ભાવનગર: યુવક સગીરાને અગાસી પર લઈને તેની સાથે કર્યાં અડપલા, વીડિયો વાયરલ

ભાવનગર પાસેના વરતેજ ખાતે રહેતા અને હાલ દેવબાગ અનંતવાડીમાં રહેતા સુરેશ શિવાભાઈ માધવાણી નામના યુવકે ગત 11/7ના બપોરે બોરતળાવ કુમુદવાડી ખાતે આવેલ હીરાના કારખાનામાં એક સગીરાને અગાસી પર લઈ ગયો હતો.

ભાવનગર: ભાવનગરમાં સગીરા સાથે અડપલા કર્યાનો વીડિયો છેલ્લા 15 દિવસથી સોશિયલ મીડિયામાં વાયરલ થયો છે. આ અંગે પોલીસ સ્ટેશનમાં ફરિયાદ નોંધાવવામાં આવી હતી. ભાવનગરના કોળી સમાજના લોકોએ એકઠા થઈ વરતેજના આરોપી યુવક સામે પોસ્કોની સાથે દુષ્કર્મની પણ ફરિયાદ નોંધવા જણાવ્યું હતું પરંતુ દુષ્કર્મ થયું ન હોય પોલીસે માત્ર અડપલાંની જ ફરિયાદ નોંધી હતી. ભાવનગર પાસેના વરતેજ ખાતે રહેતા અને હાલ દેવબાગ અનંતવાડીમાં રહેતા સુરેશ શિવાભાઈ માધવાણી નામના યુવકે ગત 11/7ના બપોરે બોરતળાવ કુમુદવાડી ખાતે આવેલ હીરાના કારખાનામાં એક સગીરાને અગાસી પર લઈ ગયો હતો. ત્યાર બાદ તેણીના શરીરના જુદા-જુદા ભાગો પર અડપલાં કર્યાની સગીરાના પિતાએ ડી.ડીવીઝન પોલીસ સ્ટેશનમાં ફરિયાદ નોંધાવાતા પોલીસે પોસ્કો સહિતની કલમો હેઠળ ગુનો દાખલ કર્યો છે. આ વીડિયો વાયરલ થતાં સમગ્ર વિસ્તારમાં ચકચાર મચી ગઈ હતી.