Weather Update:રાજ્યમાં હિટવેવની આગાહી,આ 9 જિલ્લામાં આકરી ગરમીનું રેડ એલર્ટ
Weather Update:અંગ દઝાડતી ગરમીને લઈ સોમવારે રાજ્યના 17 શહેરમાં ગરમીનો પારો 39 ડિગ્રીને પાર થઇ ગયો હતો. 45.5 ડિગ્રીના ટોર્ચરમાં દાહોદ પણ શેકાયું છે. ભુજમાં મહતમ તાપમાન 42 ડિગ્રી, સુરતમાં 41.8 ડિગ્રી અને સુરેન્દ્રનગરમાં 41.7 ડિગ્રી નોંધાયું છે.
Weather Update:ઉનાળાની શરૂઆત થતાંની સાથે હવામાન વિભાગે હિટવેવ આગાહી કરી છે. હવામાન વિભાગે રાજ્યના 9 જિલ્લામાં આજે ગરમીનું રેડ એલર્ટ આપ્યું છે. અમદાવાદમાં 42 તો સૌરાષ્ટ્રમાં 43 ડિગ્રીએ પારો પહોંચવાની શક્યતા છે. હજુ બે દિવસ આકરી ગરમીથી રાહતની કોઈ શક્યતા નથી. અમદાવાદ, સુરત, રાજકોટ, કચ્છ, મોરબી, સુરેન્દ્રનગર, ગાંધીનગર, જૂનાગઢ, પોરબંદરમાં ગરમીનું રેડ એલર્ટ જાહેર કરવામાં આવ્યું છે.
આકરા તાપના કારણે અગનભઠ્ઠીમાં રાજ્યના મોટાભાગના જિલ્લા ફેરવાયા છે. અમદાવાદ, સુરત સહિત 9 જિલ્લામાં આજે ગરમીનું રેડ એલર્ટ જાહેર કરવામાં આવ્યું છે. તો કાલે રાજ્યના કેટલાક જિલ્લામાં ગરમીનું ઓરેન્જ એલર્ટ આપવામા આવ્યું છે. ગાંધીનગરમાં પણ આકરા તાપની હવામાન વિભાગની આગાહી છે.
અંગ દઝાડતી ગરમીને લઈ સોમવારે રાજ્યના 17 શહેરમાં ગરમીનો પારો 39 ડિગ્રીને પાર થઇ ગયો હતો. 45.5 ડિગ્રીના ટોર્ચરમાં દાહોદ પણ શેકાયું છે. ભુજમાં મહતમ તાપમાન 42 ડિગ્રી, સુરતમાં 41.8 ડિગ્રી અને સુરેન્દ્રનગરમાં 41.7 ડિગ્રી નોંધાયું છે.
એન્ટિ સાઈક્લોનિક સરક્યુલેશનની અસરથી રાજ્યમાં સામાન્ય કરતા 6.4 ડિગ્રી વધુ તાપમાન રહેશે, વર્ષ 2024ની તુલનામાં કાળઝાળ ગરમી 16 દિવસ વહેલી શરૂ થઇ ગઇ છે. છેલ્લા ત્રણ દિવસથી ગરમીનો પારો 38 ડિગ્રીને પાર રહ્યો છે.
આકરા તાપ વચ્ચે અમદાવાદ સહિત રાજ્યભરમાં રોગચાળો વકર્યો છે. છેલ્લા નવ દિવસમાં અમદાવાદ શહેરમાં ઝાડા-ઉલટીના નવા 153 અને ટાઈફોઈડના નવા 115 કેસ.. બહેરામપુરા અને લાંભા વિસ્તારમાં સૌથી વધારે ટાઈફોઈડના કેસ નોંધાયા છે.
ઉત્તર ભારતમાં હોળી સુધી શિયાળાની અસર ધીમે ધીમે ઓછી થશે. દિવસ દરમિયાન તીવ્ર સૂર્યપ્રકાશને કારણે તમે ગરમ અનુભવશો. જોકે, 14 માર્ચ સુધીમાં વેસ્ટર્ન ડિસ્ટર્બન્સ સક્રિય થવાને કારણે વાદળોની અવરજવર શરૂ થઈ જશે. પશ્ચિમી ઉત્તર પ્રદેશ, દિલ્હી-એનસીઆર, હરિયાણા-પંજાબ અને રાજસ્થાનમાં હોળીના દિવસે વરસાદ રંગોની મજા બગાડી શકે છે. પહાડોમાં વેસ્ટર્ન ડિસ્ટર્બન્સના કારણે ફરી એકવાર વરસાદ અને હિમવર્ષા થશે, જેના કારણે લઘુત્તમ તાપમાનમાં ઘટાડો થશે.
દિલ્હીમાં મહત્તમ તાપમાન 32.8 ડિગ્રી સેલ્સિયસ નોંધાયું હતું, જે સામાન્ય કરતાં 4.4 ડિગ્રી વધુ હતું. જ્યારે લઘુત્તમ તાપમાન 13.5 ડિગ્રી સેલ્સિયસ નોંધાયું હતું. IMD એ 13 અને 15 માર્ચની વચ્ચે હળવાથી મધ્યમ વરસાદની આગાહી કરી છે, જે હોળીના રંગોને બગાડી શકે છે. દિલ્હીમાં પવનની ઝડપ ઘટવાને કારણે પ્રદૂષણનું સ્તર વધી રહ્યું છે. CPCB અનુસાર, NCRની હવાની ગુણવત્તા 'મધ્યમ' થી 'નબળી' શ્રેણી સુધી પહોંચી ગઈ છે. AQI 208 નોંધાયો હતો જેના કારણે હવા ફરી એકવાર ઝેરી બનવા લાગી છે.
ટોપ સ્ટોરી
ટ્રેન્ડિંગ સમાચાર
