Gujarat Rain: રાજ્યમાં 24 કલાકમાં 116 તાલુકામાં વરસાદ, ડભોઈમાં સૌથી વધુ

Gujarat Rain: ગુજરાતમાં ચોમાસાના ત્રીજો રાઉન્ડ શરૂ થવાની તૈયારી છે. આ દરમિયાન છેલ્લા 24 કલાકમાં 116 તાલુકામાં વરસાદ નોંધાયો છે.

રાજ્યમાં છેલ્લા 24 કલાકમાં 116 તાલુકામાં વરસાદ નોંધાયો

Gujarat Monsoon: ગુજરાતમાં ચોમાસાના ત્રીજો રાઉન્ડ શરૂ થવાની તૈયારી છે. આ દરમિયાન છેલ્લા 24 કલાકમાં 116 તાલુકામાં વરસાદ નોંધાયો છે. જેમાં સૌથી ડભાઈ અને લીમખેડામાં પોણા ત્રણ-ત્રણ ઈંચ વરસાદ પડ્યો છે. 19 તાલુકામાં અડધાથી પોણો ઈંચ વરસાદ નોંધાયો છે.

• દાહોદ તાલુકામાં વરસ્યો અઢી ઈંચ વરસાદ
• અમદાવાદના ધોલેરામાં વરસ્યો સવા બે ઈંચ વરસાદ
• પંચમહાલના જાંબુઘોડામાં બે ઈંચ વરસાદ
• કઠલાલ, ગરબાડા, વાગરામાં પોણા બે ઈંચ વરસાદ
• બોડેલી, માતર, પાવી જેતપુરમાં પોણા બે ઈંચ વરસાદ
• રાણપુર, નડીયાદ, મોરવા હડફમાં દોઢ દોઢ ઈંચ વરસાદ
• છોટા ઉદેપુર, ક્વાંટ, ઘોઘંબામાં સવા સવા ઈંચ વરસાદ
• કપરાડા, સોજીત્રા, ધાનપુરમાં સવા સવા ઈંચ વરસાદ
• ઉમરગામ, ધંધુકા, લુણાવાડામાં એક એક ઈંચ વરસાદ
• ફતેપુરા, સંજેલી, ડોલવણમાં એક એક ઈંચ વરસાદ
• આહવા, વાઘોડીયા, માંગરોળ,ગણદેવીમાં પોણો પોણો ઈંચ વરસાદ

હવામાન નિષ્ણાંત અંબાલાલ પટેલે વરસાદને લઈને મોટી આગાહી કરી છે. તેમના જણાવ્યા અનુસાર, એક પછી એક વરસાદની સિસ્ટમ સક્રીય થઈ રહી છે. જેના કારણે ગુજરાતમાં ભારેથી અતિ ભારે વરસાદ વરસશે. 23થી 26 જૂલાઈ વચ્ચે ગુજરાતમાં ધોધમાર વરસાદ પડવાની આગાહી કરવામાં આવી છે. 29 જૂલાઈથી 8 ઓગસ્ટ સુધી રાજ્યમાં ધોધમાર વરસાદ પડશે. સૌરાષ્ટ્ર અને કચ્છમાં પણ ભારેથી અતિ ભારે વરસાદની આગાહી કરવામાં આવી છે.

દક્ષિણ ગુજરાતમાં 5થી 6 ઈંચ વરસાદ પડવાની આગાહી

ગુજરાતમાં 17થી 20 જૂલાઈ સુધી દરિયાકાંઠાના વિસ્તારોમાં ભારે વરસાદની આગાહી હવામાન નિષ્ણાંત અંબાલાલ પટેલ દ્વારા કરવામાં આવી છે.  ભારે વરસાદના કારણે રાજ્યના જળાશયોમાં પાણીની આવક થશે. રાજ્યમાં આગાણી 17 જૂલાઈથી  19 જૂલાઈ સુધીમાં દક્ષિણ ગુજરાતમાં 5થી 6 ઈંચ વરસાદ પડવાની આગાહી અંબાલાલ દ્વારા કરવામાં આવી છે. આ સિવાય  આહવા,  ડાંગ,  સુરતમાં પણ ભારેથી અતિભારે વરસાદની શક્યતા તેમણે વ્યક્ત કરી છે. મધ્ય ગુજરાતમાં 4 ઈંચથી વધુ વરસાદની શક્યતા છે.   અંબાલાલ પટેલના જણાવ્યા અનુસાર, સૌરાષ્ટ્રમાં  રાજકોટ,  મોરબી અને સુરેન્દ્રનગરમાં  પણ ભારેથી અતિ ભારે વરસાદની શક્યતા છે. સૌરાષ્ટ્રના અન્ય જિલ્લામાં સામાન્ય વરસાદ વરસી શકે છે.

સૌરાષ્ટ્રના કેટલા જળાશયો થયા ઓવરફ્લો

રાજ્યમાં પહેલા અને બીજા રાઉન્ડમાં સારો વરસાદ થતા રાજ્યના કુલ 207 પૈકી 75 જળાશયો હાઈએલર્ટ પર આવી ગયા છે. ગુજરાતમાં સારા વરસાદને પગલે  સૌરાષ્ટ્રના 21, કચ્છના 8 જળાશયો ઓવર ફ્લો થયા છે. આ ઉપરાંત દક્ષિણ ગુજરાત અને મધ્ય ગુજરાતમાં પણ એક એક જળાશય ઓવરફ્લો થઇ ચૂક્યાં છે. હાલમાં રાજ્યના 15 જળાશયો એલર્ટ પર છે. 19 જળાશયો વોર્નિંગ પર છે.  રાજ્યના 207 જળાશયોમાં કુલ 50.37 ટકા જળસંગ્રહ છે.