વડાપ્રધાન મોદીને મળ્યું ઈથિયોપિયાનું સર્વોચ્ચ સન્માન, આ મુદ્દાઓ પર સંમતિ સધાઈ
ઈથિયોપિયાના વડાપ્રધાન અબી અહમદ અલીએ આ સન્માન આપ્યું હતું. વડાપ્રધાન મોદીએ કહ્યું હતું કે "મને ઈથિયોપિયાનું સર્વોચ્ચ સન્માન આપવામાં આવ્યું છે.
વડાપ્રધાન નરેન્દ્ર મોદીને ઈથિયોપિયાના સર્વોચ્ચ સન્માન "ગ્રેટ ઓનર નિશાન" થી સન્માનિત કરવામાં આવ્યા છે. ઈથિયોપિયાના વડાપ્રધાન અબી અહમદ અલીએ આ સન્માન આપ્યું હતું. વડાપ્રધાન મોદીએ કહ્યું હતું કે "મને ઈથિયોપિયાનું સર્વોચ્ચ સન્માન આપવામાં આવ્યું છે. વિશ્વની સૌથી પ્રાચીન અને સમૃદ્ધ સભ્યતાઓમાંની એક દ્વારા સન્માનિત થવું મારા માટે ખૂબ જ ગર્વની વાત છે. હું બધા ભારતીયો તરફથી અત્યંત નમ્રતા અને કૃતજ્ઞતા સાથે આ સન્માન સ્વીકારું છું. આ સન્માન એ અસંખ્ય ભારતીયોનું છે જેમણે આપણી ભાગીદારીને આકાર આપ્યો." તેઓ ઈથિયોપિયાના સર્વોચ્ચ સન્માન મેળવનારા પ્રથમ વિદેશી રાષ્ટ્રઅધ્યક્ષ છે.
Food and health security, capacity building, and DPI: PM Modi outlines 3 key areas to enhance bilateral ties with Ethiopia
— ANI Digital (@ani_digital) December 16, 2025
Read @ANI Story | https://t.co/m7ahk9DPpj#Ethiopia #PMModi #bilateralties pic.twitter.com/iGLDlDO8dG
ઈથિયોપિયા વિશ્વનો 28મો દેશ છે જેણે પીએમ મોદીને તેનું સર્વોચ્ચ સન્માન આપ્યું છે. પોતાના સંબોધનમાં પીએમ મોદીએ કહ્યું કે આજે જ્યારે સમગ્ર વિશ્વનું ધ્યાન ગ્લોબલ સાઉથ પર કેન્દ્રિત છે, ત્યારે ઈથિયોપિયાની આત્મસન્માન, સ્વતંત્રતા અને આત્મસન્માનની લાંબા સમયથી ચાલતી પરંપરા આપણા બધા માટે એક શક્તિશાળી પ્રેરણા છે. ભવિષ્ય દ્રષ્ટિ અને વિશ્વાસ પર આધારિત ભાગીદારીનું છે. અમે ઈથિયોપિયા સાથે સહયોગને આગળ વધારવા માટે પ્રતિબદ્ધ છીએ જે બદલાતા વૈશ્વિક પડકારોને સંબોધે છે અને નવી શક્યતાઓ બનાવે છે.
"Had this visit been in accordance with normal diplomatic process...": PM Modi on Ethiopia's "love and affection" that brought him to African nation within 24 days
— ANI Digital (@ani_digital) December 16, 2025
Read @ANI Story | https://t.co/RLXWgrxIj1#PMModi #Ethiopia #Africa pic.twitter.com/p30cT8Qtfq
વડાપ્રધાન નરેન્દ્ર મોદીએ ઈથિયોપિયાના વડાપ્રધાન અબી અહેમદ અલી સાથેની મુલાકાત દરમિયાન આતંકવાદ સામેની લડાઈમાં ભારતના સમર્થન બદલ આભાર વ્યક્ત કર્યો હતો. પ્રતિનિધિમંડળ સ્તરની વાટાઘાટોની શરૂઆતમાં વડાપ્રધાન મોદીએ જણાવ્યું હતું કે ભારત પહલગામ આતંકવાદી હુમલા પર ઈથિયોપિયાના શોક અને આતંકવાદ સામેની લડાઈમાં તેના સમર્થનનું ખૂબ સન્માન કરે છે. બંને દેશોએ રાજકીય, આર્થિક, સંરક્ષણ, વિકાસલક્ષી સહયોગ, વેપાર અને રોકાણ સહિત આઠ મુદ્દાઓ પર કરાર કર્યા હતા.
