રાજસ્થાનના ધૌલપુરમાં ભયંકર રોડ અકસ્માત, ટેમ્પો સાથે બસ ટકરાતા 8 બાળકો સહિત 11નાં ઘટનાસ્થળે જ મૃત્યુ

Dholpur Road Accident: ધોલપુર રોડ પર ભયંકર રોડ અકસ્માતમાં 11ના મૃત્યુ થયા છે. બસ અને ટેમ્પો વચ્ચેની અથડામણમાં 8 બાળકો, બે મહિલા અને એક પુરુષનું મૃત્યુ થયું છે.

પ્રતીકાત્મક તસવીર

Source : એબીપી લાઇવ

Dholpur Road Accident: રાજસ્થાનના ધૌલપુરથી એક હૃદયદ્રાવક સમાચાર આવ્યા છે. અહીં કરૌલી-ધોલપુર હાઇવે NH-11B પર સુનીપુર ગામ પાસે એક દર્દનાક માર્ગ અકસ્માત થયો હતો. સ્લીપર કોચ બસ અને ટેમ્પો વચ્ચેની અથડામણમાં 11 લોકોના કરૂણ મોત થયા હતા. મૃતકોમાં પાંચ બાળકો, ત્રણ યુવતી, બે મહિલાઓ અને એક પુરુષનો સમાવેશ થાય છે. તમામના મૃતદેહને બારી હોસ્પિટલના શબઘરમાં રાખવામાં આવ્યા છે.

 ઘટના બારી સદર પોલીસ સ્ટેશન વિસ્તારનો છે. ટેમ્પો સવાર બારી શહેરના ગુમત મોહલ્લાનો રહેવાસી હતો. બરૌલી ગામમાં ભાટ કાર્યક્રમમાં હાજરી આપીને તમામ પરત ફરી રહ્યા હતા  અ દરમિયાન રસ્તામાં અકસમાત નડતાં 11 લોકોએ જીંદગી ગુમાવી.

 ટેમ્પો સંપૂર્ણપણે ક્ષતિગ્રસ્ત

આ અકસ્માતમાં ટેમ્પોને સંપૂર્ણ નુકસાન થયું છે. રસ્તા પર વાહનોના પાર્ટસ વેરવિખેર જોવા મળ્યા હતા. કારનો કાચ તોડી રોડ પર વિખેરાઈ ગયો હતો. ટક્કર એટલી જોરદાર હતી કે ટેમ્પોની પાછળ બેઠેલા લોકો વાહનમાં ફસાઈ ગયા હતા. ટક્કર બાદ ટેમ્પોમાં બેઠેલા કેટલાક લોકો રોડ પર પડી ગયા હતા. આ અકસ્માત શનિવારે રાત્રે લગભગ 11.30 વાગ્યાની આસપાસ થયો હતો. એક પોલીસ અધિકારીએ જણાવ્યું કે મૃતકના પરિવારને માહિતી મોકલી દેવામાં આવી છે. તેઓ ધૌલપુર આવી રહ્યા છે. પોલીસે ક્ષતિગ્રસ્ત ટેમ્પોને રસ્તા પરથી હટાવી લીધો છે.

 અધિકારીઓ ઘટના સ્થળે પહોંચી ગયા હતા

પોલીસે બંને વાહનો કબજે લેવાયા હોવાનું જણાવ્યું હતું. ઘાયલોમાં સ્લીપર કોચનો ડ્રાઈવર અને કંડક્ટર પણ સામેલ છે. અકસ્માતની માહિતી મળતાની સાથે જ નાયબ જિલ્લા કલેક્ટર દુર્ગા પ્રસાદ મીણા, સર્કલ ઓફિસર મહેન્દ્ર કુમાર મીણા, બારી પોલીસ સ્ટેશનના સ્ટેશન ઈન્ચાર્જ વિનોદ કુમાર પોલીસ ટીમ સાથે ઘટનાસ્થળે પહોંચી ગયા હતા અને ઘટનાનો તાગ મેળવ્યો હતો.             

આ પણ વાંચો 

 

ઘટના સ્થળે અફરા-તફરીનો માહોલ

આ અકસ્માત બાદ ઘટનાસ્થળે અફરા-તફરીનો માહોલ સર્જાયો હતો. થોડીવાર માટે ટ્રાફિક જામ થયો હતો. જોકે, પોલીસે પરિસ્થિતિને સંભાળીને જામ હટાવ્યો હતો. પોલીસે જણાવ્યું કે જ્યાં અકસ્માત થયો હતો ત્યાં બેરિકેડિંગ કરવામાં આવ્યું છે. અકસ્માત અંગેની માહિતી રાહદારીઓ પાસેથી લેવામાં આવી છે.