Gujarat Election 2026: મનપાની ચૂંટણીમાં સન્નાટો! 40% સરેરાશ મતદાનથી ઉમેદવારોના શ્વાસ અધ્ધર, શું થશે પરિણામ?

Gujarat Election 2026 Voting: ભીષણ ગરમીને કારણે 15 મહાનગરોમાં સરેરાશ 40.36% જ મતદાન થયું; છેલ્લી ઘડીએ વોટિંગ વધારવા રાજકીય પક્ષોએ કાર્યકરોને મતદારોના ઘરે-ઘરે દોડાવ્યા.

Gujarat Local Body Election 2026 Live Final 2 Hours Voting Update News

Source : ai

Show Quick Read

Key points generated by AI, verified by newsroom

• ગુજરાતમાં 26 એપ્રિલે સ્થાનિક સ્વરાજ્યની ચૂંટણી માટે મતદાન યોજાયું.
• ભીષણ ગરમીને કારણે મતદાનની ટકાવારી પર અસર જોવા મળી.
• બપોર સુધી ધીમા મતદાન બાદ પક્ષોએ પ્રયાસો તેજ કર્યા.
• શહેરી વિસ્તારોમાં સરેરાશ 40.36% મતદાન, વાપીમાં સૌથી વધુ.

Gujarat Local Body Election 2026: ગુજરાતમાં આજ રોજ 26 એપ્રિલ, 2026 ના દિવસે 15 મહાનગરપાલિકાઓ, 84 નગરપાલિકાઓ, 34 જિલ્લા પંચાયતો અને 260 તાલુકા પંચાયતો સહિતની સ્થાનિક સ્વરાજ્યની ચૂંટણી માટે સવારના 7 વાગ્યાથી જોરશોરથી મતદાન ચાલી રહ્યું છે. હવે મતદાન પૂરું થવાને માત્ર 2 જ કલાકનો સમય બાકી રહ્યો છે. જોકે, રાજ્યમાં પડી રહેલી ભીષણ ગરમી અને આકરા તાપની સીધી અસર મતદાનની ટકાવારી પર જોવા મળી રહી છે. બપોરના સમયે ગરમીના ડરથી મોટાભાગના મતદાન મથકો એકદમ ખાલીખમ જોવા મળ્યા હતા. ધીમા મતદાનના આ આંકડા જોઈને અત્યારે ઉમેદવારો અને રાજકીય પક્ષોના જીવ તાળવે ચોંટી ગયા છે.

બપોર સુધી ધીમું વોટિંગ થતાં હવે રાજકીય પક્ષો એકદમ એક્ટિવ મોડમાં આવી ગયા છે. બાકી બચેલા આ છેલ્લા 2 કલાકમાં કોઈપણ ભોગે મતદાન વધારવા માટે ઉમેદવારોએ પોતાના પ્રયાસો તેજ કરી દીધા છે. તેઓ પોતાના કાર્યકરોને સીધા જ મતદારોના ઘરે-ઘરે દોડાવી રહ્યા છે અને લોકોને મતદાન મથક સુધી લાવવાની કવાયત હાથ ધરી રહ્યા છે.

મહાનગરોમાં મતદાનની શું છે સ્થિતિ?

શહેરી વિસ્તારોની એટલે કે 15 મહાનગરપાલિકાઓની વાત કરીએ તો, અત્યાર સુધીમાં અહીં સરેરાશ 40.36 ટકા જેટલું જ મતદાન નોંધાયું છે. જેમાં સૌથી વધુ મતદાન વાપી મહાનગરપાલિકામાં 53 ટકા નોંધાયું છે. આ સિવાય અન્ય શહેરોની વાત કરીએ તો:

નવસારી મહાનગરપાલિકામાં: 51 ટકા

નડિયાદ મહાનગરપાલિકામાં: 50 ટકા

કરમસદ-આણંદ મનપામાં: 48 ટકા

મહેસાણા મહાનગરપાલિકામાં: 47 ટકા

સુરત મહાનગરપાલિકામાં: 43.85 ટકા

જામનગર મહાનગરપાલિકામાં: 40 ટકા

સુરેન્દ્રનગર મહાનગરપાલિકામાં: 39.41 ટકા

રાજકોટ મહાનગરપાલિકામાં: 39.13 ટકા

વડોદરા મહાનગરપાલિકામાં: 38.68 ટકા

અમદાવાદ મહાનગરપાલિકામાં: 36.58 ટકા

પોરબંદર મહાનગરપાલિકામાં સૌથી ઓછું: 30 ટકા

આ આંકડા દર્શાવે છે કે નાના શહેરોની સરખામણીએ મોટા શહેરોમાં ગરમીની વધુ અસર જોવા મળી રહી છે અને ત્યાંના મતદારો બહાર નીકળવામાં નિરુત્સાહ દાખવી રહ્યા છે. હવે સાંજે 6 વાગ્યા સુધીમાં આ આંકડો કેટલો ઉપર જાય છે તેના પર સૌની નજર ટકેલી છે.

જિલ્લા પંચાયતોમાં મતદાન

મહાનગરપાલિકાઓની સરખામણીમાં ગ્રામ્ય વિસ્તારો એટલે કે જિલ્લા પંચાયતોમાં મતદાનનું પ્રમાણ થોડું સારું રહ્યું છે. 34 જિલ્લા પંચાયતોમાં અત્યાર સુધી સરેરાશ 46.71 ટકા મતદાન થઈ ચૂક્યું છે. જેમાં નર્મદા જિલ્લા પંચાયતમાં સૌથી વધુ 58.80 ટકા મતદાન નોંધાયું છે. આ સિવાય ડાંગમાં 57.78 ટકા, તાપીમાં 57 ટકા, નવસારીમાં 53.76 ટકા અને વલસાડમાં 53.35 ટકા તેમજ વડોદરા જિલ્લા પંચાયતમાં 53 ટકા જેટલું સારું વોટિંગ જોવા મળ્યું છે.

અન્ય જિલ્લાઓના આંકડા જોઈએ તો ગાંધીનગરમાં 51.16 ટકા, અમદાવાદમાં 50.58 ટકા, સાબરકાંઠા, આણંદ અને ભરૂચમાં 50 50 ટકા મતદાન થયું છે. જ્યારે છોટાઉદેપુરમાં 49.2 ટકા, પંચમહાલમાં 49 ટકા, દાહોદમાં 48.50 ટકા, મોરબીમાં 48 ટકા, મહીસાગરમાં 47.85 ટકા, ગીર સોમનાથમાં 47 ટકા અને સુરત જિલ્લા પંચાયતમાં 45 ટકા મતદાન નોંધાયું છે.

આ પણ વાંચો

Gujarat Elections 2026: ગામડાં આગળ ને શહેરો પાછળ! જિલ્લા પંચાયતમાં 46% તો મનપામાં સન્નાટો: શું છે આ પાછળનું રહસ્ય?