Gujarat Rain Live Updates: સુરતમાં ભારે વરસાદ, નીચાણવાળા વિસ્તારોમાં પાણી ભરાયા
દક્ષિણ ગુજરાતમાં બે દિવસથી મેઘરાજા મન મૂકીને વરસી રહ્યા છે. સુરત, તાપી, નવસારીમાં વરસાદ નોંધાયો હતો.
Background
દક્ષિણ ગુજરાતમાં બે દિવસથી મેઘરાજા મન મૂકીને વરસી રહ્યા છે. સુરત, તાપી, નવસારીમાં વરસાદ નોંધાયો હતો. સુરતના બારડોલીમાં ભારે વરસાદ વરસ્યો હતો જેના કારણે બારડોલીથી મોતા ગામ જતા માર્ગ પર પાણી ફરી વળ્યાં છે. સતત વરસાદને કારણે ખેતરો અને ખાડી કોતરના પાણી રોડ પર આવ્યા છે. 24 કલાક દરમ્યાન બારડોલીમાં 7 ઇંચ વરસાદ વરસ્યો છે.
હરણાવ નદીમાં ફસાયેલ ત્રણ યુવાનોનું રેસ્ક્યૂ કરાયુ
સાબરકાંઠામાં ખેડબ્રહ્માની હરણાવ નદીમાં ફસાયેલ ત્રણ યુવાનોનું રેસ્ક્યૂ કરવામાં આવ્યું છે. ત્રણેય યુવાનોને બોટમાં બેસાડી સલામત સ્થળે ખસેડવામાં આવ્યા છે. હિમતનગરની ફાયર વિભાગની ટીમ બોટ લઈને પાણીના પ્રવાહમાં પહોચી હતી અને ત્રણેય યુવકોને બચાવી બોટ પર બેસાડ્યા હતા. બોટની મદદથી રેસ્કયૂ ઓપરેશન શરૂ કર્યું હતું.
સુરતમાં ખાડી પૂરના કારણે લોકોની મુશ્કેલી વધી
સુરતમાં ખાડી પૂરના કારણે લોકોની મુશ્કેલી વધી છે. સણીયા હેમાદમાં ખાડી પૂર આવતા 5 ફૂટ સુધી પાણી ભરાયું છે. જેના કારણે મંદિર પણ પાણીમાં ગરકાવ થયું છે. સ્થાનિકો ઘૂંટણસમા પાણીમાંથી જવા માટે મજબૂર બન્યા છે. સ્થાનિકોનો આરોપ છે કે વર્ષોથી આ સમસ્યા છે. અનેકવાર રજૂઆત કરવા છતાં પણ હજુ સુધી કોઈ જ ઉકેલ આવ્યો નથી. જેથી લોકો કાયમી ઉકેલ આવે તેવી માંગ કરી રહ્યા છે.
ટોપ સ્ટોરી
ટ્રેન્ડિંગ સમાચાર
