Gujarat Rain Update:રાજ્યભરમાં મેઘમહેર, વરસાદની આગાહી વચ્ચે ક્યાં કેટલો વરસ્યો, જાણો અપડેટ
Gujarat Rain Update: હવામાન વિભાગે ગુજરાતમાં ઓગસ્ટના અંત સુધી વરસાદની આગાહી કરી છે. છેલ્લા 24 કલાકમાં ક્યાં કેટલો વરસ્યો વરસાદ, જાણીએ અપડેટસ
Gujarat Rain Update: ગુજરાતમાં હાલ મેઘ મહેરની સ્થિતિ યથાવત છે. બંગાળની ખાડીમાં એક સિસ્ટમ આકાર લઇ રહી છે તેમજ રાજસ્થાન પર પણ એક સાયક્લોનિક સર્ક્યુલેશન સર્જાયું છે. આ બંને સિસ્ટમ મજબૂત બનતાં ગુજરાતમાં ફરી વરસાદનું જોર વધશે. આ સિસ્ટમના કારણે ઉતર ગુજરાત, મધ્ય ગુજરાત, પૂર્વ ગુજરાત, દક્ષિણ ગુજરાત, સૌરાષ્ટ્ર અને કચ્છના વિસ્તાર વરસાદનું પ્રમાણ વધશે. હવામાન વિભાગની આગાહી મુજબ ગુજરાતમાં 27 ઓગસ્ટ બાદ ફરી વરસાદ વધશે. ઉલ્લેખનિય છે કે, વરસાદના બીજા રાઉન્ડમાં ઉત્તર ગુજરાત અને મધ્ય ગુજરાતમાં ભારે વરસાદ વરસી શકે છે.
છેલ્લા 24 કલાકમાં ક્યાં કેટલો વરસ્યો વરસાદ?
દાંતા - 2.32 ઈંચ
માળિયા ( મોરબી )- 2.28 ઈંચ
ટંકારા - 2.13 ઈંચ
મોરબી - 1.93 ઈંચ
જામકંડોરણા - 1.93 ઈંચ
ભાણવડ-1.73 ઈંચ
ધ્રાંગધ્રા- 1.54 ઈંચ
કાલાવડ -1.46 ઈંચ
વ્યારા - 1.3 ઈંચ
વાંકાનેર - 1.22 ઈંચ
ગોંડલ- 1.22 ઈંચ
લોધિકા -1.18 ઈંચ
થાનગઢ - 1.14 ઈંચ
ચોટીલા- 1.1 ઈંચ
રાજકોટ- 1.1 ઈંચ
સુરત શહેર- 1.1 ઈંચ
કુકરમુંડા -1.02 ઈંચ
હળવદ- 1.02 ઈંચ
પડધરી -1.02 ઈંચ
રાજ્યના સાત જિલ્લામાં વરસાદનું ઓરેંજ એલર્ટ
હવામાન વિભાગે આજે રાજ્યના સાત જિલ્લામાં વરસાદનું ઓરેંજ એલર્ટ જાહેર કર્યું છે. બનાસકાંઠા,સાબરકાંઠા, અરવલ્લી, મહિસાગર, મહેસાણા, મોરબી, સુરેન્દ્રનગરમાં ભારે વરસાદની શક્યતાને જોતા આ જિલ્લામા ઓરેન્જ એલર્ટ જાહેર કરવામાં આવ્યું છે.
આ વિસ્તારમાં યલો એલર્ટ જાહેર
હવામાન વિભાગની આગાહી મુજબ આજે કચ્છ અને પાટણ જિલ્લામાં પણ આજે સારો વરસાદ વરસશે,. ભારે વરસાદની શક્યતાને જોતા યલો એલર્ટ જાહેર કરવામાં આવ્યું છે. દ્વારકા અને પોરબંદરમાં આજે બપોર બાદ ગાજવીજ સાથે વરસાદ વરસી શકે છે, આ બંને જિલ્લામાં પણ વરસાદનું આજે યલો એલર્ટ અપાયું છે. ઉપરાંત ગીર સોમનાથ, જૂનાગઢ, રાજકોટ, બોટાદ અને અમદાવાદ, ગાંધીનગર,આણંદ અને ખેડા,પંચમહાલ, દાહોદ, છોટાઉદેપુર,વલસાડ, સુરત,નવસારીમાં આજે વરસાદનું યલો એલર્ટ અપાયું છે ઉપરાંક દમણ, દાદરાનગર હવેલીમાં પણ આજે ભારે પવન સાથે ગાજવીજ સાથે વરસાદનું અનુમાન છે. આ વિસ્તારમાં પણ આજે વરસાદનું યલો એલર્ટ જાહેર કરવામાં આવ્યું છે.
26 ઓગસ્ટથી કયા જિલ્લામાં પડશે ભારે વરસાદ
હવામાન વિભાગની આગાહી મુજબ બંને સિસ્ટમના કારણે 26 ઓગસ્ટ બાદ ઉત્તર ગુજરાતના જિલ્લાઓ અને દક્ષિણ ગુજરાત તેમજ મધ્ય ગુજરાતના જિલ્લામાં વરસાદનું અનુમાન છે. સૌરાષ્ટ્રના દરિયાકાંઠાના વિસ્તારમાં ભારે વરસાદની આગાહી છે.હવામાન વિભાગના અનુમાન મુજબ 28 બાદ વરસાદ થોડો ધીમો પડશે પરંતુ ઓગસ્ટના અંત સુધી ગુજરાતમાં મધ્યમ વરસાદ વરસતો રહેશે.આજના દિવસમાં રાજ્યના 108 તાલુકામાં વરસાદ વરસ્યો, આજે આઠ તાલુકામાં 2થી 4 ઈંચ સુધીનો વરસાદ વરસ્યો, આજે વલસાડના ધરમપુરમાં સૌથી વધુ 4.13 ઈંચ વરસાદ વરસ્યો જ્યારે આજે પારડીમાં ખાબક્યો 3.5 ઈંચ,ભેંસાણમાં સાડા ત્રણ ઈંચ,ખેરગામમાં ઈંચ સહિત કુલ 108 તાલુકામાં વરસાદ વરસ્યો છે. આજે ધોરાજી, ઉપલેટા, જૂનાગઢ, વંથલીમાં સવારથી મેઘરાજાએ ધુવાઘાર બેટિંગ કરતા અનેક વિસ્તારમાં જળબંબાકારની સ્થિતિ સર્જાઇ છે. બપોરના સમયે અમદાવાદમાં પણ મેઘરાજાની એન્ટ્રી થઇ હતી. ગાજવીજ સાથે અનેક વિસ્તારમાં વરસાદ વરસતાં વૈષ્ણદેવી સર્કલ, એસજી હાઇવે, પકવાન 4 રસ્તા પર ટ્રાફિક જામની સ્થિતિ સર્જાઇ હતી.
ટોપ સ્ટોરી
ટ્રેન્ડિંગ સમાચાર
