ખામેનીના નિધનથી ભારતમાં આક્રોશ: કાશ્મીરથી કર્ણાટક સુધી વિરોધ પ્રદર્શન અને શોક સભાઓ

ઈરાનના સર્વોચ્ચ નેતા આયાતુલ્લાહ અલી ખામેનીની હત્યાના વિરોધમાં ભારતના અનેક શહેરોમાં પ્રચંડ વિરોધ પ્રદર્શન અને શોક સભાઓ યોજાઈ. જમ્મુ કાશ્મીરથી લઈને કર્ણાટક સુધી લોકોમાં ભારે આક્રોશ જોવા મળ્યો.

Khamenei death protests India

Source : ANI

Show Quick Read

Key points generated by AI, verified by newsroom

• ઈરાનના સર્વોચ્ચ નેતાના મૃત્યુ પર ભારતમાં મોટા પાયે વિરોધ પ્રદર્શન.
• કાશ્મીર ખીણમાં હજારો લોકો કાળા ઝંડા સાથે વિરોધ નોંધાવી રહ્યા છે.
• ધાર્મિક નેતાઓએ શોક વ્યક્ત કર્યો, એકતા જાળવવાની અપીલ કરી.
• લખનૌ, પંજાબ, કર્ણાટકમાં અસર, શોકયાત્રા અને બંધનું આયોજન.

ઈરાનના સર્વોચ્ચ નેતા આયાતુલ્લાહ અલી ખામેનીના અમેરિકા અને ઇઝરાયેલની સંયુક્ત લશ્કરી કાર્યવાહીમાં થયેલા મૃત્યુના સમાચાર મળતા ભારતના વિવિધ રાજ્યોમાં શિયા સમુદાય અને અન્ય ધાર્મિક સંગઠનો દ્વારા મોટા પાયે વિરોધ પ્રદર્શન કરવામાં આવ્યા હતા. જમ્મુ કાશ્મીર, ઉત્તર પ્રદેશ, કર્ણાટક અને લદ્દાખ જેવા વિસ્તારોમાં હજારોની સંખ્યામાં લોકો રસ્તા પર ઉતરી આવ્યા હતા અને આ હત્યાની આકરી નિંદા કરી હતી. પશ્ચિમ એશિયામાં સર્જાયેલી આ ગંભીર પરિસ્થિતિને કારણે ભારતમાં વસતા શિયા સમુદાયમાં ઊંડા શોકની લાગણી પ્રસરી ગઈ છે, જેને પગલે અનેક શહેરોમાં શાંતિપૂર્ણ માર્ચ અને સ્વૈચ્છિક હડતાળ રાખવામાં આવી હતી.

કાશ્મીર ખીણમાં પ્રચંડ જનઆક્રોશ અને હડતાળ

જમ્મુ અને કાશ્મીરના અનેક જિલ્લાઓમાં ખામેનીના સમર્થનમાં વિશાળ રેલીઓ કાઢવામાં આવી હતી. શ્રીનગરના લાલ ચોકથી લઈને બડગામ, બાંદીપોરા અને પુલવામા સુધી લોકોએ કાળા ઝંડા અને ખામેનીના પોસ્ટરો સાથે વિરોધ નોંધાવ્યો હતો. કાશ્મીર ખીણમાં વસતા અંદાજે 15 લાખ શિયા સમુદાયના લોકોએ આ ઘટનાને ઇસ્લામિક જગત માટે મોટું નુકસાન ગણાવ્યું છે. પટ્ટન અને અન્ય વિસ્તારોમાં પ્રદર્શનકારીઓએ સૂત્રોચ્ચાર કરીને અમેરિકા અને ઇઝરાયેલની નીતિઓનો વિરોધ કર્યો હતો. અધિકારીઓના જણાવ્યા મુજબ, સુરક્ષા વ્યવસ્થાને ધ્યાનમાં રાખીને પોલીસ અને વહીવટીતંત્ર સતત નજર રાખી રહ્યા છે જેથી પરિસ્થિતિ કાબૂમાં રહે.

#WATCH | Women and children of the Shia Muslim community mourn the death of Iran's Supreme Leader, Ayatollah Ali Khamenei, in the Bathindi area of Jammu pic.twitter.com/sMfREqiU6z

— ANI (@ANI) March 1, 2026

Deeply saddened and outraged at the brutal killing of Iran’s Supreme Leader, Ayatollah Syed Ali Khamenei by the US and Israel that has shaken the Muslim world. The people of JK collectively condemn this brutality and the ongoing aggression against Iran, as well as the massacre of… pic.twitter.com/ZsstuE4yUo

— Mirwaiz Umar Farooq (@MirwaizKashmir) March 1, 2026

I’m deeply concerned about the unfolding developments in Iran, including the killing of Iran’s Supreme Leader, Ayatollah Ali Khamenei. I appeal to all communities to remain calm, uphold peace, and avoid any actions that could lead to tension or unrest.

