ગુજરાતના કયા શહેરમાં આભ ફાટ્યું, એક જ દિવસમાં ખાબક્યો 8 ઈંચ વરસાદ, બીજા કયા શહેરમાં કેટલા ઈંચ વરસાદ ખાબક્યો?

Gujarat Rains: હાલ ગુજરાતમાં વરસાદી માહોલ જામ્યો છે ત્યારે છેલ્લા 24 કલાકમાં ગુજરાતના 193 તાલુકાઓમાં હળવાથી લઈ ભારે વરસાદ ખાબક્યો છે. જેમાં સૌથી વધુ વરસાદ કચ્છના અબડાસામાં ખાબક્યો છે.

હાલ ગુજરાતમાં વરસાદી માહોલ જામ્યો છે ત્યારે છેલ્લા 24 કલાકમાં ગુજરાતના 193 તાલુકાઓમાં હળવાથી લઈ ભારે વરસાદ ખાબક્યો છે. જેમાં સૌથી વધુ વરસાદ કચ્છના અબડાસામાં ખાબક્યો છે. કચ્છના અબડાસામાં 8 ઈંચ તો મુંદ્રામાં 7.5 ઈંચ વરસાદ ખાબક્યો હતો. ભારે વરસાદને કારણે રસ્તાઓ પર વરસાદી પાણીની નદીઓ વહેતી થઈ હતી જેને લઈ વાહન ચાલકોને મુશ્કેલીનો સામનો કરવો પડ્યો હતો. ભારે વરસાદને કારણે ખેતરોમાં પાણી ભરાઈ ગયા હતાં. કચ્છના અબડાસામાં આભ ફાટ્યું હતું. શનિવારે સવારે 6 વાગેથી બપોરે 4 વાગ્યા સુધીમાં અબડાસામાં આઠ ઈંચ વરસાદ વરસ્યો હતો. 8 ઈંચ વરસાદ ખાબકતાં રસ્તાઓ પાણી પાણી થયા હતાં. શહેરમાં નદીઓની માફક પાણી વહેતાં થતાં વાહનચાલકોની મુશ્કેલી વધી ગઈ હતી. જ્યારે મુંદ્રામાં 7.5 ઈંચ, નખત્રાણામાં ત્રણ ઈંચ, ભૂજ અને લખપતમાં એક-એક ઈંચ વરસાદ વરસ્યો હતો. શનિવારે કચ્છના મોટા ભાગના વિસ્તારોમાં ધોધમાર વરસાદ વરસતાં જ્યાં જુઓ ત્યાં પાણી જ પાણી જોવા મળ્યું હતું. ભારે વરસાદને કારણે રસ્તાઓ પર નદીની જેમ વરસાદી પાણી વહેતું થયું હતું. જ્યારે એક જ દિવસમાં 8 ઈંચ જેટલો વરસાદ વરસતાં ખેતરોમાં પાણી ફરી વળ્યાં હતાં. જ્યારે વાહન ચાલકોને ભારે મુશ્કેલી પડી હતી. કચ્છમાં અબડાસામાં અનરાધાર વધુ 8 ઇંચ વરસાદ ખાબકતાં અનેક માર્ગો પર પાણી વહી નીકળતા કેટલાક ગામો સંપર્ક વિહોણા બન્યા હતા. ખંભાળીયામાં 4, જોડીયા -દ્વારકામાં 2 અને કલ્યાણપુરમાં એક ઇંચ વરસાદ પડ્યો હતો. સુરત અને કામરેજમાં 5-5 ઈંચ જ્યારે પલસાણા અને મહુવામાં 4-4 ઈંચ વરસાદ ખાબક્યો હતો. ધરમપુરમાં 3, કપરાડા 2.5, વલસાડમાં 2 ઇંચ વરસાદ પડ્યો હતો. ગિરગઢડામાં સાડા 3, તાલાલામાં 3.5, વેરાવળમાં 3, સુત્રાપાડામાં 4 ઇંચ વરસાદ ખાબક્યો હતો. જૂનાગઢમાં 3 ઇંચ જ્યારે બગસરા અને લિલિયામાં 2-2 ઇંચ અને ભાવનગર જિલ્લામાં ઘોઘામાં પોણો ઇંચ વરસાદ પડ્યો હતો.