શોધખોળ કરો

Gujarat Rain: ધોધમાર વરસાદ બન્યો આફતરૂપ, રસ્તા જળમગ્ન, રાજ્યના 224 તાલુકામાં મેઘતાંડવ

હવામાન વિભાગની આગાહી વરસાદની આગાહી વચ્ચે મેઘરાજા છેલ્લા 24 કલાકથી સમગ્ર રાજ્યને ઘમરોળી રહ્યાં છે. ભારે વરસાદના કારણે તાપીના નીચાણવાળા 10 ગામોને એલર્ટ કરવામાં આવ્યાં છે.

By : gujarati.abplive.com | Updated at : 30 Jun 2023 12:01 PM (IST)

Gujarat rain update in 224 taluka falls heavy rain in state Gujarat Rain: ધોધમાર વરસાદ બન્યો આફતરૂપ, રસ્તા જળમગ્ન, રાજ્યના 224 તાલુકામાં મેઘતાંડવ

રાજ્યમાં સાર્વત્રિક વરસાદ

Gujarat Rain:હવામાન વિભાગની આગાહી વરસાદની આગાહી વચ્ચે મેઘરાજા છેલ્લા 24 કલાકથી સમગ્ર રાજ્યને ઘમરોળી રહ્યાં છે. તાપીના નીચાણવાળા 10 ગામોને એલર્ટ કરવામાં આવ્યાં છે.

રાજ્યમાં હાલ સૌથી વધારે વરસાદ સૌરાષ્ટ્ર અને દક્ષિણ ગુજરાતમાં પડી રહ્યો છે. ગીર સોમનાથ, અમરેલીમા ધોઘમાર વરસાદે જનજીવને પ્રભાવિત કર્યું છે. જૂનાગઢ જિલ્લા પોણા અગિયાર ઇંચ વરસાદ ખાબકતાં કેટલાક નિચાણવાળા વિસ્તારના ઘરો પાણી ધૂસી ગયા છે.

દક્ષિણ ગુજરાતમાં પણ વરસાદ આફતરૂપ બની ગયો છે. અહીં નવસારી, વલસાડ, સુરત, તાપી સહિતના વિસ્તારમાં મેઘરાજા મનમૂકીને વરસી રહ્યાં છે. ગ્રામ્ય વિસ્તારમાં વરસાદથી ખેડૂતોમાં ખુશીને લહેર છે પરંતુ ભારે વરસાદના કારણે રસ્તા પાણીમાં ગરકાવ થઇ જતાં જનજીવનને માઠી અસર થઇ છે. સુરતના ગ્રામ્ય વિસ્તારોમાં ભારે વરસાદના કારણે બારડોલીમાં 10 વાગ્યા સુધીમાં દોઢ ઈંચ વરસાદ વરસ્યો. ધુલિયા ચોકડી પાસે નેશનલ હાઈવે પર પાણી ફરી વળતા વાહન વ્યવહાર પ્રભાવિત થયો છે.

છેલ્લા 24 કલાકમાં રાજ્યના 224 તાલુકામાં નોંધાયો વરસાદ