Monsoon Alert: આજે ગુજરાતના આ 13 જિલ્લામાં વરસાદનું એલર્ટ જાહેર, ભારે પવનો પણ ફૂંકાશે
Monsoon Alert: વરસાદ અંગે હવામાન વિભાગનું નાવકાસ્ટ બુલેટિન જાહેર કરાયું છે. સવારના 10 વાગ્યા સુધી વરસાદની આગાહી કરાઈ છે
Monsoon Alert: ગુજરાતમાં આજે પણ ભારે વરસાદની આગાહી કરવામાં આવી છે, હવામાન વિભાગ દ્વારા મહારાષ્ટ્રમાં ચોમાસાના આગામન સાથે ગુજરાતમાં પણ દરિયાકાંઠા વિસ્તારોમાં ભારે પવનો ફૂંકાશે અને સાથે વરસાદ પણ ખાબકશે. છેલ્લા એક અઠવાડિયાથી દક્ષિણ ગુજરાત અને સૌરાષ્ટ્રના કેટલાક ભાગોમાં વરસાદ ખાબકી રહ્યો છે, અને આગામી એક કલાકમાં 13 જિલ્લામાં વરસાદ જોર પકડશે..
વરસાદ અંગે હવામાન વિભાગનું નાવકાસ્ટ બુલેટિન જાહેર કરાયું છે. સવારના 10 વાગ્યા સુધી વરસાદની આગાહી કરાઈ છે. રાજ્યમાં ક્યાંક ભારે તો ક્યાંક હળવા વરસાદની આગાહી છે. હવામાન વિભાગે રાજ્યમાં ભારે પવન સાથે વરસાદ ખાબકવાની આગાહી કરી છે, લેટેસ્ટ રિપોર્ટ અનુસાર, આજે રાજ્યમાં 13 જિલ્લાઓમાં ગાજવીજ સાથે વરસાદી માહોલ જામશે, અને આગામી એક કલાક માટે મોટી આગાહી સામે આવી છે. આજે દાહોદ, પંચમહાલ, છોટાઉદેપુરમાં પવન સાથે હળવા વરસાદની આગાહી કરવામાં આવી છે, નર્મદા, સુરત, તાપી, ડાંગમાં પવન સાથે હળવા વરસાદનું અનુમાન છે, આ ઉપરાંત નવસારી, વલસાડ, દમણ, દાદરાનગરહવેલીમાં હળવા વરસાદનું અનુમાન છે, ખાસ વાત છે કે, આ જિલ્લાઓમાં પવનની ગતિ 40 કિમી પ્રતિ કલાક રહેવાની હવામાનની આગાહી છે.
આજે ખાસ કરીને ભાવનગર, આણંદ, વડોદરા, પંચમહાલ, દાહોદ, છોટાઉદેપુર, નર્મદા, ભરૂચ, સુરત, તાપીમાં ભારે વરસાદનું રેડ અલર્ટ આપવામાં આવ્યું છે. રેડ અલર્ટના જિલ્લાઓમાં ગાજવીજ સાથે 70-80 કિ.મીના પવન ફૂંકાઈ શકે છે. અમદાવાદ, ગાંધીનગર, વલસાડ, ડાંગ, નવસારી, જૂનાગઢ, ગીર સોમનાથ, દીવ, અમરેલી, રાજકોટ, બોટાદ, ખેડા, મહીસાગર, અરવલ્લીમાં ગાજવીજ સાથે મધ્યમ વરસાદની આગાહી કરાઈ છે. બનાસકાંઠા, પાટણ, મહેસાણા, સાબરકાંઠા, સુરેન્દ્રનગર, મોરબી, જામનગર, દ્વારકા, પોરબંદરમાં હળવો વરસાદ પડી શકે છે. ગુજરાતના હવામાન વિભાગે આગામી 27 મે સુધી રાજ્યમાં સાર્વત્રિક વરસાદની આગાહી કરી છે, જે અંતર્ગત ખાસ કરીને દક્ષિણ ગુજરાત અને દક્ષિણ સૌરાષ્ટ્રમાં ભારે વરસાદની સંભાવના વ્યક્ત કરવામાં આવી છે. ગાજવીજ અને ભારે પવન સાથે કમોસમી વરસાદની પૂરી શક્યતા વર્તાઈ રહી છે, જેને પગલે અનેક જિલ્લાઓ માટે 'ઓરેન્જ એલર્ટ' અને 'યલો એલર્ટ' જાહેર કરવામાં આવ્યા છે.
ટોપ સ્ટોરી
ટ્રેન્ડિંગ સમાચાર
