સુપ્રીમ કોર્ટનો આદેશ, 'રાહુલ ગાંધી RSSની માફી માંગે અથવા ટ્રાયલનો સામનો કરે'

નવી દિલ્લી: ‘મહાત્મા ગાંધીની હત્યા પાછળ RSS જવાબદાર છે’ તેવાં રાહુલ ગાંધીનાં નિવેદનને લઈને સુપ્રીમ કોર્ટે રાહુલ ગાંધીને RSSની માફી માગવા અથવા ટ્રાયલ ફેસ કરવાનો આદેશ આપ્યો છે. સુપ્રીમ કોર્ટે કહ્યું કે રાહુલ ગાંધીએ માફી માંગવી પડશે અને જો તે માફી ના માંગવા ઈચ્છતા હોય તો તેઓએ ટ્રાયલ ફેસ કરવો પડશે. આ ઉપરાંત કોર્ટે રાહુલ ગાંધીનાં નિવેદન પર કહ્યું કે તેઓએ સંઘની સામૂહિક નિંદા કરવી જોઈતી હતી.   જજ દીપક મિશ્રા અને આર.એફ.નરીમે આ અંગે કહ્યું હતું કે, જો રાહુલ ગાંધીએ માફી ના માંગી તો તેઓએ ટ્રાયલનો સામનો કરવો પડશે. આ ઉપરાંત તેઓએ એમ પણ કહ્યું કે ‘કાયદાનો ઉદ્દેશએ છે કે લોકો કાયદાનું પાલન કરે. અરાજકતાને બદલે શાંતિ અને સુમેળભર્યું વાતાવરણ રાખે.’   ઉલ્લેખનીય છે કે 6 માર્ચનાં રોજ થયેલી ચૂંટણી રેલીમાં રાહુલ ગાંધીએ મહાત્મા ગાંધીની હત્યા પાછળ RSS જવાબદાર છે તેવું નિવેદન આપ્યું હતું. જેને લઈને તેમની વિરુદ્ધમાં માનહાનિનો કેસ દાખલ કરવામાં આવ્યો હતો.