Weather : બે સિસ્ટમ એક્ટિવ થતાં, 8 જૂન સુધી રાજ્યના આ જિલ્લામાં પડશે ભારે વરસાદ, હવામાન વિભાગની આગાહી

Weather update: હવામાન વિભાગે પ્રિમોનસૂન એક્ટિવિટીના ભાગરૂપે રાજયના અનેક જિલ્લામાં વરસાદની આગાહી કરી છે.

ગુજરાતમાં 8 જૂન સુધી વરસાદની આગાહી

Source : ABPLIVE AI

Weather update: ગુજરાતના કેટલાક રાજ્યોમાં આજે  ગાજવીજ સાથે વરસાદની શરૂઆત થઇ ગઇ છે. ચોમાસાની શરૂઆત રાજ્યમાં નથી થઇ પરંતુ પ્રિમોનસૂના ભાગરૂપે રાજ્યના કેટલાક જિલ્લાના વાતાવરણમાં પલટો આવ્યો છે. હવામાન વિભાગની માહિતી મુજબ ચોમાસું હજું કેરળ નહિ પહોંચ્યું. ચોમાસું અરબી સમુદ્રની આસપાસ પહોચ્યું છે. 

રાજસ્થાન પર બની રહેલા સાયક્લોનિક સર્ક્યુલેશનના કારણે ગુજરાતના કેટલાક જિલ્લાના વાતાવરણમાં પલટો આવ્યો છે. ટૂંકમાં ટ્રફ રેખા અને સાયક્લોનિક સર્ક્યુલેશનના કારણે ગુજરાતના જુદા જુદા જિલ્લામાં ભારે હવા સાથે ગાજવીજ સાથે વરસાદ વરસી શકે છે. હવામાન વિભાગે 10 જૂન સુધી જુદા જુદા વિસ્તારમાં વરસાદની આગાહી કરી છે. 1 જૂન બાદ વરસાદનું જોર વધી શકે છે અને ભારે વરસાદ વરસી શકે છે. આ સમય દરમિયાન પવનની ગતિ પણ વધારે રહેશે એટલે કે 40થી 50 પ્રતિ કિલોમીટરની ઝડપે પવન ફૂંકાઇ શકે છે. 

આ પણ વાંચો: Weather Update: રાજ્યમાં આજથી ગાજવીજ સાથે આ જિલ્લામાં વરસાદની આગાહી

30 મે  એટલે કે આજે ક્યાં વરસાદ વરસશે  
કચ્છ, અરવલ્લી, બનાસકાંઠા, સાબરકાંઠા, મહેસાણા, પાટણ, દાહોદ, પંચમહાલ, છોટાઉદેપુર, નર્મદા, તાપી, આ તમામ વિસ્તારમાં આજે છૂટછવાયો હળવાથી મધ્યમ વરસાદ વરસી શકે છે. 

31 મેએ ક્યાં પડશે વરસાદ 
હવામાન વિભાગે 31 મેએ ભારે વરસાદની આગાહી કરી છે. સાબરકાંઠા, અરવલ્લી, દાહોદ, પંચમહાલ, છોટાઉદેપુર, મહિસાગર, નર્મદા, તાપી, ડાંગ, ખેડા, આણંદ, સુરત, ભરૂચ, ગાંધીનગર અમદાવાદ, ભાવનગર, બોટાદ,જૂનાગઢ,  બોટાદ, સુરેન્દ્રનગર, મોરબી, જામનગર, દેવભૂમિ દ્વારકામાં વરસાદ વરસી શકે છે. 

હવામાન વિભાગની આગાહી મુજબ ઉપરોકત જિલ્લામાં 7 જૂન સુધી વરસાદી માહોલ જોવા મળશે.વધુ ભારે વરસાદ શરૂઆતના સમયમાં  ઉત્તર ગુજરાત,પૂર્વ ગુજરાત અને દક્ષિણ ગુજરાતના વિસ્તારોમાં રહેશે. ઉપરાંત સૌરાષ્ટ્રની વાત કરીએ તો અમરેલી, ભાવનગર, બોટાદમાં વધુ પ્રમાણમાં વરસાદ વરસે તેવી શક્યતા છે.

 1 અને 2 જૂન ક્યાં પડશે વરસાદ
હવામાન વિભાગે 2 જૂનથી વરસાદનું પ્રમાણ વધવાની શક્યતા વ્યક્ત કરી છે. 2 જૂને મોરબી, રાજકોટ, જામનગર, દેવભૂમિ દ્વારકા, પોરબંદર, અમરેલી, જૂનાગઢ, ગીર સોમનાથ ઉપરાંત ભરૂચ વડોદરા, ખેડા, આણંદ, છોટાઉદેપુર ભરૂચ, નર્મદા, નવસારી, સુરત, તાપી, વલસાડમાં ભારે પવન અને ગાજવીજ સાથે વરસાદ વરસી શકે છે. 3 જૂને મધ્ય ગુજરાત, ઉત્તર ગુજરાત, દક્ષિણ ગુજરાતમાં ભારે વરસાદ તેજ પવનની ગતિ સાથે પડી શકે છે તો આ જ દિવસે સૌરાષ્ટ્ર કચ્છમાં મઘ્યમ વરસાદનું અનુમાન છે. ત્યારબાદ 4 જૂને સૌરાષ્ટ્રમાં વરસાદનું જોર વધી શકે છે. 

 

આ પણ વાંચો

Weather Update: રાજ્યમાં આજથી ગાજવીજ સાથે આ જિલ્લામાં વરસાદની આગાહી

Monsoon: ચોમાસા પર મોટો ખતરો, 'આ વર્ષે વરસાદ ઓછો, ગરમીનું વધશે જોર' -IMDની ડરાવનારી આગાહી