કફ સિરપથી થતાં મોત બાદ ભારતે બાળકોને શરદી- ઉધરસમાં અપાતી આ દવાઓ પર મૂક્યો પ્રતિબંધ

ફિક્સ્ડ-ડ્રગ કોમ્બિનેશન્સ (FDC) પરનો આદેશ, જે 18 ડિસેમ્બરે નિયમનકાર દ્વારા જાહેર કરવામાં આવ્યો હતો જેને બુધવારે સાર્વજનિક કરવામાં આવ્યો હતો.

પ્રતીકાત્મક તસવીર ( ગૂગલમાંથી)

કફ સિરપને કારણે વૈશ્વિક સ્તરે ઓછામાં ઓછા 141 બાળકોના મૃત્યુને પગલે, ભારતના ડ્રગ રેગ્યુલેટરે ચાર વર્ષથી ઓછી ઉંમરના બાળકોમાં એન્ટી-કોલ્ડ ડ્રગના સંયોજનોના ઉપયોગ પર પ્રતિબંધ મૂક્યો છે અને આદેશ આપ્યો છે કે, દવાઓને તે મુજબ લેબલ કરવામાં આવે. નિયમકારે અમુક વય જૂથ માટે આ સંયોજનનો ઉપયોગ ન કરવાની ભલામણ કરી છે.

ભારતના ડ્રગ રેગ્યુલેટરે ચાર વર્ષથી ઓછી ઉંમરના બાળકો માટે એન્ટી-કોલ્ડ દવા પર પ્રતિબંધ મૂક્યો છે. ભારતે 2019 થી બાળકોના મૃત્યુની ઘટનામાંથી બોધપાઠ લેતાં આ આદેશ આવ્યો છે જે સત્તાવાળાઓ કહે છે કે દેશમાં બનેલા ઝેરી કફ સિરપ સાથે સંકળાયેલા છે, જેમાં ગયા વર્ષના મધ્યથી ગામ્બિયા, ઉઝબેકિસ્તાન અને કેમરૂનમાં ઓછામાં ઓછા 141 મૃત્યુનો સમાવેશ થાય છે. ભારતમાં, અધિકારીઓએ જણાવ્યું હતું કે 2019 માં ઘરે બનાવેલ કફ સિરપ ખાવાથી ઓછામાં ઓછા 12 બાળકો મૃત્યુ પામ્યા હતા અને અન્ય ચાર ગંભીર રીતે અક્ષમ થઈ ગયા હતા. આ મૃત્યુએ ભારતમાં બનતી દવાની ગુણવત્તા પર પ્રશ્નો ઉભા કર્યા છે, જેને સસ્તા ભાવે સપ્લાય કરવા માટે 'વિશ્વની ફાર્મસી' કહેવામાં આવે છે.

ફિક્સ્ડ-ડ્રગ કોમ્બિનેશન્સ (FDC) પરનો આદેશ, જે 18 ડિસેમ્બરે નિયમનકાર દ્વારા જાહેર કરવામાં આવ્યો હતો જેને બુધવારે સાર્વજનિક કરવામાં આવ્યો હતો. આ આદેશ મુજબ  ડ્રગ ઉત્પાદકોને તેમના ઉત્પાદનોમાં ચેતવણી સાથે લેબલ કરવાના આદેશ અપાયા છે કે  FDCનો ઉપયોગ  4 વર્ષથી નાની વયના બાળકો માટે  ન કરવો. આ ફિકસ્ડ ડ્રગ્સ કોમ્બિનેશન  ક્લોરફેનિરામાઇન મેલેટ અને ફેનીલેફ્રાઇનનું બનેલું છે. જેનો ઉપયોગ સામાન્ય રીતે શરદીના લક્ષણોની સારવાર માટે કરવામાં આવે છે.

વર્લ્ડ હેલ્થ ઓર્ગેનાઈઝેશન પાંચ વર્ષથી ઓછી ઉંમરના બાળકોમાં ઉધરસ અને શરદીના લક્ષણોની સારવાર માટે ઓવર-ધ-કાઉન્ટર કફ સિરપ અથવા દવાઓનો ઉપયોગ કરવાની ભલામણ કરતું નથી. ભારતે જૂનથી કફ સિરપની નિકાસ માટે ફરજિયાત પરીક્ષણો રજૂ કર્યા છે અને દવા ઉત્પાદકોની તપાસમાં વધારો કર્યો છે. જો કે જેમની કફ સિરપ પીધા બાગ  બાળકોના મૃત્યુ થયા તેવા ઉત્પાદકોએ કોઇ પણ પ્રકારની ગેરરિતીનો ઇન્કાર કર્યો છે.