Rain Forecast: રાજસ્થાન સહિત દેશના આ રાજ્યોમાં મૂશળધાર વરસાદનું એલર્ટ, હવામાન વિભાગની આગાહી
Rain Forecast: હવામાન વિભાગની આગાહી મુજબ ગુજરાત સહિત આ રાજ્યોમાં ભારે વરસાદનું અનુમાન છે. જાણીએ વેધર અપડેટ્સ
Rain Forecast: હાલ કાશ્મીરથી કેરળ સુધી ચોમાસું પૂરજોશમાં જામ્યુ છે. ઉત્તરકાશીમાં, પર્વત પરથી પડતા ખડકો જીવનની ગતિને રોકી રહ્યા છે.હિમાચલ પ્રદેશમાં ભારે વરસાદ વરસી રહ્યો છે અને દિલ્હી એનસીઆરમાં પણ મુશળધાર વરસાદ પડી રહ્યો છે. યુપી, ઓડિશા, ઝારખંડથી લઈને કેરળ સુધી, વરસાદને કારણે નદીઓ અને નાળા છલકાઈ રહ્યાં છે.
દેશભરમાં ચોમાસુ સંપૂર્ણપણે સક્રિય થઈ ગયું છે. પર્વતીય રાજ્યોથી લઈને મેદાની વિસ્તારો સુધી, ચોમાસાની અસરના ઘણા ચિત્રો સામે આવી રહ્યા છે. છેલ્લા એક અઠવાડિયાથી સતત વરસાદને કારણે ઘણા રાજ્યોમાં પૂર જેવી સ્થિતિ સર્જાઈ છે. ઉત્તરાખંડ અને હિમાચલમાં ભૂસ્ખલનના ઘણા જીવલેણ બનાવો નોંધાયા છે. છેલ્લા એક અઠવાડિયાથી ભારે વરસાદને કારણે ઉત્તરાખંડમાં નદીઓ પૂરમાં છે. તો હવામાન વિભાગે આજે પણ દેશના ઘણા રાજ્યોમાં ભારે વરસાદની આગાહી કરી છે. ઉત્તરાખંડ, હિમાચલ તેમજ મધ્યપ્રદેશ-રાજસ્થાનમાં ભારે વરસાદની ચેતવણી જાહેર કરવામાં આવી છે. આગામી 6 દિવસ સુધી મહારાષ્ટ્ર, ગુજરાતમાં વરસાદની આગાહી છે. ઓડિશા અને ઝારખંડ માટે આજે પણ વરસાદની ચેતવણી છે, જ્યારે દિલ્હી NCRમાં આજે પણ મઘ્યમથી ભારે વરસાદનું અનુમાન છે.
ચારધામ યાત્રા મુલતવી, નદીઓ અને નાળાઓમાં પૂર
ભારે વરસાદ અને ખરાબ હવામાનને કારણે, ઉત્તરાખંડમાં ચારધામ યાત્રા આગામી 24 કલાક માટે સ્થગિત કરવામાં આવી છે. ભારે વરસાદને કારણે, જમ્મુ અને કાશ્મીરમાં ચિનાબ નદીના પાણીનું સ્તર વધ્યા બાદ રિયાસીમાં સલાલ ડેમના દરવાજા ખોલવામાં આવ્યા છે. હિમાચલ પ્રદેશમાં ભારે વરસાદ ચાલુ છે અને દિલ્હી એનસીઆરમાં પણ મુશળધાર વરસાદ પડી રહ્યો છે. ઉત્તર પ્રદેશ, ઓડિશા, ઝારખંડથી કેરળ સુધીના વરસાદને કારણે નદીઓ અને નાળાઓ પૂરમાં છે.
પર્વતો પર ચોમાસુ ત્રાટક્યું
પર્વતો પર સતત ખડકો પડવાને કારણે, સરકારે પહેલા ઉત્તરાખંડની ચારધામ યાત્રા 24 કલાક માટે મુલતવી રાખી હતી. ત્યારબાદ પિથોરાગઢ જિલ્લામાં ધારચુલાથી આદિ કૈલાશ જવાના માર્ગ પર ભારે ભૂસ્ખલન થયું હતું જેના કારણે આદિ કૈલાશ યાત્રા માર્ગ પણ બંધ કરવામાં આવ્યો છે. હરિદ્વાર અને ઋષિકેશ સુધી ગંગા નદીનું પાણીનું સ્તર વધ્યા બાદ ચેતવણી જાહેર કરવામાં આવી છે. મેદાની વિસ્તારોમાં પણ ઘણી જગ્યાએ ભારે વરસાદ પડી રહ્યો છે. આજે મધ્યપ્રદેશ અને રાજસ્થાનમાં ભારે વરસાદ અને વાવાઝોડાની આગાહી છે.
ટોપ સ્ટોરી
ટ્રેન્ડિંગ સમાચાર
