દાહોદ: દેવગઢ બારિયા પાસે બાઈક અને ટ્રેક્ટર વચ્ચે અકસ્માત થતાં 3નાં મોત

દાહોદ જિલ્લામાં અકસ્માતમાં ત્રણ વ્યક્તિનાં મોતથી ચકચાર મચી હતી. અહીં દેવગઢબારિયાના કાલિયાકુવા ગામ પાસે ડીજે ભરેલા ટ્રેક્ટર અને બાઈક વચ્ચે અકસ્માત સર્જાયો હતો. આ ઘટનાની જાણ થતાં જ આસપાસના ગામજનો દોડી આવ્યા હતા અને ઘાયલોને સારવાર અર્થે ખસેડ્યા હતા. પ્રાપ્ત વિગત પ્રમાણે દેવગઢબારિયાના કાલિયાકુવા ગામે ટ્રેક્ટર અને બાઈક વચ્ચે અકસ્માત સર્જાયો હતો. આ અકસ્માત એટલો ગંભીર હતો કે ઘટનાસ્થળે જ એક વ્યક્તિનું મોત નિપજ્યું હતું. જ્યારે બે વ્યક્તિ ગંભીર રીતે ઘાયલ થતાં તાત્કાલિક હોસ્પિટલ ખસેડવામાં આવ્યા હતાં. જોકે બે વ્યક્તિના સારવાર દરમિયાન મોત નિપજ્યાં હતાં. આ ઘટનાની જાણ થતાં જ પોલીસ કાફલો ઘટના સ્થળે દોડી આવ્યો હતો અને તપાસ હાથ ધરી હતી. અકસ્માત થતાં જ રોડ પર ટ્રાફિક જામ થઈ ગયો હતો.