#WATCH | Ethiopia has conferred its highest award- The Great Honor Nishan of Ethiopia on PM Modi. PM Modi is the first global Head of State/Head of Government to receive this award. pic.twitter.com/NPie16rE3E
— ANI (@ANI) December 16, 2025
વડાપ્રધાન મોદીએ કહ્યું હતું કે, "મિત્ર દેશોનો ટેકો આતંકવાદ સામેની લડાઈમાં અમને મજબૂત બનાવે છે. અમે ઈથિયોપિયા સાથેના આ સહિયારા દ્રષ્ટિકોણ અને સહયોગની પ્રશંસા કરીએ છીએ." તેમણે બંને દેશો વચ્ચે સહયોગને વધુ ગાઢ બનાવવાની પ્રતિબદ્ધતાનો પણ પુનરોચ્ચાર કર્યો. ભારત સાથેના સંબંધોને મજબૂત બનાવવાની જરૂરિયાત પર ભાર મૂકતા ઈથિયોપિયા વડાપ્રધાન અબી અહેમદ અલીએ જણાવ્યું હતું કે વર્તમાન સમય સાર્વભૌમત્વ, આત્મનિર્ભરતા અને પરસ્પર સહયોગ પર આધારિત આધુનિક અને દૂરંદેશી ભાગીદારીની માંગ કરે છે.
#WATCH | Ethiopia has conferred its highest award- The Great Honor Nishan of Ethiopia on PM Modi. PM Modi is the first global Head of State/Head of Government to receive this award. pic.twitter.com/NPie16rE3E
— ANI (@ANI) December 16, 2025
તેમણે જણાવ્યું હતું કે ભારત-ઈથિયોપિયા સંબંધો સમાનતા અને દક્ષિણ-દક્ષિણ એકતાની ભાવનાથી ચાલે છે. અબી અહેમદે ભાગીદારીના કેન્દ્રમાં આફ્રિકાની પ્રાથમિકતાઓને રાખવાના વડાપ્રધાન મોદીના વિઝનની પ્રશંસા કરી હતી. તેમણે કહ્યું હતું કે, "આ ભાગીદારીને આફ્રિકાની પ્રાથમિકતાઓ દ્વારા દોરી જવી જોઈએ તેવી તમારી સતત માન્યતાની અમે પ્રશંસા કરીએ છીએ. આ આદરણીય અને ગૌરવપૂર્ણ સંદેશ આફ્રિકા માટે અત્યંત મહત્વપૂર્ણ છે."
તેમણે ભારતને આંતરરાષ્ટ્રીય મંચો પર આફ્રિકાના હિતોની હિમાયત કરવાનું ચાલુ રાખવા વિનંતી કરી હતી. પ્રતિનિધિમંડળ-સ્તરની વાટાઘાટોમાં બંને દેશો વચ્ચે વિગતવાર ચર્ચાઓ થઈ હતી. બંને નેતાઓ વિકાસશીલ દેશો વચ્ચે સહયોગને મજબૂત બનાવવા અને વૈશ્વિક પડકારોનો સંયુક્ત રીતે સામનો કરવાની જરૂરિયાત પર સંમત થયા. ભારત અને ઈથિયોપિયાના વડા પ્રધાને ભાર મૂક્યો કે પરસ્પર આદર, સમાનતા અને સહયોગ પર આધારિત આ ભાગીદારી આગામી વર્ષોમાં વધુ મજબૂત બનશે.
ટોપ સ્ટોરી
ટ્રેન્ડિંગ સમાચાર
