Letter To PM Modi: ‘પેન્સિલ માંગવા પર માતા મારે છે’, વધતી મોંઘવારીને લઈ 6 વર્ષની બાળકીએ PM મોદીને લખ્યો ભાવુક પત્ર

હિન્દીમાં લખાયેલો પત્ર સોશિયલ મીડિયા પર વાયરલ થયો છે.

પીએમ મોદીને પત્ર લખનારી બાળકી

ધોરણ 1માં ભણતી છ વર્ષની બાળકીએ વડાપ્રધાન નરેન્દ્ર મોદીને મોંઘવારીનો સામનો કરી રહેલી "મુશ્કેલી" વિશે પત્ર લખ્યો છે. ઉત્તર પ્રદેશના કન્નૌજ જિલ્લાના છિબ્રામાઉ શહેરની કૃતિએ લખ્યું- 'વડાપ્રધાન, મારું નામ કૃતિ દુબે છે. હું ધોરણ એકમાં ભણું છું. મોદીજી તમે બહુ મોંઘવારી વધારી છે. પેન્સિલ-રબર મોંઘી થઈ ગયા છે. મેગીના ભાવમાં પણ વધારો થયો છે. હવે મારી માતા મને પેન્સિલ માંગવા બદલ મારે છે. હું શું કરું? બીજા બાળકો મારી પેન્સિલ ચોરી કરે છે.'

શું લખ્યું છે પત્રમાં

હિન્દીમાં લખાયેલો પત્ર સોશિયલ મીડિયા પર વાયરલ થયો છે. છોકરીના પિતા વિશાલ દુબે કે જેઓ વકીલ છે, તેમણે કહ્યું, "આ મારી દીકરીની 'મન કી બાત' છે. તાજેતરમાં જ જ્યારે તેની માતાએ તેને સ્કૂલમાં પેન્સિલ ગુમ થવા પર ઠપકો આપ્યો ત્યારે તે ગુસ્સે થઈ ગઈ."

છિબ્રામાઉના એસડીએમ અશોક કુમારે પત્રકારોને જણાવ્યું કે તેમને આ નાની બાળકીના પત્ર વિશે સોશિયલ મીડિયા પ્લેટફોર્મ દ્વારા જાણ થઈ. "હું છોકરીને ગમે તે રીતે મદદ કરવા તૈયાર છું અને તેનો પત્ર સંબંધિત અધિકારીઓ સુધી પહોંચે તે સુનિશ્ચિત કરવા માટે હું મારા શ્રેષ્ઠ પ્રયાસો કરીશ." કૃતિ દુબેનો આ પત્ર સોશિયલ મીડિયા પર ચર્ચાનો વિષય બન્યો હતો.

બાળકીએ લખેલા આ પત્રને તેના પરિવાર દ્વારા સોશિયલ મીડિયામાં પોસ્ટ કરવામાં આવ્યો હતો અને તે ખૂબ જ વાયરલ થયો છે. બાળકીના પિતા વિશાલ દુબે એક વકીલ છે અને કૃતિ દ્વારા લખવામાં આવેલી 4 લાઈનના કારણે તેઓ યુપીમાં ચર્ચિત બન્યા છે. 

આ પણ વાંચો