Goa Tour Package: ટ્રેનના ભાડામાં ફ્લાઇટથી ગોવા! 4-સ્ટાર હોટેલ, ફ્રી નાસ્તો-ડિનર સાથે IRCTCનું શાનદાર પેકેજ
IRCTC Travel Package: જો તમે ગોવાની યાત્રાનું આયોજન કરી રહ્યા છો, તો તમારા માટે સારા સમાચાર છે. ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન હૈદરાબાદથી ગોવા સુધીનું એક શાનદાર ટૂર પેકેજ લઈને આવ્યું છે.
IRCTC Goa Delight Tour Package 2026: જો તમે ચોમાસા બાદ ગોવાની સફરનું આયોજન કરી રહ્યા છો તો તમારા માટે સારા સમાચાર છે. ઇન્ડિયન રેલવે કેટરિંગ એન્ડ ટૂરિઝમ કોર્પોરેશન (IRCTC) હૈદરાબાદથી ગોવા માટે ખાસ ટૂર પેકેજ લઈને આવ્યું છે. આ પેકેજમાં આવવા-જવાની ફ્લાઇટ, 4-સ્ટાર હોટેલમાં રોકાણ, નાસ્તો અને ડિનર ઉપરાંત સ્થાનિક પર્યટન સ્થળોની મુલાકાત પણ સામેલ છે. એટલે પ્રવાસીઓને અલગ-અલગ બુકિંગ કરવાની જરૂર નહીં પડે.
ગોવાની લક્ઝરી લાઇફનો આનંદ
ગોવા તેના સુંદર દરિયાકિનારા, કુદરતી સૌંદર્ય અને શાંતિપૂર્ણ વાતાવરણ માટે દેશ-વિદેશના પ્રવાસીઓની પ્રથમ પસંદ છે. અહીં કોલવા, કેન્ડોલિમ, મીરામાર, અંજુના અને વર્કા જેવા લોકપ્રિય બીચ મોટી સંખ્યામાં પ્રવાસીઓને આકર્ષે છે. અરબી સમુદ્રના કિનારે આવેલું ગોવાનું કુદરતી સૌંદર્ય પ્રવાસને યાદગાર બનાવે છે.
IRCTCના આ પેકેજનું નામ 'ગોવા ડિલાઇટ' છે અને તેનો પેકેજ કોડ SHA03 રાખવામાં આવ્યો છે. આ ટૂર ફ્લાઇટ દ્વારા યોજાશે અને તેની શરૂઆત હૈદરાબાદ એરપોર્ટથી થશે. પ્રવાસીઓને ગોવામાં 3 રાત અને 4 દિવસ રોકાવાનો મોકો મળશે.
ક્યારે શરૂ થશે સફર?
આ પેકેજ બે અલગ-અલગ તારીખે ઉપલબ્ધ છે.
પ્રથમ બેચ 26 ઓગસ્ટ, 2026થી શરૂ થશે.
બીજી બેચ 9 સપ્ટેમ્બર, 2026ના રોજ રવાના થશે.
ઓગસ્ટ બેચમાં હૈદરાબાદથી ગોવા માટે ઇન્ડિગોની 6E-905 ફ્લાઇટ બપોરે 11:45 વાગ્યે ઉડાન ભરશે અને 1:05 વાગ્યે ગોવા પહોંચશે. પરત ફરવા માટે 29 ઓગસ્ટે ઇન્ડિગોની 6E-117 ફ્લાઇટ ઉપલબ્ધ રહેશે.
સપ્ટેમ્બર બેચમાં પરત ફરવાની મુસાફરી 12 સપ્ટેમ્બરે ઇન્ડિગોની 6E-712 ફ્લાઇટ દ્વારા થશે.
પેકેજનો ખર્ચ કેટલો?
ઓગસ્ટ બેચ
- સિંગલ ઓક્યુપન્સી: ₹26,950 પ્રતિ વ્યક્તિ
- ડબલ શેરિંગ: ₹21,500 પ્રતિ વ્યક્તિ
- ટ્રિપલ શેરિંગ: ₹21,000 પ્રતિ વ્યક્તિ
- સપ્ટેમ્બર બેચ
- સિંગલ ઓક્યુપન્સી: ₹24,640 પ્રતિ વ્યક્તિ
- ડબલ શેરિંગ: ₹19,200 પ્રતિ વ્યક્તિ
- ટ્રિપલ શેરિંગ: ₹18,680 પ્રતિ વ્યક્તિ
બાળકો માટે પણ અલગ-અલગ કેટેગરી મુજબ રાહત દર નક્કી કરવામાં આવ્યા છે.
પેકેજમાં શું મળશે?
- IRCTCના આ પેકેજમાં નીચેની સુવિધાઓ સામેલ છે:
- હૈદરાબાદથી ગોવા અને પરત આવવાની ફ્લાઇટ ટિકિટ
- ગોવાના 4-સ્ટાર હોટેલ નીલમ્સ ધ ગ્રાન્ડમાં 3 રાત રોકાણ
- 3 બ્રેકફાસ્ટ અને 3 ડિનર
- એસી વાહન દ્વારા સ્થાનિક દર્શન
- ટ્રાવેલ ઇન્શ્યોરન્સ
- IRCTC એસ્કોર્ટની સેવા
- તમામ લાગુ ટેક્સ
- શું સામેલ નથી?
આ પેકેજમાં નીચેની સુવિધાઓ સામેલ નથી:
લંચ
હૈદરાબાદ એરપોર્ટ સુધી આવવા-જવાનો ખર્ચ
ફ્લાઇટમાં મળતું ભોજન
માંડોવી નદી ક્રૂઝ
ટૂર ગાઇડ ફી
વ્યક્તિગત ખર્ચ
લોન્ડ્રી અને પીણાં
પેકેજમાં ઉલ્લેખ ન કરેલી અન્ય સેવાઓ
ભવિષ્યમાં એરફેર અથવા એરપોર્ટ ટેક્સમાં વધારો થાય તો તેનો વધારાનો ખર્ચ પણ પ્રવાસીએ જ ચૂકવવાનો રહેશે. IRCTCના જણાવ્યા મુજબ, આ ટૂર પેકેજ માટે હાલમાં માત્ર 19 બેઠકો ઉપલબ્ધ છે.
ટોપ સ્ટોરી
ટ્રેન્ડિંગ સમાચાર
