Heavy Rains in Delhi: દિલ્હી, નોઈડા અને ગુરુગ્રામમાં ભારે વરસાદ, હવામાન વિભાગે આપ્યું રેડ એલર્ટ
દિલ્હીમાં વરસાદ વચ્ચે યમુના નદીના પાણીનું સ્તર વધ્યું. નીચાણવાળા વિસ્તારોમાં પૂર આવ્યું છે. અહીં રાહત અને બચાવ કામગીરી ચાલી રહી છે.
નવી દિલ્હી: બુધવારે (3 સપ્ટેમ્બર) દિલ્હી, નોઈડા, ગાઝિયાબાદ અને ગુરુગ્રામના કેટલાક ભાગોમાં પણ ભારે વરસાદ પડી રહ્યો છે. આ દરમિયાન, હવામાન વિભાગે વરસાદને લઈ રેડ એલર્ટ જારી કર્યું છે. આનો અર્થ એ છે કે લોકોને હાલ રાહત મળવાની નથી. રાષ્ટ્રીય રાજધાની અને તેની આસપાસના વિસ્તારોમાં હિમાચલ, પંજાબ અને હરિયાણામાં છેલ્લા કેટલાક દિવસોથી ધોધમાર વરસાદ પડી રહ્યો છે. જેના કારણે હિમાચલ અને પંજાબમાં પૂર અને અન્ય ઘણા વિસ્તારોમાં પાણી ભરાઈ ગયા છે.
વરસાદને કારણે ટ્રાફિકની સ્થિતિ
દિલ્હીનો રિંગ રોડ અને ડીએનડી વરસાદને લઈ જામ છે. એક યુઝરે X પર લખ્યું, બાઇકર્સ ફ્લાયઓવર નીચે ઉભા છે. આ જામનું કારણ છે. દિલ્હી ટ્રાફિક પોલીસે આ અંગે કાર્યવાહી કરવાની વાત કરી છે. બીજા યુઝરે કહ્યું કે આઝાદ નગરથી વેલકમ મેટ્રો જવાના માર્ગ પર ભારે જામ છે. સીલમપુરમાં પણ જામની ફરિયાદ મળી હતી. લાજપત નગર રેડ લાઈટ પાસે પણ ભારે જામની ફરિયાદ મળી હતી.
#WATCH | Delhi: Areas around River Yamuna in Kalindi Kunj and Vishwakarma Colony area flooded, as the water level of the river increases following heavy rainfall. pic.twitter.com/T0Iydzdlla
— ANI (@ANI) September 3, 2025
દિલ્હીમાં યમુના નદીના પાણીનું સ્તર વધ્યું
દિલ્હીમાં વરસાદ વચ્ચે યમુના નદીના પાણીનું સ્તર વધ્યું. નીચાણવાળા વિસ્તારોમાં પૂર આવ્યું છે. અહીં રાહત અને બચાવ કામગીરી ચાલી રહી છે. લોકોને સલામત સ્થળે મોકલવામાં આવ્યા છે. સવારે 6 વાગ્યે જૂના રેલ્વે બ્રિજ પાસે યમુનાનું પાણીનું સ્તર 206.76 મીટર નોંધાયું હતું. બુરારી, યમુના બજાર, એમેનેસ્ટી માર્કેટ, તિબેટીયન બજાર, બાસુદેવ ઘાટ જેવા વિસ્તારો પાણીમાં ડૂબી ગયા હતા. ITO છઠ ઘાટ ડૂબી ગયો છે. યમુના ખાદર, યમુના વાટિકા, અસિતા જેવા નદી કિનારા સાથે જોડાયેલા ઉદ્યાનો પણ પાણીથી ભરાઈ ગયા હતા.
વરસાદની ચેતવણી ક્યાં છે?
હવામાન વિભાગે X પર બપોરે 2:15 વાગ્યે પોસ્ટ કરી હતી અને કહ્યું હતું કે દક્ષિણ પૂર્વ દિલ્હી, પૂર્વ દિલ્હી, શાહદરા, મધ્ય દિલ્હી, ઉત્તર પૂર્વ દિલ્હી, દક્ષિણ દિલ્હી, નવી દિલ્હી, દક્ષિણ પશ્ચિમ દિલ્હી, પશ્ચિમ દિલ્હી, ઉત્તર પશ્ચિમ દિલ્હી, ઉત્તર દિલ્હીના કેટલાક ભાગોમાં ગાજવીજ/વીજળી સાથે ભારે વરસાદની શક્યતા છે. પવનની ગતિ 30-40 કિમી પ્રતિ કલાકની રહેવાની શક્યતા છે.
હવામાન વિભાગે બુધવારે બપોરે દિલ્હીમાં વરસાદ માટે રેડ એલર્ટ જારી કર્યું છે. ભારેથી અતિ ભારે વરસાદની આગાહી કરવામાં આવી છે. આ સાથે વીજળી અને ભારે પવન ફૂંકવાની ચેતવણી પણ જારી કરવામાં આવી છે.
ટોપ સ્ટોરી
ટ્રેન્ડિંગ સમાચાર
