Rahul Gandhi: 'પુલવામા હુમલાના 5 વર્ષ! ન કોઈ સુનાવણી,ન કોઈ આશા,' રાહુલે શહીદોને યાદ કરી સરકાર પર કર્યા પ્રહાર
હકીકતમાં, 2019માં આ હુમલામાં કેન્દ્રીય અર્ધલશ્કરી દળોના 40 જવાનો શહીદ થયા હતા. રાહુલ ગાંધીએ પોતાના ટ્વીટની સાથે એક વિડીયો પણ શેર કર્યો છે જેમાં તેમણે શહીદના પરિવારજનોનું દર્દ શેર કર્યું છે.
Rahul Gandhi On Pulwama: કોંગ્રેસ પાર્ટીના પૂર્વ અધ્યક્ષ રાહુલ ગાંધીએ જમ્મુ - કાશ્મીરના પુલવામામાં 14 ફેબ્રુઆરીએ થયેલા હુમલાને યાદ કર્યો. આ દરમિયાન તેમણે ટ્વીટ કરતા લખ્યું,પુલવામા હુમલાના 5 વર્ષ! ન કોઈ સુનાવણી,ન કોઈ આશા અને અસંખ્ય પ્રશ્નો જેનો કોઈ જવાબ હજુ સુધી મળ્યો નથી. હકીકતમાં, 2019માં આ હુમલામાં કેન્દ્રીય અર્ધલશ્કરી દળોના 40 જવાનો શહીદ થયા હતા. રાહુલ ગાંધીએ પોતાના ટ્વીટની સાથે એક વિડીયો પણ શેર કર્યો છે જેમાં તેમણે શહીદના પરિવારજનોનું દર્દ શેર કર્યું છે.
पुलवामा हमले के 5 वर्ष!
— Rahul Gandhi (@RahulGandhi) February 14, 2024
न कोई सुनवाई, न कोई उम्मीद और अनगिनत सवाल जिनका अभी तक कोई उत्तर नहीं मिला।
आखिर शहीदों को न्याय कब?
शहीद परिवारों की पीड़ा सुनिए और समझिए pic.twitter.com/uVApUSiKy5
કાશ્મીરમાં 30 વર્ષમાં સૌથી મોટો આતંકવાદી હુમલો
ભારતના ઈતિહાસમાં 14મી ફેબ્રુઆરીની તારીખ એક દુઃખદ તારીખ તરીકે નોંધાયેલી છે. 2019 માં આ તારીખે, પુલવામામાં આતંકવાદી હુમલાથી દેશ હચમચી ગયો હતો. સેન્ટ્રલ રિઝર્વ પોલીસ ફોર્સનો કાફલો શ્રીનગર જમ્મુ હાઈવે પરથી પસાર થઈ રહ્યો હતો. સમગ્ર કાફલામાં 78 વાહનો હતા, જેમાં 2,547 સૈનિકો હતા. કાફલો પુલવામા પહોંચ્યો કે તરત જ જૈશ-એ-મોહમ્મદના આતંકવાદીઓએ કાફલાના વાહન સાથે 350 કિલો વિસ્ફોટકોથી ભરેલી SUVને ટક્કર મારી. વિસ્ફોટથી અથડાયેલી બે બસમાંથી એક બસના ટુકડા થઈ ગયા હતા. આ હુમલામાં 40 જવાનો શહીદ થયા હતા. કાશ્મીરમાં 30 વર્ષમાં આ સૌથી મોટો હુમલો હતો.
જૈશના આતંકવાદીને મળી હતી તાલીમ
આ હુમલો જૈશ-એ-મોહમ્મદના આતંકવાદી આદિલ અહમદ ડારે કર્યો હતો. ડારને અબ્દુલ રશીદ ગાઝીએ તાલીમ આપી હતી. પુલવામા હુમલાની જવાબદારી પાકિસ્તાનના આતંકવાદી સંગઠન જૈશ-એ-મોહમ્મદે લીધી હતી. હુમલાના થોડા દિવસો પહેલા 5 ફેબ્રુઆરીએ કરાચીમાં જૈશની રેલી યોજાઈ હતી. અહીં આતંકવાદી મસૂદ અઝહરના નાના ભાઈ મૌલાના અબ્દુલ રઉફ અસગરે ભારતને આતંકિત કરવાની ધમકી આપી હતી.
ભારતે 13 દિવસ બાદ બદલો લીધો હતો
પુલવામા હુમલાના 13 દિવસ બાદ ભારતે બદલો લીધો હતો. રાત્રે ભારતીય વાયુસેનાના મિરાજ વિમાનોએ પાકિસ્તાનમાં ઘૂસીને જૈશના સૌથી મોટા આતંકી અડ્ડા પર બોમ્બમારો કરીને તબાહી મચાવી હતી. વાયુસેનાએ બાલાકોટમાં બોમ્બ ફેંક્યા હતા. જેમાં 350 આતંકવાદીઓ માર્યા ગયા હોવાનો દાવો કરવામાં આવ્યો હતો.
Join Our Official Telegram Channel: https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
