Bihar Result: 'નીતિશ મુખ્યમંત્રી થે, હૈં ઔર રહેંગે...' JDU એ કરી પૉસ્ટ, પછી કરી દીધી ડિલીટ

Bihar Election Result 2025: વિધાનસભા ચૂંટણી પહેલા, અફવાઓ ફેલાઈ રહી હતી કે નીતિશ કુમાર બીમાર છે અને તેમનું માનસિક સ્વાસ્થ્ય બગડી રહ્યું છે

(તસવીર- એબીપી લાઇવ)

Source : એબીપી અસ્મિતા

Bihar Election Result 2025: બિહાર વિધાનસભા ચૂંટણીના પરિણામો જાહેર થઈ રહ્યા છે. હાલમાં ટ્રેન્ડ ચાલી રહ્યા છે. નીતિશ કુમાર ફરી એકવાર વિજયી બન્યા છે. તેમનો પક્ષ, જનતા દળ (યુનાઈટેડ), લગભગ 81 બેઠકો પર આગળ છે. આ દરમિયાન, JDU એ સોશિયલ મીડિયા પર પોસ્ટ કરી કે નીતિશ કુમાર મુખ્યમંત્રી બનશે, પરંતુ થોડીવાર પછી પોસ્ટ ડિલીટ કરી દીધી.

નીતિશની પાર્ટી જેડીયુના એક્સ હેન્ડલ પરથી તેમનો ફોટો શેર કરીને કેપ્શન લખ્યું હતું, "ના ભૂતો ના ભવિષ્યતિ... નીતિશ કુમાર બિહારના મુખ્યમંત્રી હતા, છે અને રહેશે." આ પહેલા, એક સમર્થકે પટણામાં પાર્ટીના મુખ્યાલયની સામે એક પોસ્ટર લગાવ્યું હતું, જેમાં લખ્યું હતું, "ટાઇગર હજુ પણ જીવિત છે."

વિધાનસભા ચૂંટણી પહેલા, અફવાઓ ફેલાઈ રહી હતી કે નીતિશ કુમાર બીમાર છે અને તેમનું માનસિક સ્વાસ્થ્ય બગડી રહ્યું છે. જોકે, મતદાન પૂર્ણ થયા પછી તેમના સક્રિય દેખાવે NDA છાવણીને એક અલગ સંદેશ આપ્યો: નીતિશ કુમાર હવે ફરીથી મુખ્યમંત્રી બનવાના માર્ગે છે.

બપોરે ૧:૩૦ વાગ્યા સુધીમાં, બિહાર ચૂંટણી પરિણામોમાં નીતિશ કુમારનો પક્ષ એનડીએ ગઠબંધનમાં બીજા સ્થાને જોવા મળી રહ્યો છે. જો વલણો સાચા સાબિત થાય છે, તો પાર્ટી લગભગ ૮૦ બેઠકો જીતી શકે છે. ચૂંટણી પરિણામોમાં ૯૦ બેઠકો પર આગળ રહેલી ભાજપ "મોટા ભાઈ" ની ભૂમિકા ભજવે તેવી શક્યતા છે.

ચિરાગ પાસવાનની આગેવાની હેઠળની એલજેપી પણ એનડીએ ગઠબંધનમાં ૨૧ બેઠકો જીતતી જોવા મળી રહી છે, જ્યારે અન્ય સાથી પક્ષો સાત બેઠકો જીતી શકે છે.