(Source: Poll of Polls)
સાયબર ક્રાઈમને લઈ સરકારે 4 આંકડાનો હેલ્પલાઈન નંબર જાહેર કર્યો
સાયબર ક્રાઈમની વધતી ઘટનાઓને રોકવા માટે સરકારે એક નવો નેશનલ હેલ્પલાઈન નંબર જારી કર્યો છે. ગૃહ મંત્રાલયે રાષ્ટ્રીય હેલ્પલાઈન નંબર 155260 બદલીને 1930 કરી દીધો છે.
સાયબર ક્રાઈમની વધતી ઘટનાઓને રોકવા માટે સરકારે એક નવો નેશનલ હેલ્પલાઈન નંબર જારી કર્યો છે. ગૃહ મંત્રાલયે રાષ્ટ્રીય હેલ્પલાઈન નંબર 155260 બદલીને 1930 કરી દીધો છે. ટેલિકોમ્યુનિકેશન વિભાગે આ નવા હેલ્પલાઇન નંબર વિશેની માહિતી તેના સત્તાવાર X હેન્ડલ દ્વારા શેર કરી છે. આ હેલ્પલાઈન નંબર ખાસ કરીને એવા લોકોને મદદ કરશે જેઓ કોઈપણ પ્રકારની નાણાકીય છેતરપિંડીનો ભોગ બન્યા છે. આ સિવાય તમે નેશનલ સાયબર ક્રાઈમ પોર્ટલ પર પણ આ અંગે ફરિયાદ કરી શકો છો.
डिजिटल सुरक्षा के 3 चरण 👇
— DoT India (@DoT_India) October 27, 2024
1. रुको
2. सोचो
3. Action लो
👉🏻 साइबर क्राइम हेल्पलाइन नंबर 1930 पर डायल करें
👉🏻 https://t.co/Zugp0z80Mq पर रिपोर्ट करें
-प्रधानमंत्री श्री नरेन्द्र मोदी pic.twitter.com/eQz81J9Ytp
ગૃહ મંત્રાલય (MHA) અને ભારતીય સાયબર ક્રાઈમ કો-ઓર્ડિનેશન સેન્ટર (I4C) દ્વારા શરૂ કરવામાં આવેલી આ પહેલ ભારતીય નાગરિકો માટે સુરક્ષિત ડિજિટલ પેમેન્ટ સિસ્ટમ્સ પ્રદાન કરવાની પ્રતિબદ્ધતાનું ઉદાહરણ આપે છે. સાયબર ફ્રોડનો ભોગ બનેલા લોકો આ 4 અંકના હેલ્પલાઈન નંબર પર ગમે ત્યારે કોલ કરી શકે છે. આ હેલ્પલાઈન નંબર સંબંધિત રાજ્ય પોલીસ દ્વારા ઓપરેટ કરવામાં આવે છે.
છેતરપિંડી કરનારાઓનું હવે આવી બનશે
આ નંબર પર કરવામાં આવેલી ફરિયાદ પર સાયબર ફ્રોડ સંબંધિત વિગતો લેવામાં આવશે અને ફ્રોડ રિપોર્ટિંગ અને મેનેજમેન્ટ સિસ્ટમ પર ટિકિટ આપવામાં આવશે. આ પછી, તેને સંબંધિત બેંક, વોલેટ અથવા વેપારીને મોકલવામાં આવશે જેથી છેતરપિંડીની રકમ ફ્રીજ કરી શકાય. એકવાર રકમ ફ્રીજ થઈ ગયા પછી, સાયબર ગુનેગારો આ રકમનો ઉપયોગ કરી શકશે નહીં. જો આ રકમ છેતરપિંડી કરનારની બેંકમાં ટ્રાન્સફર કરવામાં આવી હોય તો પણ જ્યાં સુધી પૈસા પાછા ન આવે ત્યાં સુધી આ પ્રક્રિયા ચાલુ રહેશે.
રાષ્ટ્રીય હેલ્પલાઈન નંબર ભારતીય રિઝર્વ બેંક (RBI), તમામ જાહેર અને ખાનગી ક્ષેત્રની બેંકો અને ઓનલાઈન વોલેટના સહયોગથી વિકસાવવામાં આવ્યો છે. હેલ્પલાઈન નંબરથી એવા લોકો પણ જે ઈન્ટરનેટનો ઉપયોગ કરી શકતા નથી તેઓ સાયબર ક્રાઈમની જાણ કરી શકશે. તેમજ સાયબર ક્રાઈમની જાણ કરવા પોલીસ સ્ટેશનની મુલાકાત લેવાની જરૂર રહેશે નહીં.
દેશમાં સાયબર અપરાધોની વધતી જતી ઘટનાઓને ધ્યાનમાં રાખીને ગૃહ મંત્રાલય અને I4C ચાંપતી નજર રાખી રહ્યા છે. ઉપરાંત નાગરિકોને સાયબર ક્રાઈમ અંગે જાગૃત કરવા માટે પણ પ્રશિક્ષણ આપવામાં આવી રહ્યું છે. સરકાર દ્વારા જારી કરવામાં આવેલ આ નવો 4 અંકનો હેલ્પલાઈન નંબર કોઈપણ પ્રકારના સાયબર ક્રાઈમ માટે ઉપયોગમાં લઈ શકાશે.
ભાડા કરાર સમયે આ વાતનું રાખો ખાસ ધ્યાન, નહી તો મુશ્કેલીમાં મુકાશો
ટોપ સ્ટોરી
ટ્રેન્ડિંગ સમાચાર
