Delhi Excise Policy case: દિલ્હીના મુખ્યમંત્રી કેજરીવાલને રાહત નહીં, હાઈકોર્ટે અરજી ફગાવી
દિલ્હીના મુખ્યમંત્રી અરવિંદ કેજરીવાલને લઈ મોટા સમાચાર સામે આવ્યા છે. અરવિંદ કેડરીવાલ હજુ પણ જેલમાં રહેશે. અરવિંદ કેજરીવાલ જેલમાંથી બહાર આવી શકશે નહીં.
નવી દિલ્હી: દિલ્હીના મુખ્યમંત્રી અરવિંદ કેજરીવાલને લઈ મોટા સમાચાર સામે આવ્યા છે. અરવિંદ કેડરીવાલ હજુ પણ જેલમાં રહેશે. અરવિંદ કેજરીવાલ જેલમાંથી બહાર આવી શકશે નહીં. કેજરીવાલને દિલ્હી હાઈકોર્ટે મોટો ઝટકો આપ્યો છે.
Delhi High Court dismisses Delhi Chief Minister Arvind Kejriwal's plea challenging his arrest by the CBI in the Excise Policy case. pic.twitter.com/QIGzAzFrkX
— ANI (@ANI) August 5, 2024
સીબીઆઈ કેસમાં ધરપકડને ગેરકાયદેસર ગણાવતી અરજીને ફગાવી દિધી છે. કેજરીવાલની વચગાળાની જામીન અરજી પણ ફગાવી દેવામાં આવી છે. હાઈકોર્ટે જામીન માટે નીચલી કોર્ટમાં જવાનું કહ્યું છે.
આ પહેલા અરવિંદ કેજરીવાલની પત્ની સુનીતા કેજરીવાલે આરોપ લગાવ્યો હતો કે, "PM મોદી અરવિંદ કેજરીવાલથી ઈર્ષ્યા કરે છે. એટલા માટે નફરતના કારણે તેમને નકલી કેસમાં ફસાવીને જેલમાં ધકેલી દેવામાં આવ્યા છે. અરવિંદ કેજરીવાલનો જન્મ જન્માષ્ટમીના દિવસે થયો હતો, તેથી ભગવાન પણ ઈચ્છે છે કે તેઓ કંઈક નવું કરે "
પહેલા જાણો શું હતી દિલ્હીની નવી લિકર પોલિસી
દિલ્હીની કેજરીવાલ સરકારે 17 નવેમ્બર 2021ના રોજ આબકારી નીતિ 2021-22 લાગુ કરી હતી. આ નવી નીતિ હેઠળ, રાજધાનીના દારૂના સમગ્ર વ્યવસાયને ખાનગી કંપનીઓને સોંપવામાં આવ્યો હતો.. કેજરીવાલ સરકારે દાવો કર્યો હતો કે નવી નીતિથી માફિયા શાસનનો અંત આવશે અને સરકારની આવકમાં પણ વધારો થશે.
અગાઉ, દિલ્હીમાં દારૂના વેચાણ માટે બે પ્રકારના લાઇસન્સ આપવામાં આવ્યા હતા - L1 અને L10. જે દુકાનો DDA માન્ય બજારો, સ્થાનિક શોપિંગ સેન્ટરો, જિલ્લા કેન્દ્રો અને સમુદાય કેન્દ્રોમાં હતી તેમને L1 લાયસન્સ આપવામાં આવ્યું હતું. જે દુકાનો મોલમાં આવેલી હતી તેમને L10 લાયસન્સ આપવામાં આવ્યું હતું.
નવી દારૂની નીતિને મંજૂરી મળ્યા બાદ દિલ્હીમાં સરકારી દારૂની દુકાનો બંધ કરી દેવામાં આવી હતી. રાજધાનીને 32 ઝોનમાં વહેંચવામાં આવી હતી. દરેક ઝોનમાં 27 દારૂની દુકાનો હતી. દરેક વોર્ડમાં 2 થી 3 ફેરિયાઓને દારૂનું વેચાણ કરવાની છૂટ આપવામાં આવી હતી. જો કે, આ નીતિ શરૂઆતથી જ વિવાદોમાં રહી અને આઠ મહિના પછી, આખરે 28 જુલાઈ 2022 ના રોજ, દિલ્હી સરકારે નવી નીતિને રદ કરી
શું છે દારૂની નીતિમાં કથિત કૌભાંડ?
દિલ્હીના તત્કાલિન મુખ્ય સચિવ નરેશ કુમારે 8 જુલાઈ, 2022ના રોજ કથિત દારૂના કૌભાંડનો પર્દાફાશ કરતો એક રિપોર્ટ જાહેર કર્યો હતો. રિપોર્ટમાં મનીષ સિસોદિયા સહિત આમ આગામી પાર્ટીના મોટા નેતાઓ પર કૌભાંડના ગંભીર આરોપો લગાવવામાં આવ્યા છે. તે સમયે એક્સાઇઝ વિભાગ સિસોદિયા પાસે હતો. રિપોર્ટમાં સિસોદિયા પર લાઇસન્સ ધરાવતા દારૂના વેપારીઓને અન્યાયી રીતે ફાયદો પહોંચાડવાનો આરોપ મૂકવામાં આવ્યો હતો. કોરોનાનું બહાનું કાઢીને ઉદ્યોગપતિઓ પાસેથી વસૂલવામાં આવેલી 144.36 કરોડ રૂપિયાની લાઇસન્સ ફી મનસ્વી રીતે માફ કરવામાં આવી હતી. તે જ સમયે, એરપોર્ટ ઝોનના લાઇસન્સ ધરાવતા દારૂના વેપારીઓને 30 કરોડ રૂપિયા પરત કરવામાં આવ્યા હતા, જ્યારે આ રકમ જપ્ત કરવાની હતી.
આ પછી એલજી વીકે સક્સેનાએ આ મામલે સીબીઆઈ તપાસની ભલામણ કરી હતી. ત્યારબાદ 17 ઓગસ્ટ 2022ના રોજ સીબીઆઈએ કેસ નોંધ્યો હતો. બીજી બાજુ, નાણાંની ગેરરીતિનો આરોપ હોવાથી, EDએ પણ મની લોન્ડરિંગની તપાસ માટે કેસ નોંધ્યો હતો.
ટ્રેન્ડિંગ સમાચાર
ટોપ સ્ટોરી
