Fighter Jets: ભારતે લીધો મોટો નિર્ણય! આ દેશ પાસેથી ખરીદશે દુનિયાના 40 સૌથી ખતરનાક ફાઈટર જેટ ખરીદશે

India To Purchase Rafale Fighter Jets: ભારતીય વાયુસેનામાં સતત ઘટી રહેલી ફાઈટર પ્લેનની સંખ્યા પર નિષ્ણાતો ચિંતા વ્યક્ત કરી રહ્યા છે, જ્યારે ચીન તેની વાયુસેનાને સતત મજબૂત કરી રહ્યું છે.

ભારત ખરીદશે 40 ફાઇટર જેટ

Source : google

India To Purchase Rafale Fighter Jets: ભારતીય વાયુસેનામાં સતત ઘટી રહેલી ફાઈટર પ્લેનની સંખ્યા પર નિષ્ણાતો ચિંતા વ્યક્ત કરી રહ્યા છે, જ્યારે ચીન તેની વાયુસેનાને સતત મજબૂત કરી રહ્યું છે. દરમિયાન સંરક્ષણ સંબંધિત એક વેબસાઈટે તેના અહેવાલમાં જણાવ્યું છે કે, ભારત સરકારે ફ્રાન્સ પાસેથી વધુ 40 રાફેલ ફાઈટર પ્લેન ખરીદવાનો નિર્ણય કર્યો છે.

 ભારત અને ફ્રાન્સ વચ્ચેની આ ડીલ સરકારથી સરકાર (G2G) ધોરણે થશે. રિપોર્ટ અનુસાર ફ્રાન્સના રક્ષા મંત્રી 28 કે 29 એપ્રિલે ભારતની મુલાકાતે આવવાના છે. આ મુલાકાત દરમિયાન બંને દેશો વચ્ચે ભારતીય નૌકાદળ માટે રાફેલ મરીન ફાઈટર પ્લેનની ખરીદીને લઈને સમજૂતી પર હસ્તાક્ષર કરવામાં આવશે. આ રાફેલ મરીન ફાઈટર જેટ્સને ભારતના એરક્રાફ્ટ કેરિયર્સ પર તૈનાત કરવામાં આવશે.

રિપોર્ટમાં આ મોટો દાવો કરવામાં આવ્યો છે

ભારત શક્તિના અહેવાલ મુજબ, ભારત સરકારના વરિષ્ઠ અધિકારીઓએ પુષ્ટિ કરી છે કે, ભારત અને ફ્રાન્સ વચ્ચે ઉચ્ચ સ્તરીય વાતચીત થઈ છે. આ બેઠકમાં ઘણા મહત્વપૂર્ણ મુદ્દાઓ પર ચર્ચા કરવામાં આવી હતી, જેમ કે ભારતમાં નિર્માણ થનારા હેલિકોપ્ટર માટે ફ્રેન્ચ કંપની સેફ્રાન પાસેથી એન્જિન ખરીદવા અને ભારતીય વાયુસેના માટે રાફેલ ફાઈટર જેટ્સની બીજી બેચની ખરીદવું

આ કરારને હાલમાં ફાસ્ટ-ટ્રેક એમઆરએફએ-પ્લસ ડીલ નામ આપવામાં આવ્યું છે. MRFA (મલ્ટી રોલ ફાઈટર એરક્રાફ્ટ) પ્રોગ્રામ હેઠળ ભારત 114 ફાઈટર પ્લેન ખરીદવાની યોજના બનાવી રહ્યું છે અને આ અંગે અનેક સ્તરે વાતચીત ચાલી રહી છે.

સરકારે આ મોટું પગલું ભર્યું છે

ભારતે મલ્ટી-રોલ ફાઈટર એરક્રાફ્ટ (MRFA) પ્રોજેક્ટ હેઠળ 114 ફાઈટર એરક્રાફ્ટ ખરીદવાના છે, પરંતુ સરકાર દ્વારા હજુ સુધી આ માટે કોઈ ટેન્ડર બહાર પાડવામાં આવ્યું નથી. જો કે, સૂત્રોએ જણાવ્યું છે કે ભારતીય વાયુસેનાની તાત્કાલિક જરૂરિયાતો અને રાફેલ એરક્રાફ્ટ સાથેની હાલની તાલમેલને ધ્યાનમાં રાખીને સરકારે સીધા જ રાફેલ વિમાન ખરીદવાનો નિર્ણય કર્યો છે. વાટાઘાટોમાં સામેલ એક વરિષ્ઠ અધિકારીએ જણાવ્યું હતું કે, "આ માત્ર ખરીદી નથી પરંતુ એક મોટી વ્યૂહાત્મક યોજનાનો એક ભાગ છે જે ભવિષ્યમાં પણ ચાલુ રહેશે."

વાયુસેનાને મજબૂત બનાવવામાં આવશે!

ભારતીય વાયુસેનાને સંપૂર્ણ રીતે મજબૂત રાખવા માટે તેની પાસે ઓછામાં ઓછી 42.5 સ્ક્વોડ્રન હોવી જરૂરી છે, પરંતુ હાલમાં માત્ર 31 સ્ક્વોડ્રન હાજર છે. આવી સ્થિતિમાં જો ચીન અને પાકિસ્તાન સાથે એક સાથે યુદ્ધની સ્થિતિ સર્જાય છે તો ભારતને મુશ્કેલીનો સામનો કરવો પડી શકે છે. વાયુસેનાના ઘણા નિવૃત્ત અધિકારીઓએ આ સ્થિતિને 'ઇમરજન્સી' પણ ગણાવી છે.

આ વર્ષની શરૂઆતમાં એરફોર્સ માર્શલ એપી સિંહે પણ કહ્યું હતું કે જૂના એરક્રાફ્ટની નિવૃત્તિને કારણે દર વર્ષે 35-40 નવા ફાઇટર એરક્રાફ્ટ ઉમેરવા જરૂરી છે જેથી તાકાતમાં કોઈ ઘટાડો ન થાય. બીજી તરફ, હિન્દુસ્તાન એરોનોટિક્સ લિમિટેડ (HAL) એ 2030 સુધીમાં 97 તેજસ Mk-1A જેટ ડિલિવર કરવાની યોજના બનાવી છે, પરંતુ ઉત્પાદનની ધીમી ગતિને કારણે આ લક્ષ્ય હાંસલ કરવું મુશ્કેલ લાગે છે.