જીલ્લા પંચાયતોમાં કોંગ્રેસને એવો માર પડ્યો કે બેઠકો તો માંડ આંગળીના વેઢે ગણાય એવી જ આવી! જુઓ લિસ્ટ

સ્થાનિક ચૂંટણીમાં ભાજપનો જંગી વિજય: જિલ્લા પંચાયતોમાં ભગવો, નર્મદામાં AAP ની ભવ્ય જીત.

Gujarat Local Polls: BJP Sweeps Cities; AAP Wins Narmada Panchayat

Source : ai

Show Quick Read

Key points generated by AI, verified by newsroom

• ગુજરાત સ્થાનિક ચૂંટણીમાં ભાજપનો ભગવો લહેરાયો.
• ભાજપે 15 મહાનગરપાલિકાઓ, 84 નગરપાલિકાઓ, 34 જિલ્લા પંચાયતો જીતી.
• આમ આદમી પાર્ટીએ નર્મદા જિલ્લા પંચાયતમાં 15 બેઠકો મેળવી.
• કોંગ્રેસ અને AAPએ અમુક વિસ્તારોમાં ભાજપને ટક્કર આપી.

Gujarat Local Body Election Results 2026: સમગ્ર દેશનું ધ્યાન જેના પર કેન્દ્રિત હતું તે દેશની રાજકીય પ્રયોગશાળા ગણાતા ગુજરાતની સ્થાનિક સ્વરાજ્યની ચૂંટણીના પરિણામો આવી ગયા છે. રાજ્યની 15 મહાનગરપાલિકાઓ, 84 નગરપાલિકાઓ, 34 જિલ્લા પંચાયતો અને 260 તાલુકા પંચાયતો માટે યોજાયેલી આ ચૂંટણીમાં મતદારોએ ફરી એકવાર ભાજપ પર પોતાનો અતૂટ ભરોસો મૂક્યો છે. શહેરોથી લઈને છેવાડાના ગામડાંઓ સુધી ચારેકોર ભાજપનો ભગવો લહેરાયો છે. બપોરે 2 વાગ્યા સુધીના શરૂઆતી ટ્રેન્ડ પર નજર કરીએ તો, કુલ 9992 બેઠકોમાંથી 5759 ના વલણો મુજબ ભાજપ 4552, કોંગ્રેસ 891 અને આમ આદમી પાર્ટી (AAP) 316 બેઠકો પર આગળ ચાલી રહી છે અથવા જીતી ચૂકી છે. મહાનગરપાલિકાઓમાં સરેરાશ 49.14 ટકા મતદાન નોંધાયું હતું. જોકે, આ ભવ્ય જીત વચ્ચે નર્મદા સહિત અમુક વિસ્તારોમાં કોંગ્રેસ અને આપે ભાજપને જોરદાર ટક્કર આપીને સૌને ચોંકાવી દીધા છે.

રાજ્યની વિવિધ જિલ્લા પંચાયતોની સ્થિતિ અને આંકડા:

નર્મદા જિલ્લા પંચાયત: અહીં ચૂંટણીનો સૌથી મોટો ઉલટફેર જોવા મળ્યો છે. નર્મદામાં આમ આદમી પાર્ટીએ ધમાકેદાર એન્ટ્રી કરતા 15 બેઠકો જીતી લીધી છે, જ્યારે ભાજપ માત્ર 3 બેઠકો પર સમેટાઈ ગયું છે.

આણંદ જિલ્લા પંચાયત: ભાજપને 23, કોંગ્રેસને 4 બેઠક મળી છે.

ખેડા જિલ્લા પંચાયત: ભાજપને 35, કોંગ્રેસને 5 બેઠક મળી છે.

પંચમહાલ જિલ્લા પંચાયત: ભાજપને 33, અન્યને 1 બેઠક મળી છે.

દાહોદ જિલ્લા પંચાયત: ભાજપને 27, કોંગ્રેસને 4, અન્યને 4 બેઠક મળી છે.

ભરૂચ જિલ્લા પંચાયત: ભાજપને 18, કોંગ્રેસને 3 બેઠક મળી છે.

ડાંગ જિલ્લા પંચાયત: ભાજપને 10, કોંગ્રેસને 6 બેઠક મળી છે.

નવસારી જિલ્લા પંચાયત: ભાજપને 26, કોંગ્રેસને 3 બેઠક મળી છે.

વલસાડ જિલ્લા પંચાયત: ભાજપને 32, કોંગ્રેસને 3, અન્યને 1 બેઠક મળી છે.

સુરત જિલ્લા પંચાયત: ભાજપને 33, અન્યને 1 બેઠક મળી છે.

તાપી જિલ્લા પંચાયત: ભાજપને 18, કોંગ્રેસને 8 બેઠક મળી છે.

દ્વારકા જિલ્લા પંચાયત: ભાજપને 18, કોંગ્રેસને 3, અન્યને 1 બેઠક મળી છે.

મોરબી જિલ્લા પંચાયત: ભાજપને 15, કોંગ્રેસને 2 બેઠક મળી છે.

ગીર સોમનાથ જિલ્લા પંચાયત: ભાજપને 16, કોંગ્રેસને 3 બેઠક મળી છે.

બોટાદ જિલ્લા પંચાયત: ભાજપને 18 બેઠકો મળી છે.

અરવલ્લી જિલ્લા પંચાયત: ભાજપને 15, કોંગ્રેસને 7 બેઠક મળી છે.

મહીસાગર જિલ્લા પંચાયત: ભાજપને 23, કોંગ્રેસને 1, અન્યને 1 બેઠક મળી છે.

છોટાઉદેપુર જિલ્લા પંચાયત: ભાજપને 10, અન્યને 4 બેઠક મળી છે.

વાવ-થરાદ વિસ્તાર (બનાસકાંઠા): ભાજપને 20, કોંગ્રેસને 10 બેઠક મળી છે.