![ABP Premium](https://cdn.abplive.com/imagebank/Premium-ad-Icon.png)
Weather Today: દિલ્હી-NCR, યુપી સહિત અનેક રાજ્યોમાં હિટવેવ, આભમાંથી હજુ વરસશે અંગારા
Weather Updates: આગામી દિવસોમાં દેશના અનેક વિસ્તારોમાં મહત્તમ તાપમાનમાં 2 થી 3 ડિગ્રી સેલ્સિયસનો વધારો થઈ શકે છે.
![Weather Today: દિલ્હી-NCR, યુપી સહિત અનેક રાજ્યોમાં હિટવેવ, આભમાંથી હજુ વરસશે અંગારા Heat wave in many states including Delhi-NCR, UP, embers will still rain from Abha Weather Today: દિલ્હી-NCR, યુપી સહિત અનેક રાજ્યોમાં હિટવેવ, આભમાંથી હજુ વરસશે અંગારા](https://feeds.abplive.com/onecms/images/uploaded-images/2023/05/11/3c0e28241e0fb0dda2de0439143c8a13168377566130076_original.jpg?impolicy=abp_cdn&imwidth=1200&height=675)
Weather Today: દેશમાં કમોસમી વરસાદ બાદ ફરી ગરમીનો પ્રકોપ શરૂ થયો છે. રાષ્ટ્રીય રાજધાની સહિત દેશના મોટાભાગના રાજ્યોમાં ફરી એકવાર આકરી ગરમી શરૂ થઈ ગઈ છે. આ ઉપરાંત આગામી દિવસોમાં દેશના અનેક વિસ્તારોમાં મહત્તમ તાપમાનમાં 2 થી 3 ડિગ્રી સેલ્સિયસનો વધારો થઈ શકે છે. તેમજ કેટલાક રાજ્યોમાં તાપમાન 42 ડિગ્રી સેલ્સિયસ સુધી પહોંચી શકે છે. 11 મેના રોજ મોટાભાગના રાજ્યોમાં વરસાદની કોઈ શક્યતા નથી અને હવામાન સ્વચ્છ રહેશે.
IMD તરફથી પ્રાપ્ત માહિતી અનુસાર, રાજધાનીમાં મહત્તમ તાપમાન 38 ડિગ્રી સેલ્સિયસ અને લઘુત્તમ તાપમાન 22 ડિગ્રી સેલ્સિયસ રહેવાની ધારણા છે. તેમજ હવામાન સ્વચ્છ રહેશે. શનિવાર, 13 મે અને રવિવાર, 14 મેના રોજ દેશના ઘણા ભાગોમાં વરસાદની અપેક્ષા છે, પરંતુ તાપમાનમાં કોઈ ઘટાડો થશે નહીં. 13 મેના રોજ મહત્તમ તાપમાન 42 ડિગ્રી સેલ્સિયસ અને 14 મેના રોજ 41 ડિગ્રી સેલ્સિયસ રહેવાની સંભાવના છે.
હીટવેવનો પણ સંકેત
રાજસ્થાન હવામાન વિભાગની આગાહી મુજબ આગામી દિવસોમાં રાજ્યમાં હવામાન શુષ્ક રહેવાની અને તાપમાનમાં 2-3 ડિગ્રી સેલ્સિયસનો વધારો થવાની સંભાવના છે. યુપીમાં પણ વરસાદની મોસમ પૂરી થઈ ગઈ છે. જે બાદ હવે ફરી એકવાર હવામાનમાં વધારો થવા જઈ રહ્યો છે. રાજ્યમાં તાપમાનમાં 2 થી 4 ડિગ્રીનો વધારો થવાની સંભાવના છે. ઉત્તરાખંડમાં પણ આગામી એક-બે દિવસમાં હવામાન શુષ્ક રહી શકે છે. બિહારના હવામાન વિભાગની આગાહી મુજબ રાજ્યના ઘણા જિલ્લાઓમાં તાપમાન 42 ડિગ્રીને પાર કરી ગયું છે. આ ઉપરાંત વિભાગે અનેક જિલ્લાઓમાં હીટવેવના સંકેતો પણ આપ્યા છે.
મધ્યપ્રદેશ, મહારાષ્ટ્ર, ઝારખંડ, છત્તીસગઢ અને ગુજરાતમાં આગામી થોડા દિવસોમાં તાપમાનમાં વધારો જોવા મળી શકે છે. ગુજરાતના અનેક વિસ્તારોમાં મહત્તમ તાપમાન 42 ડિગ્રીએ પહોંચી ગયું છે. મહારાષ્ટ્ર અને મધ્યપ્રદેશના કેટલાક ભાગોમાં તાપમાન 40 ડિગ્રીની આસપાસ છે. હવામાન વિભાગ પાસેથી મળેલી માહિતી મુજબ આ રાજ્યોમાં આગામી ચારથી પાંચ દિવસ દરમિયાન મહત્તમ તાપમાનમાં 4-5 ડિગ્રીનો વધારો જોવા મળી શકે છે. આ સાથે કેટલાક સ્થળોએ હીટવેવની પણ સંભાવના છે.
મોચાના કારણે ક્યાં ક્યાં પડી શકે છે વરસાદ ?
હવામાન વિભાગના જણાવ્યા અનુસાર ચક્રવાત મોચાને કારણે કર્ણાટક, કેરળ, અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, ઓડિશા, રાયલસીમા, તમિલનાડુ, પુડુચેરી, કરાઈકલમાં અલગ-અલગ સ્થળોએ ભારે વરસાદ થઈ શકે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)