કૉંગ્રેસના પૂર્વ નેતાઓને BJPએ આપી મોટી જવાબદારી, જયવીર શેરગિલને બનાવાયા પ્રવક્તા

ભારતીય જનતા પાર્ટી (BJP) એ શુક્રવારે (2 ડિસેમ્બર) કોંગ્રેસના ભૂતપૂર્વ નેતા જયવીર શેરગીલને રાષ્ટ્રીય પ્રવક્તા તરીકે નિયુક્ત કરવાની જાહેરાત કરી.

જયવીર શેરગિલ

BJP Appointed: ભારતીય જનતા પાર્ટી (BJP) એ શુક્રવારે (2 ડિસેમ્બર) કોંગ્રેસના ભૂતપૂર્વ નેતા જયવીર શેરગીલને રાષ્ટ્રીય પ્રવક્તા તરીકે નિયુક્ત કરવાની જાહેરાત કરી. આ સાથે જ પૂર્વ મુખ્યમંત્રી અમરિંદર સિંહ અને સુનીલ જાખરને રાષ્ટ્રીય કાર્ય સમિતિમાં સ્થાન આપવામાં આવ્યું છે. બંને નેતાઓ લાંબા સમયથી કોંગ્રેસમાં હતા. આ સિવાય યુપી બીજેપી અધ્યક્ષ સ્વતંત્ર દેવ સિંહને પણ રાષ્ટ્રીય કાર્યકારિણીના સભ્ય બનાવવામાં આવ્યા છે.

પાર્ટીએ ભાજપના ઉત્તરાખંડ એકમના પૂર્વ અધ્યક્ષ મદન કૌશિક, પાર્ટીના છત્તીસગઢ એકમના ભૂતપૂર્વ અધ્યક્ષ વિષ્ણુદેવ સાંઈ અને ભાજપના પંજાબ એકમના ભૂતપૂર્વ અધ્યક્ષ મનોરંજન કાલિયાને રાષ્ટ્રીય કાર્ય સમિતિના વિશેષ આમંત્રિત સદસ્ય બનાવ્યા છે. પાર્ટીએ એક નિવેદન જારી કરીને કહ્યું કે આ નિર્ણય તાત્કાલિક અસરથી અમલમાં આવ્યો છે.  

જયવીર શેરગીલે કોંગ્રેસ કેમ છોડી?

ઓગસ્ટ 2022માં કોંગ્રેસ છોડતી વખતે જયવીર શેરગીલે તત્કાલીન કોંગ્રેસ અધ્યક્ષ સોનિયા ગાંધીને પત્ર લખીને આરોપ લગાવ્યો હતો કે નેતા સતત જમીની વાસ્તવિકતાને અવગણી રહ્યા છે. પાર્ટીના નિર્ણાયકો યુવાનોની આકાંક્ષાઓ અનુસાર નિર્ણય લઈ રહ્યા નથી.

અપમાનિત કર્યા

પંજાબના પૂર્વ સીએમ કેપ્ટન અમરિંદર સિંહે 18 સપ્ટેમ્બર 2021ના રોજ મુખ્યમંત્રી પદ પરથી રાજીનામું આપ્યું હતું. આ પછી સ્પષ્ટ થયું કે તે પાર્ટી છોડવાના છે. લગભગ 40 દિવસ પછી, નવેમ્બર 2021 માં, તેમણે કોંગ્રેસના પ્રાથમિક સભ્યપદમાંથી પણ રાજીનામું આપી દીધું. અમરિંદર સિંહે આરોપ લગાવ્યો હતો કે પાર્ટીએ તેમનું અપમાન કર્યું છે. કેપ્ટનની લોક કોંગ્રેસ પાર્ટીએ ભાજપ સાથે મળીને 2022ની પંજાબ વિધાનસભાની ચૂંટણી લડી હતી પરંતુ તેમની પાર્ટીને સફળતા મળી ન હતી. તેઓ પોતે પટિયાલા શહેરથી આમ આદમી પાર્ટીના અજીતપાલ સિંહ કોહલી સામે ચૂંટણી હારી ગયા હતા.

 

Gujarat Election 2022: અચાનક હવાઈ માર્ગથી ગોધરા પહોંચ્યા સીઆર પાટીલ, મીડિયાને રાખવામાં આવ્યું દૂર

પ્રથમ તબક્કાનું મતદાન પૂર્ણ થયું છે તો બીજી તરફ બીજા તબક્કાના મતદાન પહેલા તમામ પાર્ટીઓ પ્રચાર પ્રસાર માટે એડીચોટીનું જોર લગાવી રહી છે. તો આજે પંચમહાલના ગોધરા ખાતે ગુજરાત ભાજપના પ્રદેશ પ્રમુખ સીઆર પાટીલની ઓચિંતી મુલાકાત રાજકારણ ગરમાયું છે. સીઆર પાટીલે ભાજપના સ્થાનિક હોદ્દેદારો સાથે બેઠક યોજી હતી. પંચમહાલ જિલ્લાની પાંચ વિધાનસભા બેઠકના ઇન્ચાર્જ પદાધિકારીઓ સાથે બેઠક યોજી હતી. તમને જણાવી દઈએ કે, બીજા ચરણમાં પંચમહાલ જિલ્લામાં મતદાન યોજવાનું છે. આ બેઠકમાં જિલ્લાની પાંચ વિધાનસભા બેઠક પર ભાજપની સ્થિતિ અંગેની જાણકારી મેળવી તેમજ જરૂરી સૂચનો પણ સીઆર પાટીલે આપ્યા હતા. હવાઈ માર્ગે આવેલા ગોધરા આવેલા ગુજરાત ભાજપ પ્રદેશ પ્રમુખે સ્થાનિક પદાધિકારીઓ સાથે 1 કલાક સુધી બેઠક કરી હતી. જો કે આ સમગ્ર બેઠકથી મીડિયાને દૂર રખાયું હતું.