Gujarat Rain: 21 ઓગષ્ટે રાજયમાં સર્જાશે મેધતાંડવ, અતિભારે વરસાદની આગાહી, આ જિલ્લામાં રેડ એલર્ટ
Gujarat Rain: રાજ્યમાં વરસાદ લાવતી એક સાથે 4 સિસ્ટમ સક્રિય થતાં આગામી દિવસોમાં પણ રાજ્યમાં મેઘમલ્હાર યથાવત રહેશે.
Gujarat Rain: હવામાન વિભાગે આગામી દિવસોમાં ગુજરાતમાં વરસાદની આગાહી કરી છે. ખાસ કરીને 21 ઓગસ્ટે સાર્વત્રિક ભારે વરસાદનો અનુમાન વ્યક્ત કર્યું છે. 22થી 25 ઓગષ્ટના રાજ્યમાં ભારે વરસાદની ચેતવણી અપાઇ છે. સૌરાષ્ટ્રમાં 23 ઓગષ્ટ સુધી તોફાની પવન સાથે વરસાદ વરસશે. દક્ષિણ ગુજરાત, સૌરાષ્ટ્રના કેટલાક જિલ્લામાં વરસાદનું એલર્ટ જાહેર કરવામાં આવ્યું છે. નવસારી અને વલસાડમાં વરસાદનું રેડ એલર્ટ જાહેર જાહેર કરવામાં આવ્યું છે. સૌરાષ્ટ્રના પોરબંદર, જૂનાગઢ, ગીર સોમનાથમાં રેડ એલર્ટ અપાયું છે. રાજકોટ, અમરેલી, ભાવનગર, દ્વારકા અને જામનગર, વરસાદનું ઓરેંજ એલર્ટ જાહેર કરવામાં આવ્યું છે. સુરત, ભરૂચ, તાપી, ડાંગમાં વરસાદનું ઓરેંજ એલર્ટ જાહેર કરવામાં આવ્યું છે. અમદાવાદ, ગાંધીનગરમાં વરસાદનું યલો એલર્ટ અપાયું છે.
હવામાન વિભાગની આગાહી મુજબ ગુજરાતમાં આજે અને આવતીકાલે ભારેથી અતિભારે વરસાદ વરસશે. હવામાન વિભાગના મતે રાજ્યમાં એક સાથે ચાર- ચાર સિસ્ટમ સક્રિય થઈ છે. જેના કારણે રાજ્યમાં આગામી ત્રણ દિવસ મુશળધાર વરસાદ વરસશે.
આજે સૌરાષ્ટ્રના દરિયાકાંઠા અને દક્ષિણ ગુજરાતના જિલ્લામાં ભારેથી અતિભારે વરસાદનું અનુમાન છે. આજે ગુજરાતના સૌરાષ્ટ્રના ત્રણ જિલ્લામાં ભારેથી અતિભારે વરસાદની આગાહી છે. સૌરાષ્ટ્રમાં જૂનાગઢ, અમરેલી, ગીર સોમનાથમાં અતિભારે વરસાદનું રેડ એલર્ટ જાહેર કરાયું છે. તો દક્ષિણમાં નવસારી, વલસાડ તેમજ સંઘપ્રદેશ દીવ, દમણ અને દાદરાનગર હવેલીમાં વરસાદનું રેડ એલર્ટ અપાયું છે. તો દ્વારકા, પોરબંદર, રાજકોટ, ભાવનગર, સુરત, તાપી અને ડાંગમાં વરસાદનું ઓરેન્જ એલર્ટ જાહેર કરાયું છે... જ્યારે કચ્છ, મોરબી, જામનગર, સુરેન્દ્રનગર, બોટાદ, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહિસાગર, ખેડા, આણંદમાં વરસાદનું યલો એલર્ટ અપાયું છે.
જ્યારે મધ્યના વડોદરા, આણંદ, પંચમહાલ, છોટાઉદેપુર, નર્મદા, દાહોદ અને દક્ષિણના ભરૂચ જિલ્લામાં પણ યલો એલર્ટ અપાયું છે... યલો એલર્ટ વાળા જિલ્લામાં છૂટ્ટાછવાયા સ્થળે ભારે વરસાદ વરસવાની શક્યતા છે... હવામાન વિભાગની આગાહી મુજબ અમદાવાદમાં આજે હળવાથી મધ્યમ વરસાદની આગાહી કરાઈ છે.... વરસાદની આગાહીના પગલે માછીમારોને આગામી પાંચ દિવસ દરિયો ન ખેડવા સૂચના અપાઈ છે.
ક્યા જિલ્લામાં પડશે ભારે વરસાદ
નવસારી, ડાંગ, તાપી, વલસાડ, ભરૂચ, સુરત, નર્મદા, છોટાઉદેપુર,વડોદરા, આણંદ, આ તમામ વિસ્તારમાં ભારે વરસાદની શક્યતા છે. આ સિવાય, મહેસાણા, પાટણ, ગાંધીનગર, અમદાવાદ, સુરેન્દ્રનગર, મોરબી, જામનગર, દેવભૂમિ દ્વારકા, રાજકોટ, બોટાદ, ભાવનગર,અમરેલી, ગીર સોમનાથ, જૂનાગઢ, કચ્છ સહિતના આ તમામ વિસ્તારોમાં ભારે વરસાદની શક્યતા છે. હવામાન વિભાગના અનુમાન મુજબ આગામી ગુજરાતમાં આગામી 7દિવસ સુધી અવિરત વરસાદી માહોલ રહેશે.સૂત્રાપાડા સહિત ગીર સોમનાથના તમામ તાલુકાઓમાં છેલ્લા 24 કલાકમાં ધોધમાર વરસાદ વરસ્યો હતો. ગીર ગઢડામાં પાંચ, પાટણ-વેરાવળમાં છ, કોડીનારમાં 5 તો તાલાલા અને ઉનામાં અઢી-અઢી ઈંચ વરસાદ ખાબક્યો હતો. આજે પણ જિલ્લામાં વરસાદનું એલર્ટ અપાયું છે
ટોપ સ્ટોરી
ટ્રેન્ડિંગ સમાચાર
