Gujarat Rain Live Updates: સુરત અને રાજકોટમાં સતત બીજા દિવસે કમોસમી વરસાદ, ડાંગર, કેરી સહિતના પાકને નુકસાન
અમદાવાદ, ખેડા,આણંદ, વડોદરા, ડાંગ, તાપી, ભરૂચ, નર્મદા, નવસારી, સુરતમાં પણ પવન સાથે વરસાદની આગાહી કરવામાં આવી છે.
Background
રાજ્યના 25થી વધુ જિલ્લામાં આગામી ત્રણ કલાકમા ઝડપી પવન સાથે વરસાદ વરસી શકે છે. 25થી વધુ જિલ્લામાં 41થી 61 કિલોમીટર પ્રતિ કલાકે પવન ફૂંકાશે. કચ્છ, અમરેલી, ભાવનગર, ગીર સોમનાથમાં ભારે પવન સાથે કમોસમી વરસાદ વરસી શકે છે.
આ જિલ્લાઓમાં વરસશે કમોસમી વરસાદ
અમદાવાદ, ખેડા,આણંદ, વડોદરા, ડાંગ, તાપી, ભરૂચ, નર્મદા, નવસારી, સુરતમાં પણ પવન સાથે વરસાદની આગાહી કરવામાં આવી છે. તે સિવાય વલસાડ, દમણ, દાદરાનગર હવેલી, બનાસકાંઠા, સાબરકાંઠા, અરવલ્લી, મહિસાગર, દાહોદ, પંચમહાલ, છોટાઉદેપુરમાં પવન સાથે સામાન્યથી મધ્યમ વરસાદની આગાહી કરાઇ છે. તે સિવાય દ્વારકા, જામનગર, પોરબંદર, રાજકોટમાં ગાજવીજ સાથે હળવા વરસાદની આગાહી કરાઇ છે તો જૂનાગઢ, બોટાદ, સુરેન્દ્રનગર, ગાંધીનગરમાં પણ છૂટ્ટા છવાયા હળવા વરસાદની આગાહી કરવામાં આવી છે. રાજ્યના 53 તાલુકામાં વરસાદ નોંધાયો છે. હવામાન વિભાગે હજુ આજે પણ 18 જિલ્લામાં વરસાદનું યલો એલર્ટ જાહેર થયું છે. સોમવારે ભાવનગરમાં એક ઇંચ વરસાદ નોંધાયો છે. શિહોરમાં દોઢ ઇંચ વરસાદ નોંધાયો છે. 13 તાલુકામાં અડધાથી પોણા ઇંચ વરસાદ વરસ્યો છે.
મધ્ય અને ઉત્તર ગુજરાતમાં પણ સોમવારે માવઠાના સંકટે ચિતા વધારી છે. મોટાભાગના વિસ્તારમાં ધોધમાર વરસાદ વરસ્યો છે. સોમવારે મોડી સાથે માવઠાએ અમદાવાદને પણ ઘમરોળ્યું અહીં ભારે પવન સાથે ધોધમાર વરસાદ તૂટી પડતાં અનેક જ્ગ્યાએ હોર્ડિગ્સ પડી ગયા હતા તો અનેક જગ્યા પાણી ભરાઇ જતા જનજીવન પ્રભાવિત થયું છે. સાબરકાંઠા જિલ્લામાં સોમવારે વાતાવરણમાં પલટો આવ્યો અને ધૂળભરી આંધી સાથે અને ગાજવીજ સાથે વરસાદ તૂટી પડ્યો, વરસાદના કારણે અહીં વીજળી ગૂલ થઇ જતાં અને અનેક વિસ્તારમાં પાણી ભરાતા જન જીવન બહુ ખરાબ રીતે પ્રભાવિત થયું છે. ઈડર શહેરમાં ભારે પવન સાથે વરસાદ વરસતા . અનેક વિસ્તારમાં વીજળી ગૂલ થઇ ગઇ હતી. આ વિસ્તારમાં ખાસ કરીને માવઠાથી બાગાયતી પાકને નુકસાન થયું છે.
નવસારીમાં ભારે પવન સાથે વરસાદ વરસ્યો હતો. ગણદેવી, બિલીમોરા, ચીખલી સહિતના વિસ્તારમાં વરસાદે તારાજી સર્જી છે. અનેક જગ્યાએ કેરીઓ ખરી પડી જતાં ખેડૂતોને નુકસાન સહન કરવાનો વારો આવ્યો છે. બિલીમોરા શહેરમાં વરસાદને કારણે વીજળી ગૂલ થઇ જતાં અંધારપટ છવાઇ ગયો હતો.
રાજકોટ શહેરમાં સતત બીજા દિવસે કમોસમી વરસાદ વરસ્યો
રાજકોટ શહેરમાં સતત બીજા દિવસે કમોસમી વરસાદ વરસ્યો હતો. યાજ્ઞિક રોડ, કાલાવડ રોડ, યુનિવર્સિટી રોડ વિસ્તારમાં વરસાદ વરસ્યો હતો. સાધુ વાસવાણી રોડ, 150 ફૂટ રિંગ રોડ વિસ્તારમાં વરસાદ વરસ્યો હતો.
સુરતમાં ફરી એક વખત આફતનો વરસાદ વરસ્યો
સુરતમાં થોડા વિરામ બાદ ફરી એક વખત આફતનો વરસાદ વરસ્યો હતો. અઠવાલાઈન્સ, રાંદેર, પાલ, અડાજણ સહિતના વિસ્તારોમાં માવઠું પડ્યું હતું. વેસુ, પાર્લે પોઈન્ટ સહિતના વિસ્તારોમાં વરસાદ વરસ્યો હતો. ભારે પવન સાથે સુરતના અનેક વિસ્તારોમાં કમોસમી વરસાદ વરસ્યો હતો. ડાંગર, કેરી સહિતના પાકને નુકસાન થયું છે.
ટોપ સ્ટોરી
ટ્રેન્ડિંગ સમાચાર
