વરસાદનું નાઉ કાસ્ટ: સાંજે 7 વાગ્યા સુધી રાજ્યના 17 જિલ્લામાં અતિભારે વરસાદનું રેડ એલર્ટ

Gujarat weather nowcast: સાંજે 4 થી 7 વાગ્યા સુધી રાજ્યના તમામ જિલ્લાઓમાં સાર્વત્રિક અને અતિભારે વરસાદની ચેતવણી.

Gujarat Weather Nowcast Rain Alert Next 3 Hours Red Orange Code

Source : ai

Show Quick Read

Key points generated by AI, verified by newsroom

• હવામાન વિભાગે આગામી ત્રણ કલાક ગુજરાતમાં ભારે વરસાદની આગાહી.
• બનાસકાંઠા સહિત ૧૮ જિલ્લાઓ રેડ એલર્ટ પર, અતિભારે વરસાદ શક્ય.
• કચ્છ સહિત અન્ય ૧૫ જિલ્લાઓ ઓરેન્જ એલર્ટ પર, તંત્ર એલર્ટ.

Gujarat weather nowcast: ગુજરાતમાં ચોમાસાએ હવે ભયંકર અને રૌદ્ર સ્વરૂપ ધારણ કરી લીધું છે. ભારતીય હવામાન વિભાગ (IMD) દ્વારા રાજ્ય માટે તાત્કાલિક અસરથી એક અતિમહત્વપૂર્ણ 'નાઉ કાસ્ટ' (Nowcast) આગાહી જાહેર કરવામાં આવી છે, જેણે લોકો અને તંત્રની ચિંતા વધારી દીધી છે. આ લેટેસ્ટ અપડેટ મુજબ, આગામી 3 કલાક એટલે કે સાંજે 4 વાગ્યાથી લઈને 7 વાગ્યા સુધી સમગ્ર ગુજરાતમાં સાર્વત્રિક અને ભારે વરસાદ તૂટી પડવાની પ્રબળ શક્યતા છે. રાજ્યનો એક પણ જિલ્લો એવો નહીં હોય જ્યાં મેઘરાજાની તોફાની બેટિંગ જોવા ન મળે.

આ જિલ્લાઓમાં આફતનો વરસાદ: 3 કલાક માટે રેડ એલર્ટ

હવામાન વિભાગના જણાવ્યા મુજબ, રાજ્યના મોટાભાગના વિસ્તારોમાં આગામી 3 કલાક અત્યંત કટોકટીના બની રહેશે. જ્યાં અતિભારે વરસાદ ખાબકવાની આશંકા છે તેવા વિસ્તારોને તંત્ર દ્વારા 'રેડ એલર્ટ' પર મૂકવામાં આવ્યા છે. આ જિલ્લાઓમાં નાગરિકોને કામ વગર ઘરની બહાર ન નીકળવા અને અત્યંત સાવચેત રહેવાની સલાહ આપવામાં આવી છે.

રેડ એલર્ટવાળા જિલ્લાઓ: બનાસકાંઠા, પાટણ, મહેસાણા, સાબરકાંઠા, અરવલ્લી, રાજકોટ, જૂનાગઢ, અમરેલી, ભાવનગર, ભરૂચ, નર્મદા, સુરત, તાપી, નવસારી, ડાંગ, વલસાડ અને કેન્દ્રશાસિત પ્રદેશ દાદરા નગર હવેલી.

અહીં પણ સાવચેતી અત્યંત જરૂરી: ઓરેન્જ એલર્ટ જારી

બીજી તરફ, રાજ્યના અન્ય વિસ્તારોમાં પણ વરસાદનું જોર કંઈ ઓછું નહીં હોય. આ વિસ્તારોમાં સતત અને ભારે વરસાદની શક્યતાને ધ્યાનમાં રાખીને 'ઓરેન્જ એલર્ટ' જાહેર કરવામાં આવ્યું છે.

ઓરેન્જ એલર્ટવાળા જિલ્લાઓ: કચ્છ, મોરબી, જામનગર, દેવભૂમિ દ્વારકા, પોરબંદર, સુરેન્દ્રનગર, અમદાવાદ, ગાંધીનગર, મહીસાગર, ખેડા, આણંદ, પંચમહાલ, વડોદરા, દાહોદ અને છોટાઉદેપુર.

આ પણ વાંચોઃ આગામી 48 કલાક 4 જિલ્લા માટે ભારે, અત્યંત ભારે વરસાદ તૂટી પડશે, 50 km ની ઝડપે પવન ફૂંકાશે

આ તાકીદની આગાહીને પગલે રાજ્યભરનું વહીવટી તંત્ર એલર્ટ મોડ પર આવી ગયું છે. સાંજે 7 વાગ્યા સુધી ભારે પવન અને ગાજવીજ સાથે વરસાદ વરસી શકે છે, તેથી ખાસ કરીને વાહનચાલકો અને ઓફિસેથી ઘરે પરત ફરતા લોકોને સાવચેતીપૂર્વક પ્રવાસ કરવા અપીલ કરવામાં આવી છે.

નોંધનીય છે કે, ગુજરાતમાં મેઘરાજા હવે પોતાનું રૌદ્ર સ્વરૂપ બતાવવા જઈ રહ્યા છે. ભારતીય હવામાન વિભાગ (IMD) દ્વારા રાજ્ય માટે આગામી 7 દિવસની વિસ્તૃત આગાહી જાહેર કરવામાં આવી છે. ચોમાસાની સક્રિય સિસ્ટમને પગલે સમગ્ર ગુજરાતમાં સાર્વત્રિક વરસાદી માહોલ જામશે. ખાસ કરીને શરૂઆતના બે દિવસ (દિવસ-1 અને 2) દક્ષિણ ગુજરાત અને સૌરાષ્ટ્રના વિસ્તારો માટે કટોકટીના સાબિત થઈ શકે છે, કારણ કે અહીં 'અત્યંત ભારે' વરસાદનું રેડ એલર્ટ આપવામાં આવ્યું છે.

આ પણ વાંચોઃ ગુજરાત ચોમાસું અપડેટ: 2804 ગામોની વીજળી ગુલ, 777 લોકોનું સ્થળાંતર, NDRF અને SDRFની 35 ટીમો તૈનાત