Assam News: હોટલ,રેસ્ટોરન્ટ અને જાહેર સ્થળો પર ગોમાંસ પર પ્રતિબંધ, CM હિમંતા બિસ્વાએ કરી જાહેરાત

Assam News: આસામમાં બીફ પર પ્રતિબંધ મુકવામાં આવ્યો છે. આસામના મુખ્યમંત્રી હિમંતા બિસ્વા સરમાએ પત્રકાર પરિષદમાં કહ્યું કે આજે આસામ કેબિનેટે રાજ્યમાં હોટલ, રેસ્ટોરન્ટ અને જાહેર સ્થળો પર ગોમાંસ (beef) પર પ્રતિબંધ મૂકવાનો નિર્ણય લીધો છે.

સીએમ હિમંતા બિસ્વા

Source : PTI

Assam News: આસામમાં બીફ પર પ્રતિબંધ મુકવામાં આવ્યો છે. આસામના મુખ્યમંત્રી હિમંતા બિસ્વા સરમાએ પત્રકાર પરિષદમાં કહ્યું કે આજે આસામ કેબિનેટે રાજ્યમાં હોટલ, રેસ્ટોરન્ટ અને જાહેર સ્થળો પર ગોમાંસ (beef) પર પ્રતિબંધ મૂકવાનો નિર્ણય લીધો છે. ગૌમાંસ પર પ્રતિબંધ અંગેના નિર્ણય બાદ આસામના મંત્રી પીયૂષ હજારિકાએ પોસ્ટ કર્યું હતું કે હું આસામ કોંગ્રેસને પડકાર આપું છું કે બીફ પરના પ્રતિબંધનું સ્વાગત કરે અથવા પાકિસ્તાનમાં જઈને સ્થાયી થાય.

પ્રેસ કોન્ફરન્સ દરમિયાન હિમંતા બિસ્વા સરમાએ કહ્યું કે આસામ કેબિનેટનું વિસ્તરણ 7 ડિસેમ્બરે બપોરે 12 વાગ્યે થશે.

 

आज असम मंत्रिमंडल ने राज्य के होटलों, रेस्टोरेंट्स और सार्वजनिक स्थानों पर गोमांस पर प्रतिबंध लगाने का निर्णय लिया है।#AssamBeefBan pic.twitter.com/Nhda2uQ3Gt

— Himanta Biswa Sarma (@himantabiswa) December 4, 2024

બીજેપી પર બીફ પાર્ટીનું આયોજન કરવાનો આરોપ

તમને જણાવી દઈએ કે મુખ્યમંત્રી હિમંતા બિસ્વા સરમાએ તાજેતરમાં કહ્યું હતું કે, જો કોંગ્રેસના પ્રદેશ અધ્યક્ષ ભૂપેન કુમાર બોરા તેમને પત્ર લખીને તેની માંગણી કરે તો તેઓ આસામમાં બીફ પર પ્રતિબંધ મૂકવા માટે તૈયાર છે. વાસ્તવમાં આસામમાં કોંગ્રેસના સાંસદ રકીબુલ હુસૈને ભાજપ પર નાગાંવ જિલ્લાના સામગુરી વિધાનસભા ક્ષેત્રમાં બીફ પાર્ટીનું આયોજન કરવાનો આરોપ લગાવ્યો હતો અને દાવો કર્યો હતો કે આ કાર્યક્રમનો હેતુ મુસ્લિમ મતદારોને આકર્ષવાનો હતો.આ મુદ્દે ચૂંટણી પંચ દ્વારા પૂછવામાં આવતા કોઈપણ પ્રશ્નોના જવાબ આપવા તૈયાર છે. 

શું કહ્યું હતું સીએમ હિમંતા બિસ્વાએ

આના પર હિમંતાએ કહ્યું હતું કે તેઓ હુસૈનના નિવેદન અંગે બીફ અંગેના તેમના વલણ અંગે પ્રદેશ કોંગ્રેસ અધ્યક્ષને પત્ર લખશે. તેમણે કહ્યું કે હું ભૂપેન બોરાને પત્ર લખીને પૂછીશ કે શું તેઓ પણ રકીબુલ હુસૈનની જેમ બીફ પર પ્રતિબંધ મૂકવાની હિમાયત કરે છે, જો હા, તો મને જણાવો. આગામી વિધાનસભા સત્રમાં હું બીફ પર સંપૂર્ણ પ્રતિબંધ લગાવીશ. પછી બીજેપી, એજીપી, સીપીએમ, કોઈ બીફ આપી શકશે નહીં અને હિન્દુ, મુસ્લિમ અને ખ્રિસ્તી બધાએ બીફ ખાવાનું બંધ કરવું જોઈએ, અને બધી સમસ્યાઓ હલ થઈ જશે.

આ પણ વાંચો...