રાશનકાર્ડ ધારકોએ ઝડપથી કરવું જોઈએ આ કામ, મફત રાશન મેળવવામાં થઈ શકે છે મુશ્કેલી
ભારત સરકાર ઘણી યોજનાઓ ચલાવે છે, જેમાંથી એક અંત્યોદય યોજના છે, જે હેઠળ પાત્ર લોકોને મફત રાશનની સુવિધા પૂરી પાડવામાં આવે છે.
ભારત સરકાર ઘણી યોજનાઓ ચલાવે છે, જેમાંથી એક અંત્યોદય યોજના છે, જે હેઠળ પાત્ર લોકોને મફત રાશનની સુવિધા પૂરી પાડવામાં આવે છે. આ દરમિયાન, રાશનકાર્ડ ધારકોએ એક કામ કરવું જરૂરી છે અને જો તેઓ આ કામ નહીં કરે તો તેમને મફત રાશન મેળવવામાં ઘણી સમસ્યાઓનો સામનો કરવો પડી શકે છે.
જો તમે પણ રાશનકાર્ડ ધારક છો તો તમારા માટે ઇ-કેવાયસી કરાવવું ફરજિયાત છે. ઇ-કેવાયસી નહીં કરાવો, તો તમને મફત રાશન મેળવવામાં મુશ્કેલીનો સામનો કરવો પડી શકે છે. તમારુ રેશનકાર્ડ પણ કેન્સલ થઈ શકે છે. તેથી, આ કામ સમયસર પૂર્ણ કરો.
ઈ-કેવાયસી શા માટે ફરજિયાત છે?
સરકાર જાહેર વિતરણ વ્યવસ્થા (PDS) હેઠળ અંત્યોદય અને પ્રાથમિકતા ધરાવતા પરિવારોને સસ્તા દરે અનાજ પૂરું પાડે છે. પરંતુ ઘણા અયોગ્ય લોકો પણ આનો લાભ લઈ રહ્યા હતા. હવે આને રોકવા માટે સરકારે બધા રાશનકાર્ડ ધારકો માટે e-KYC ફરજિયાત બનાવ્યું છે.
પહેલા આ પ્રક્રિયા ફક્ત રાશનની દુકાનો પર ઇ-પૉસ મશીનો દ્વારા જ થતી હતી પરંતુ હવે તમે ઘરે બેઠા તમારા મોબાઇલથી ઇ-કેવાયસી કરી શકો છો. વાસ્તવમાં સરકારે નાગરિકોની સુવિધા માટે 'મેરા ઈ-કેવાયસી' મોબાઇલ એપ લોન્ચ કરી છે. આ એપની મદદથી તમે રાશનની દુકાન પર ગયા વિના તમારા અને તમારા પરિવારના બધા સભ્યો માટે e-KYC પૂર્ણ કરી શકો છો.
આ માટે બે એપ ડાઉનલોડ કરવી જરૂરી છે: પહેલી- આધાર ફેસ આરડી સેવા એપ અને બીજી મેરા ઈ-કેવાયસી મોબાઈલ એપ. આ એપ્સ દ્વારા ફેસ ઓથેન્ટિકેશન ટેકનોલોજીનો ઉપયોગ કરીને e-KYC તાત્કાલિક પૂર્ણ કરી શકાય છે.
ઘરેથી તમારા રાશન કાર્ડ માટે e-KYC કેવી રીતે કરવું?
- પ્રથમ, તમારા મોબાઇલ પર મેરા રાશન અને આધાર FaceRD એપ્સ ઇન્સ્ટોલ કરો.
- પછી, એપ ખોલો અને તમારું લોકેશન દાખલ કરો.
- ચકાસણી પ્રક્રિયા પૂર્ણ કરવા માટે તમારો આધાર નંબર, કેપ્ચા અને OTP દાખલ કરો.
- તમારી આધાર-સંબંધિત માહિતી પછી સ્ક્રીન પર દેખાશે.
- અહીંથી, ફેસ e-KYC વિકલ્પ પસંદ કરો.
- કેમેરા ચાલુ રાખીને તમારો ચહેરો સ્કેન કરો અથવા ફોટો કેપ્ચર કરો.
- સબમિટ કર્યા પછી, આખી પ્રક્રિયા થોડીક સેકંડમાં પૂર્ણ થશે.
ઓનલાઈન રેશન કાર્ડ બનાવવા માટેની સ્ટેપ-બાય-સ્ટેપ પ્રોસેસ
સ્ટેપ 1: ઉમંગ એપ ડાઉનલોડ કરો અને તમારા રજિસ્ટર્ડ મોબાઈલ નંબરથી લોગ ઇન કરો.
સ્ટેપ 2: હવે ઉમંગ એપ ખોલો અને યુટિલિટી સર્વિસીસ વિભાગમાં જાઓ.
સ્ટેપ 3: પછી "રાશન કાર્ડ " વિકલ્પ પર જાઓ.
સ્ટેપ 4: હાલમાં, આ સુવિધા ફક્ત થોડા રાજ્યોમાં જ ઉપલબ્ધ છે, તેથી પહેલા રાજ્યોની સૂચિ તપાસો.
સ્ટેપ 5: અરજી ફોર્મ ખુલશે. જરૂરી માહિતી દાખલ કરો, જેમાં તમારું નામ, પિતા અથવા પતિનું નામ, સરનામું અને પરિવારના સભ્યોની સંખ્યાનો સમાવેશ થાય છે.
સ્ટેપ 6: હવે, બધા જરૂરી દસ્તાવેજો, જેમ કે તમારું આધાર કાર્ડ, સરનામાનો પુરાવો, અને પરિવારના સભ્યો અને આધાર કાર્ડ અપલોડ કરો.
સ્ટેપ 7: એકવાર તમે ફોર્મ સબમિટ કરી લો પછી તમને એક નોંધણી નંબર પ્રાપ્ત થશે. આ નોંધણી નંબરનો ઉપયોગ કરીને, તમે તમારા રેશન કાર્ડની સ્થિતિ ઓનલાઈન ચકાસી શકો છો.
ટોપ સ્ટોરી
ટ્રેન્ડિંગ સમાચાર
