Election Results 2026: પશ્ચિમ બંગાળમાં જ્યાં PM મોદીએ ખાધી હતી ઝાલમુડી ત્યાં કેવી છે BJP ની સ્થિતિ?
West Bengal Election Result 2026: પશ્ચિમ બંગાળ ચૂંટણી માટે મતોની ગણતરી ચાલુ છે. ચૂંટણી પંચે રાજ્યમાં જે પહેલું વલણ આપ્યું છે, તે ઝારગ્રામ બેઠકનું છે, જ્યાં શરૂઆતના રાઉન્ડમાં ભાજપે સરસાઈ મેળવી લીધી છે.
- ઝારગ્રામ બેઠક પર ભાજપના લક્ષ્મીકાંત સાવ આગળ.
- પશ્ચિમ બંગાળમાં 293 બેઠકો પર મતગણતરી ચાલુ.
- ફાલ્ટા બેઠક પર ગેરરીતિઓ, 21 મેના રોજ ફરી મતદાન.
West Bengal Election Result 2026: પશ્ચિમ બંગાળ ચૂંટણી માટે મતોની ગણતરી ચાલુ છે. ચૂંટણી પંચે રાજ્યમાં જે પહેલું વલણ આપ્યું છે, તે ઝારગ્રામ બેઠકનું છે, જ્યાં શરૂઆતના રાઉન્ડમાં ભાજપે સરસાઈ મેળવી લીધી છે. ઝારગ્રામ વિધાનસભા બેઠક પર જ ચૂંટણી પ્રચાર દરમિયાન પીએમ મોદીએ ઝાલમૂડી ખાધી હતી, જેનો ફોટો અને વીડિયો સોશિયલ મીડિયા પર જોરદાર રીતે ટ્રેન્ડ થયો હતો.
ચૂંટણી પંચના જણાવ્યા અનુસાર ઝારગ્રામ વિધાનસભા બેઠક પર ભાજપના લક્ષ્મીકાંત સાવ આગળ ચાલી રહ્યા છે. જ્યારે TMC ના મોંગલ સરેન પાછળ ચાલી રહ્યા છે. પશ્ચિમ બંગાળમાં વિધાનસભાની 294 બેઠકો છે, પરંતુ મતગણતરી માત્ર 293 બેઠકો પર જ થઈ રહી છે.
ઝારગ્રામ બેઠક પર મુખ્ય ઉમેદવાર કોણ-કોણ છે?
ઝારગ્રામ વિધાનસભા બેઠક પર મુખ્ય ઉમેદવારોની વાત કરીએ તો અહીં ભાજપે લક્ષ્મીકાંત સાવને ટિકિટ આપી છે. આ સિવાય TMC એ મંગલ સરેન અને કોંગ્રેસે પ્રસેનજીત ડી ને ઉમેદવાર બનાવ્યા છે. જ્યારે અનેક અપક્ષ ઉમેદવારો પણ આ બેઠક પર પોતાનું નસીબ અજમાવી રહ્યા છે.
ઝારગ્રામ બેઠકનું ચૂંટણી પરિણામ 2021
ઝારગ્રામ વિધાનસભા મતવિસ્તાર ઝારગ્રામ જિલ્લાનો ભાગ છે. ચૂંટણી પંચના આંકડા મુજબ, 2021 ની વિધાનસભા ચૂંટણી દરમિયાન ઝારગ્રામ મતવિસ્તારમાં 2,36,035 મતદારો હતા. આમાંથી 1,17,623 પુરુષ અને 1,18,401 મહિલા મતદારો હતા. 11 મતદારો ત્રીજી જાતિના હતા. મતવિસ્તારમાં 3,404 પોસ્ટલ બેલેટ પડ્યા હતા. 2021 માં ઝારગ્રામમાં સર્વિસ મતદારોની સંખ્યા 425 હતી. 2021 ની પશ્ચિમ બંગાળ વિધાનસભા ચૂંટણીમાં, TMC નેતા બીરબાહા હાંસદાએ 1,09,493 મત મેળવીને ભાજપના નેતા સુખામોય સતપથીને હરાવ્યા હતા, જેમને 71,253 મત મળ્યા હતા. 2021 માં, ઝારગ્રામ વિધાનસભા વિસ્તારમાં કુલ 2,02,206 માન્ય મતો પડ્યા હતા, જે 85.67 ટકા હતા.
ફાલ્ટા વિધાનસભા બેઠક પર ચૂંટણી રદ
પશ્ચિમ બંગાળમાં ફાલ્ટા વિધાનસભા બેઠક પર ચૂંટણી દરમિયાન ગેરરીતિઓને કારણે ચૂંટણી પંચે પોલિંગ રદ કરી દીધું છે. ત્યાં હવે 21 મે ના રોજ ફરીથી મતદાન થશે અને 23 મે ના રોજ મતોની ગણતરી થશે.
View this post on Instagram
કેમ ચર્ચામાં છે ઝાલમુડી?
તાજેતરમાં, વડા પ્રધાન નરેન્દ્ર મોદીએ પશ્ચિમ બંગાળના ઝારગ્રામમાં ઝાલમુડીનો સ્વાદ માણ્યો હતો. તેમણે ઇન્સ્ટાગ્રામ પર આ અનુભવનો એક વિડિયો પોસ્ટ કર્યો હતો. આ વિડિયો ઝડપથી પ્લેટફોર્મ પર વાયરલ થયો હતો. 19 એપ્રિલના રોજ પોસ્ટ કરાયેલ, આ અહેવાલ લખાય ત્યાં સુધીમાં આ વિડિયોને 109 મિલિયન વ્યૂઝ મળ્યા હતા. બીજા શબ્દોમાં કહીએ તો, લાખો લોકોએ આ વિડિયો ફક્ત ઇન્સ્ટાગ્રામ પર જ જોયો છે. વધુમાં, લગભગ 6.7 મિલિયન લોકોએ આ વિડિયોને લાઈક કર્યો છે. તેવી જ રીતે તેને મોટી સંખ્યામાં કોમેન્ટ પણ મળી રહી છે.
નોંધનિય છે કે, ઝાલમૂડી એ પશ્ચિમ બંગાળનું લોકપ્રિય અને મસાલેદાર સ્ટ્રીટ ફૂડ છે, જે મમરા, સરસવનું તેલ, મસાલા, ડુંગળી અને વિવિધ ચટણીઓનો ઉપયોગ કરીને બનાવવામાં આવે છે. વડાપ્રધાન નરેન્દ્ર મોદી દ્વારા પશ્ચિમ બંગાળમાં આ વાનગીનો સ્વાદ માણ્યા બાદ અને તેનો વિડિયો વાયરલ થયો હતો. ઝાલમૂડી બનાવતી વખતે દુકાનદારે pm મોદીને પૂછ્યું કે, તમે ડુંગળી ખાવ છો? જેના જવાબમાં પીએમ મોદીએ હળવાશથી કહ્યું કે, ડુંગળી ખાઉં છું મગજ નહિ. આ સાંભળીને બધા હસવા લાગ્યા હતા.
ટોપ સ્ટોરી
ટ્રેન્ડિંગ સમાચાર
