ગુજરાતમાં ચોમાસું બરાબર જામ્યું: 206 ડેમમાંથી 26 તો આખા ભરાઈ ગ્યા, 50 લાખ હેક્ટરમાં વાવેતર થયું
કચ્છ રીઝીયનમાં સૌથી વધુ 58.46% વરસાદ નોંધાયો છે. આ ઉપરાંત, દક્ષિણ ગુજરાતમાં 55.22%, પૂર્વ મધ્ય ગુજરાતમાં 49.39%, સૌરાષ્ટ્રમાં 49.36% અને ઉત્તર ગુજરાતમાં 48.02% સરેરાશ વરસાદ વરસ્યો છે.
Gujarat rain update 2025: ગુજરાતમાં (Gujarat) ચોમાસાની ચાલુ સિઝનમાં (Monsoon Season) સાર્વત્રિક વરસાદ (Widespread Rain) જોવા મળ્યો છે. સ્ટેટ ઇમરજન્સી ઓપરેશન સેન્ટર (State Emergency Operation Center - SEOC), ગાંધીનગર (Gandhinagar) દ્વારા જાહેર કરાયેલી યાદી મુજબ, અત્યાર સુધીમાં મોસમનો કુલ સરેરાશ 51.16% વરસાદ નોંધાયો છે. રાજ્યની જીવાદોરી સમાન સરદાર સરોવર ડેમમાં (Sardar Sarovar Dam) હાલ 54.90% જેટલો જળસંગ્રહ (Water Storage) થયો છે, જેમાં 1,83,404 MCFT પાણીનો સંગ્રહ નોંધાયો છે.
પ્રાદેશિક વરસાદની સ્થિતિ અને જળાશયોની જળસપાટી
વરસાદની પ્રાદેશિક સ્થિતિ જોઈએ તો, કચ્છ રીઝીયનમાં (Kutch Region) સૌથી વધુ 58.46% વરસાદ નોંધાયો છે. આ ઉપરાંત, દક્ષિણ ગુજરાતમાં (South Gujarat) 55.22%, પૂર્વ મધ્ય ગુજરાતમાં (East Central Gujarat) 49.39%, સૌરાષ્ટ્રમાં (Saurashtra) 49.36% અને ઉત્તર ગુજરાતમાં (North Gujarat) 48.02% સરેરાશ વરસાદ વરસ્યો છે.
રાજ્યના અન્ય 206 જળાશયોમાં કુલ 3,32,380 MCFT પાણી સંગ્રહાયું છે, જે તેમની કુલ સંગ્રહ ક્ષમતાના 59.55% જેટલું છે. સાર્વત્રિક વરસાદના પરિણામે, કુલ 206 ડેમ પૈકી 26 ડેમ સંપૂર્ણપણે ભરાઈ ગયા છે. આ ઉપરાંત, 41 ડેમને 'હાઈ એલર્ટ' (High Alert), 21 ડેમને 'એલર્ટ' (Alert) અને 23 ડેમને 'વોર્નિંગ' (Warning) પર રાખવામાં આવ્યા છે. કુલ 206 ડેમો પૈકી 60 ડેમ 70% થી 100%, 37 ડેમ 50% થી 70% અને 43 ડેમ 25% થી 50% જેટલા ભરાયા છે. છેલ્લા 24 કલાકમાં દાહોદ (Dahod), પંચમહાલ (Panchmahal), નર્મદા (Narmada) અને સુરેન્દ્રનગર (Surendranagar) જિલ્લામાં સૌથી વધુ વરસાદ વરસ્યો છે.
ખરીફ પાકનું વાવેતર અને રાહત કામગીરી
ચાલુ ચોમાસા (Monsoon 2025)ની સિઝનમાં થયેલા સાર્વત્રિક વરસાદના કારણે ખેડૂતોમાં (Farmers) પણ ઉત્સાહનો માહોલ છે. તા. 18 જુલાઈ, 2025 ની સ્થિતિએ, અત્યાર સુધીમાં કુલ 50.27 લાખ હેક્ટર વિસ્તારમાં એટલે કે, 58.74% વિસ્તારમાં ખરીફ (Kharif) – ચોમાસું પાકનું (Monsoon Crop) વાવેતર પૂર્ણ કરી દેવામાં આવ્યું છે. જેમાં સૌથી વધુ 18.50 લાખ હેક્ટરમાં મગફળીના (Groundnut) પાકનું વાવેતર કરવામાં આવ્યું છે, જ્યારે બીજા ક્રમે 18.56 લાખ હેક્ટર વિસ્તારમાં કપાસના (Cotton) પાકનું વાવેતર કરાયું છે.
ચાલુ વર્ષે ચોમાસાની સિઝનમાં સ્થાનિક વહીવટી તંત્ર (Local Administration), NDRF (National Disaster Response Force) અને SDRF (State Disaster Response Force) દ્વારા અત્યાર સુધીમાં 10 જિલ્લાઓમાંથી કુલ 4,278 નાગરિકોને સલામત સ્થળે ખસેડવામાં આવ્યા છે, જ્યારે 689 નાગરિકોનું રેસ્ક્યુ (Rescue) કરવામાં આવ્યું છે. વરસાદની આ મહેર ગુજરાતના ખેડૂતો અને જનજીવન માટે આશાનું કિરણ લઈને આવી છે.
Before You Go
Bhavnagar Fake liquor scandal | ભાવનગરમાં ડુપ્લીકેટ દારૂમાં શિક્ષક હિતેશ પરમારનું શંકાસ્પદ મોત
ટોપ સ્ટોરી
ટ્રેન્ડિંગ સમાચાર