We must also ensure that…

— Omar Abdullah (@OmarAbdullah) March 1, 2026

#WATCH | Lucknow, UP: Shia community people put up posters and black flags outside their houses and buildings in the Chowk area, mourning the death of Iranian Supreme Commander Ayatollah Ali Khamenei. pic.twitter.com/UeVGdxSbbI

— ANI (@ANI) March 1, 2026

#WATCH | Leh, Ladakh: Shia Muslims take to the streets to protest against the killing of Iran's Supreme Leader Ayatollah Ali Khamenei, who has been killed in Israeli and US strikes pic.twitter.com/Zc4WNaOnUB

— ANI (@ANI) March 1, 2026

We mourn the martyrdom of the family members of Imam Khamenei. May Allah SWT grant them the highest rank among the martyrs. Our prayers are with the Leader and the people of Iran. Ya Allah, grant patience and steadfastness to the believers.

— All J&K Shia Association (@AJKSAOfficial) March 1, 2026

ધાર્મિક નેતાઓની પ્રતિક્રિયા અને શોકની જાહેરાત

કાશ્મીરના મુખ્ય ધર્મગુરુ મીરવાઇઝ ઉમર ફારૂકે આ ઘટના પ્રત્યે ઘેરા દુઃખની લાગણી વ્યક્ત કરી છે. તેમણે આ હત્યાને માનવતા વિરુદ્ધનું કૃત્ય ગણાવતા મુસ્લિમ સમુદાયને એકતા જાળવવા અપીલ કરી છે. ધાર્મિક સંગઠનોના સમૂહ દ્વારા સોમવાર, 2 માર્ચના રોજ સંપૂર્ણ હડતાળનું એલાન પણ કરવામાં આવ્યું છે. લખનૌમાં શિયા ધર્મગુરુ મૌલાના સૈયદ કલ્બે જાવદે પણ આ હુમલાને કાયરતાપૂર્ણ ગણાવીને 3 દિવસના શોકની જાહેરાત કરી છે. તેમણે લોકોને વિનંતી કરી છે કે તેઓ પોતાની દુકાનો બંધ રાખે અને મીણબત્તી માર્ચમાં જોડાઈને પોતાનો વિરોધ નોંધાવે.

લખનૌ, પંજાબ અને કર્ણાટકમાં અસર

ઉત્તર પ્રદેશની રાજધાની લખનૌમાં પણ શિયા સમુદાયના હજારો લોકોએ શોકયાત્રા કાઢી હતી. પ્રદર્શનકારીઓએ જણાવ્યું હતું કે ખામેની માત્ર એક નેતા નહોતા પરંતુ પીડિતોનો અવાજ હતા. પંજાબના લુધિયાણામાં શાહી ઇમામ મૌલાના મોહમ્મદ ઉસ્માન રહેમાની લુધિયાનવીના નેતૃત્વમાં ઇઝરાયેલના વડાપ્રધાનનું પુતળું બાળવામાં આવ્યું હતું. દક્ષિણ ભારતમાં કર્ણાટકના ચિક્કાબલ્લાપુર જિલ્લાના અલીપુરા ગામમાં પણ લોકો ભાવુક થયા હતા. આ ગામમાં વર્ષ 1986 માં ખામેનીએ મુલાકાત લીધી હતી, જેથી અહીંના લોકો સાથે તેમનો જૂનો નાતો છે. ગામની હોસ્પિટલ અને બજારો બંધ રાખીને લોકોએ ખાસ પ્રાર્થનાઓ કરી હતી.

સરકારની સતર્કતા અને મુત્સદ્દીગીરી

જમ્મુ અને કાશ્મીરના મુખ્યમંત્રી ઓમર અબ્દુલ્લાએ રાજ્યના લોકોને શાંતિ જાળવવા અપીલ કરી છે. તેમણે જણાવ્યું કે સરકાર વિદેશ મંત્રાલય સાથે સતત સંપર્કમાં છે, ખાસ કરીને ઈરાનમાં અભ્યાસ કરતા ભારતીય વિદ્યાર્થીઓની સુરક્ષા સુનિશ્ચિત કરવામાં આવી રહી છે. નવી દિલ્હીમાં ઈરાની દૂતાવાસે પણ આદર વ્યક્ત કરવા માટે પોતાનો રાષ્ટ્રીય ધ્વજ અડધી કાઠીએ ઉતાર્યો હતો. ભારતીય નેતાઓએ આ મુદ્દે યુદ્ધને બદલે વાતચીત દ્વારા સમાધાન લાવવાની હિમાયત કરી છે.

આ પણ વાંચો

તેહરાનમાં ખામેની પર 30 બોમ્બ ફેંકીને ઇઝરાયેલ આ રીતે ઉડાવી દીધો, હુમલાનો વીડિયો આવ્યો સામે