી શકે છે. જોકે, અહીં વીજળી પડવાની સંભાવના 30% કરતા ઓછી છે.

3. ઉત્તર ગુજરાત, સૌરાષ્ટ્ર અને કચ્છમાં 'યલો એલર્ટ'

રાજ્યના બાકીના 19 જિલ્લાઓ માટે 'યલો એલર્ટ' અપાયું છે. જેમાં ઉત્તર-સૌરાષ્ટ્ર અને અન્ય વિસ્તારો જેવા કે છોટાઉદેપુર, દાહોદ, પંચમહાલ, ખેડા, મહીસાગર, અરવલ્લી, ગાંધીનગર, મહેસાણા, સાબરકાંઠા, બનાસકાંઠા, પાટણ, કચ્છ, મોરબી, રાજકોટ, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ અને દીવનો સમાવેશ થાય છે. આ વિસ્તારોમાં ગાજવીજ સાથે હળવો વરસાદ (≤ 5 મિમી/કલાક) થવાની પૂરી શક્યતા છે.

આ પણ વાંચોઃ ગુજરાતમાં વરસાદનું રૌદ્ર સ્વરૂપ: 118 તાલુકામાં મેઘમહેર, આ 2 જિલ્લામાં રેડ એલર્ટ!

સંભવિત અસરો:

વીજળી પડવાનું જોખમ: ભારે વરસાદ અને ગાજવીજ વચ્ચે વીજળી પડવાની શક્યતા છે.

જળભરાવ: ખાસ કરીને નીચાણવાળા વિસ્તારોમાં વરસાદી પાણી ભરાઈ જવાની સમસ્યા સર્જાઈ શકે છે.

વૃક્ષો ધરાશાયી થવા: 41 કિમીની ઝડપે ફૂંકાતા પવનના કારણે નબળા કે જૂના વૃક્ષો અને ડાળખીઓ ધરાશાયી થઈ શકે છે.

ટ્રાફિક સમસ્યા: વરસાદ અને પાણી ભરાવાને કારણે વાહન વ્યવહાર ધીમો પડી શકે છે અને જામ થઈ શકે છે.

આ પણ વાંચોઃ Gujarat Rain Alert: આવતીકાલે ગુજરાતમાં તૂટી પડશે વરસાદ, 4 જિલ્લામાં રેડ અને 9 જિલ્લામાં ઓરેન્જ એલર્ટ જાહેર

નાગરિકો માટે ખાસ સાવચેતી:

હવામાન વિભાગે અપીલ કરી છે કે ખરાબ હવામાન અને ગાજવીજ દરમિયાન લોકોએ ઘરની બહાર જવાનું ટાળવું જોઈએ અને સુરક્ષિત સ્થળે જ રહેવું. જો તમે મુસાફરીમાં કે ઘરની બહાર હોવ તો તાત્કાલિક કોઈ સુરક્ષિત પાકા મકાનમાં આશરો લઈ લેવો. ખુલ્લા મેદાનો, ખેતરો કે જળાશયો નજીક ઉભા ન રહેવું. ખાસ નોંધ લેવી કે તેજ પવન કે વીજળીના સમયે ઝાડ નીચે ઉભા રહેવું અત્યંત જોખમી સાબિત થઈ શકે છે.