Tomato Prices: ટામેટાના ભાવે કર્યો કમાલ, એક મહીનામાં કરોડપતિ બન્યો ભારતનો આ ખેડૂત
છેલ્લા કેટલાક દિવસોમાં દેશના વિવિધ ભાગોમાં ટામેટાંના ભાવ 200 રૂપિયા પ્રતિ કિલો સુધી પહોંચી ગયા છે.
Tomato Price: દેશભરમાં સતત વધી રહેલા ટામેટાના ભાવને કારણે તે સામાન્ય લોકોની થાળીમાંથી એકદમ ગાયબ થઈ ગયા છે. છેલ્લા કેટલાક દિવસોમાં દેશના વિવિધ ભાગોમાં ટામેટાંના ભાવ 200 રૂપિયા પ્રતિ કિલો સુધી પહોંચી ગયા છે. ટામેટાંની વધતી કિંમત સામાન્ય લોકો માટે પરેશાનીનું કારણ બની ગઈ છે ત્યારે મહારાષ્ટ્રના પુણેનો એક ખેડૂત ભાવ વધારાના કારણે કરોડપતિ બની ગયો છે. ઈન્ડિયા ટુડેમાં પ્રકાશિત અહેવાલ મુજબ, ભાગોજી ગાયકર નામના ખેડૂતે માત્ર ટામેટાં વેચીને જ 1.5 કરોડ રૂપિયાની કમાણી કરી છે. આ કમાણી 13,000 ક્રેટ ટામેટાં વેચીને થઈ છે. હાલમાં દેશભરમાં ટમેટાના ભાવ આસમાને પહોંચી ગયા છે.
ટામેટાએ બનાવ્યો કરોડપતિ
ખેડૂત ભગોજી ગાયકર પાસે કુલ 18 એકરથી વધુ ખેતીની જમીન છે. તેમાંથી તે પોતાના પરિવારની મદદથી 12 એકર જમીનમાં ટામેટાંની ખેતી કરે છે. આ વર્ષે તેમના ખેતરમાં ટામેટાંનો ખૂબ જ સારો પાક થયો છે, જેના માટે તેમને બજારમાં ખૂબ સારા ભાવ મળ્યા છે. ભગોજી ગાયકરે જણાવ્યું કે આજકાલ તેઓ ટામેટાંનો એક ક્રેટ વેચીને 2,100 રૂપિયા કમાઈ રહ્યા છે. આવી સ્થિતિમાં શુક્રવારે 900 ક્રેટ ટામેટાં વેચીને તેણે એક દિવસમાં 18 લાખ રૂપિયાથી વધુની કમાણી કરી છે.
અન્ય ખેડૂતો પણ ટામેટાંની ખેતી કરી રહ્યા છે
તેમણે કહ્યું કે નારાયણગંજમાં ટામેટાની કિંમત છેલ્લા મહિનામાં 1,000 રૂપિયાથી લઈને 2,400 રૂપિયા પ્રતિ ક્રેટ સુધી રહી છે. ભગોજી ગાયકરની કમાણી જોઈને આ વિસ્તારના અન્ય ખેડૂતો પણ ટામેટાંની ખેતી કરી રહ્યા છે, જેથી તેઓ આવનારા સમયમાં ઘણી કમાણી કરી શકે. સ્થાનિક સમિતિના જણાવ્યા અનુસાર છેલ્લા એક મહિનામાં ખેડૂતોએ ટામેટાંના વેચાણ દ્વારા 80 કરોડથી વધુની કમાણી કરી છે.
કર્ણાટકમાં પણ ખેડૂતોએ લાખોની કમાણી કરી
નોંધનીય છે કે માત્ર મહારાષ્ટ્ર જ નહીં, કર્ણાટક જેવા રાજ્યોના ખેડૂતોએ પણ છેલ્લા એક મહિનામાં ટામેટાં વેચીને લાખો-કરોડોની કમાણી કરી છે. કર્ણાટકના કોલારમાં એક ખેડૂતે ટામેટાંના માત્ર 2,000 બોક્સ વેચીને 38 લાખ રૂપિયાની કમાણી કરી છે. નોંધનીય છે કે દેશભરમાં ટામેટાંની વધતી કિંમતોને કારણે સરકારે અનેક પગલાં લીધાં છે. નેશનલ કોઓપરેટિવ કન્ઝ્યુમર્સ ફેડરેશન (NCCF) ઘણા રાજ્યોમાં 90 રૂપિયા પ્રતિ કિલોના ભાવે ટામેટાંનું વેચાણ કરે છે. ફેડરેશન આંધ્ર પ્રદેશ, કર્ણાટક અને મહારાષ્ટ્રમાંથી ટામેટાંની ખરીદી કરી રહ્યું છે.
ટોપ સ્ટોરી
ટ્રેન્ડિંગ સમાચાર
